Samfélagið

Þórsteinn Ragnarsson forstjóri Kirkjugarða Reykjavíkurprófastdæma: Nú eru liðlega 155.400 nöfn í lagstaðaskránni gardur.is. Bálförum fjölgar jafnt og þétt og þörf er á að endurnýja ofna í bálstofu. Halla Margrét Jóhannesdóttir, safnvörður og jógakennari : Listasafn Einars Jónssonar hefur víkkað út starfsemi sína og býður nú upp á listhugleiðslu einu sinni í viku. Nýlega fékk safnið styrk úr Lýðheilsusjóði til að vera með beina útsendingu á netinu frá hugleiðslunni. Bergljót Baldursdóttir ræðir við Höllu um listhugleiðslu og hvernig hún er lýðheilsumál. Ingibjörg Gunnarsdóttir prófessor í næringarfræði: Ingibjörg er vísindamaður vikunnar að þessu sinni en störf hennar síðastliðin 20 ár hafa einkum snúið að heilsu móður og barns á meðgöngu.

Regína Ásvaldsdóttir sviðsstjóri Velferðarsviðs Reykjavíkur: Síðasta ár með Cocid 19 ástandinu var mikil áskorun fyrir velferðarþjónustuna. Auk þess sem margir starfsmenn þurftu á ákveðnu tímabili að vera í sóttkví þá þurfti að finna lausnir á ótal vandamálum. Regína fer yfir það og hvaða lærdóm megi draga af því. Gísli Jóhannsson blómaræktandi í Dalsgarði: Það er háannatími hjá blómabændum þessa dagana. En það er ekki bara háannatími þessa dagana, heldur nær alla daga og það er ekkert lát á vinsældum blóma. Blóm eru ekki lengur bara til hátíðabriðgða heldur hluti af hversdeginum og bændur hafa ekki undan við að anna eftirspurn. Sabine Leskopf,borgarfulltrúi og formaður stýrihóps: Sabine er formaður stýrihóps sem var skipaður til að koma með tillögur um þjónustu við gæludýr í Reykjavík. Miklar breytingar verða á öllu utanumhaldi gæludýra hjá Reykjavíkurborg.

Signý Valdimarsdóttir verkefnastýra Kvennaathvafs á Norðurlandi: Nú eru nokkrir mánuðir síðan Kvennaathvarfið á norðurlandi var sett á stofn. Signý segir frá stafseminni. Ásta Heiðrún Elísabet Pétursdóttir sviðsstjóri hjá MATÍS: Ásta Heiðrún er ung vísindakona og nýtekin við starfi sviðsstjóra lýðheilsu- og matvælaöryggis. Hún segir hér frá rannsóknum sínum og rannsóknaáhuga. Hafdís Hanna Ægisdóttir: Í umhverfisspjalli dagsins er fjallað um nýja rannsókn þar sem fram kemur að rekja má allt að 8.7 milljónir dauðsfalla til loftmengunar frá jarðefnaeldsneyti.

Kristján Rúnar Kristjánsson og Stella Soffía Jóhannesdóttir: Stella og Kristján eru ein þeirra fjölskyldna sem tóku þótt í Loftlagsdæminu, útvarpsþáttum þar sem fjallað erum áhrif lífstíls okkar á loftslagið og hvernig hægt er að skora vanan á hólm og minnka kolefnisspor heimila. Rætt við þau um hvernig gekk að taka þátt í verkefninu, Kristín Loftsdóttir, mannfræðingur: öskudagsbúningar - afhverju má ekki klæðast eftir kynþætti eða þjóðhætti. Edda Olgudóttir með vísindahorn vikunnar og fjallaði um lyf við offitu.

Guðný Nielsen verkefnastjóri hjá RK: Rauði Krossinn efnir til neyðarsöfnunnar vegna COVID-19 í Malaví. Ástandið þar er hrikalegt, ekkert bóluefni og vanmáttugt heilbrigðiskerfi ræður ekki við ástandið. Afleiðingarnar eru meðal annar aukið heimilisofbeldi fjölgun barnahjónabanda vegna fátæktar. Örlygur Steinn Sigurjónsson leiðsögumáru og plokkari: Örlygur hefur tekið sér fyrir hendur að hreinsa upp notaðar Covidgrímur þar sem þær eru fjúka um á víðavangi. Friðrik Páll: Rússneska bóluefnið Spútnik V kann að verða eftirsótt um allan heim vegna góðrar virkni, vegna verðs og vegna þess að framleiðsla viðurkenndra lyfja er ekki eins mikil og vonast var til. Fólk er óþolinmótt og vill aukið framboð á bóluefni. Rússnesk stjórnvöld vænta þess að bóluefnið bæti ímynd Rússlands á alþjóðavettvangi, ekki síst eftir harða gagnrýni á þau fyrir fangelsisdóm yfir stjórnarandstæðingnum Navalny.

Helga Lára Þorsteinsdóttir frá safni RÚV kemur með áhugaverða hljóðbúta úr fortíðinni. Að þessi sinni fáum við að heyra umfjöllun um skipulag og þrif á geymslum úr Húsmæðraþættinum um miðbik síðustu aldar. Skarphéðinn Þórisson hreindýrasérfræðingur hjá Náttúrustofu Austurlands: hreindýr hafa sum hver hrakist til byggða og flækjast um á vegum. 11 slys á vegum hafa orðið vegna hreindýra það sem af er ári. Þá er búið að gefa út veiðikvóta ársins. Vísindamaður vikunnar Guðlaugur Jóhannesson, stjarneðlisfræðingur: geim- og háorkugammageislar.

Guðmundur Arnar Sigmundsson forstöðumaður CERT-IS: Netöryggissveit Fjarskiptastofnunnar sinnir mikilvægu hlutverki í netvörnum landsins. Guðmundur rekur helstu ógnanir og ráð til varnar. Halldór Pétur Þorsteinsson fagsviðsstjóri fiskeftirlits hjá MAST: Matvælastofnun hefur birt tilkynningu um mikilvægi þess að fiskikör með fiski séu lokuð til að forðast ágang fugla. Ríkey Hlín Sævarsdóttir, Náttúrustofu Kópavogs: Heimsókn í Náttúrufræðistofu Kópavogs þar sem sýningin Lífljómun stendur nú yfir. Ríkey segir frá starfsemi safnsins og sýningunni.

Þórhallur Ólafsson framkvst. 112 og Þóra Jónasdóttir aðst.yfirlögregluþjónn: 112 dagurinn er í dag og nú er sjónum einkum beint að öryggi og velferð barna og ungmenna. Jón Viggó Gunnarsson forstjóri Sorpu: Miklar breytingar fylgja því þegar GAIA, gas- og jarðgerðarstöðin verður komin á fullt skrið og orka og næringarefni úr lífrænum heimilisúrgangi verður endurheimt. Stefán Gíslason: Í umhverfisspjalli er rætt um manngerða eyju sem Danir ætla að búa til þar sem safnað verður orlu frá frá fjölmörgum vindmyllum á sjó.

Þóra Jónsdóttir verkefnastjóri hjá Barnaheill: Nú eru 20 ár síðan Barnaheill settu upp ábendingasíðu þar sem fólk getur bent á óviðeigandi efni á netinu svo sem ofbeldi gegn börnum. Barnaheill eru í alþjóðlegum samtökum um ábendingalínur sem tryggja hraða úrvinnslu ábendinga, Lára Jónasdóttir: Lára hefur starfað með Læknum án Landamæra í mannúðarstarfi víða um heim, í löndum eins og Afganistan, Jemen, Suður - Súdan og víðar. Lára er nú komin heim til Íslands, í bili að minnsta kosti, og lítur yfir farin veg, lærdóminn, löndin og ástandinu þar, og lýsir menningar- og forréttindasjokkinu sem fylgir því að koma heim til Íslands. Elísa Arnarsdóttir lögfræðingur hjá Húseigendafélaginu: Í undirbúningi er frumvarp um að húsfundir húsfélaga megi vera rafrænir en slíkt er ekki leyfilegt samkvæmt núgildandi lögum.

Vilhjálmur Árnason stjórnarformaður Siðfræðistofnunnar HÍ: Í blaðagrein í dag varpa fjórir heimspekingar fram áleitnum spurningum um að Ísland verði tilraunaland í rannsókn á bóluefni Pfizer. Þeir segja enga umræðu hafa átt sér stað varðandi þessi áform. Sigurbjörn Hjaltason bóndi Kiðafelli: Sigurbjörn ræðir aðgerðaráætlun sína í verkefninu Loftslagsvænn landbúnaður sem er hluti af aðgerðaáætlun ríkisins í loftslagsmálum. Friðrik Páll: Joe Biden, forseti Bandaríkjanna, sagði á fyrsta degi í embætti að baráttan gegn loftslagsbreytingum yrði forgangsmál hjá nýju stjórninni, og fyrir nokkrum dögum barst honum óvæntur stuðningur. GM, General Motors, stærsti bílaframleiðandi Bandaríkjanna, tilkynnti þá að fyrirtækið stefndi að því að framleiða eingöngu rafbíla frá árinu 2035.