Samfélagið

Einar Snorri Magnússon forstjóri Coca Cola á Íslandi: fyrirtæið stefnir að því að hafa allar plastumbúðir um gos og drykki úr hundrað prósent endurunni plasti. Rætt við Einar um grænu skrefin, áskoranirnar og framtíðina. Jón Gunnar Bernburg: Við höldum áfram að kynna rannsóknarstarfið í Háskóla Íslands í samstarfi við Vísindavefinn. Að þessu sinni er Jón Gunnar Bernburg vísindamaður vikunnar hér í Samfélaginu. Jón Gunnar er prófessor í félagsfræði sem hefur hann komið víða við í rannsóknum sínum, en síðustu ár hefur hann beint sjónum sínum að fjöldamótmælum á Íslandi. Afhverju mótmælir fólk, hvað kenndi búsáhaldabyltingin og Panama-hneykslið okkur og hvað segja viðbrögð okkar við sóttvarnarreglum um okkur sem samfélag? Heyrum af því hér á eftir. Sigríður Lára Guðmundsdóttir íþrótta- og heilsufræðingur: Sigríður er ein af sex sérfræðingum sem skrifa í nýjasta tölublað Læknablaðsins og lýsa yfir áhyggjum sínum af því að fólk sem er að hreyfa sig taki út heilu fæðuflokkana eins og þegar fólk kýs háfitu-lágkolvetna fæði. Það geti haft slæm áhrif á heilsufar fólks og nýjar rannsóknir bendi til þess að háfitu-lágkolvetna mataræði geti dregið úr árangri í íþróttum.

Anna Lúðvíksdóttir framkvæmdastjóri Íslandsdeildar Amnesty International: Anna segir baráttu samtakanna og fjallar sérstaklega um þau mál sem efst eru á baugi núna. Einar Skúlason leiðsögumaður á Vetrarhátíð: Einar leiðir göngu á Vetrarhátíð sem hann kallar berklagöngu. Vera Illugadóttir: Veðurspá múrmeldýrsins.

Emil Sævarsson framkv.stjóri Blikksmiðju Guðmundar: Í Blikksmiðjunni hefur flokkun úrgangs skilað frábærum árangri en aðkoma sveitarfélaga að úrgangsflokkun fyrirtækja mætti fela í sér meiri hvata. Finnur Aðalbjarnarson verktaki í snjómokstri: Rætt um starfið í snjómokstrinum, snjóinn, tæknina og vísindin. Stefán Gíslason: Í umhverfispistli fjallar Stefán um mikilvægi votlendis en alþjóðlegur votlendisdagur var í fyrradag.

Magnús Karl Magnússon prófessor við læknadeild HÍ og vísindamaður hjá ÍE: blóðleysi af völdum járnskorts, ný rannsókn leiðir í ljós erfðabreytileika sem hefur verið áhrif á tíðni blóðleysis sem er landlægt víða um heim Hjálmar Sigmarsson, ráðgjöf og fræðsla hjá Stígamótum: Þátttaka karla í baráttunni gegn kynbundnu ofbeldi. Edda Olgudóttir með vísindaspjall um prótín sem einu sinni gengdi hlutverki í ofnæmiskerfinu en virðist nú auka líkur á krabbameini

Guðmundur A Guðmundsson dýravistfræðingur: Hvar eru farfuglarnir núna? Guðmundur fer yfir farflug helstu tegundanna og tímasetningar. Gunnella Þorgeirsdóttir lektor HÍ: Á japönsku dögum í HÍ flytur Gunnella fyrirlestur um japanska skrýmslið Amabie sem hefur notið vinsælda í baráttunni gegn Covid 19. Friðrik Páll: Kórónasmitum hefur fækkað í Danmörku, en uggur er í mönnum vegna þess að ekki hefur tekist að stöðva útbreiðslu bresks afbrigðis veirunnar, sem nefnt er B117. Yfir eitt þúsund hafa greinst með það í Danmörku. Þetta veiruafbrigði er meira smitandi, og breiðist hraðar út en önnur í Danmörku, Bretlandi, Bandaríkjunum og víðar.

Arnheiður Steinþórsdóttir, sagnfræðingur: Arnheiður sagði frá lokaverkefni sínu sem fjallaði um aðkomu kvenna að útvarpinu á síðustu öld. Elva Rakel Jónsdóttir framkvæmdastjóri Svansins á Íslandi: Svansvottun nær yfir mikið meira en margur heldur, rætt við Elvu um eðli vottunarinnar og möguleikum til framtíðar Árný Erla Sveinbjörnsdóttir er vísindamaður vikunnar og fjallar um vísindarannsóknir á Grænlandi.

Ólafur Margeirsson hagfræðingur: Ólafur útskýrir og ræðir svokallað kleinuhrigjahagfræði. Anna Soffía Víkingsdóttir: Anna vinnur að doktorsritgerð við Háskóla Íslands um kynferðislegt, líkamlegt og andlegt ofbeldi í keppnisíþróttum kvenna, bæði hóp- og einstaklingsíþróttagreinum. Vera Illugadóttir: Viðfangsefni Veru að þessu sinni er nýjar rannsoknir á moldvörpurottunni m.a. hljóðum hennar.

Árni Múli Jónasson, framkvæmdastjóri Íslandsdeildar Transparency international: Spillingarvísitalan á Íslandi. Könnun sýnir að spilling eykst á Íslandi. Jóhanna Eyrún Torfadóttir, hjá Embætti landslæknis: Næringar og umhverfisviðmið fyrir mötuneyti og skóla, neyslubreytingar síðustu árin, átök og deilur um mat. Emilía Borgþórsdóttir, umhverfispistill. Emilía ræðir um mikilvægi þess að breyta hegðun okkar, frekar en að skipta út einu fyrir annað, eins og að nota pappírspoka frekar en plastpoka.

Hrund Gunnsteinsdóttir framkvæmdastjóri Festu: Festa, miðstöð um samfélagsábyrgð fagnar 10 ára afmæli í ár og heldur netráðstefnu undir yfirskriftinni Nýtt upphaf þar sem ræddar eru þær umbreytingar sem þurfa að verða á viðskipta- og stjórnarháttum á heimsvísu. Arndís Björg Sigurgeirsdóttir formaður Villikatta: Félagið Villikettir er með starfsemi um land allt. Á síðastliðnu ári kom félagið til aðstoðar rúmlega 600 köttum, þar af fóru um 400 á framtíðarheimili. Edda Olgudóttir: Í vísindaspjalli að þessu sinni fjallar Edda um Ketósa.

Kristinn Haukur Skarphéðinsson dýravistfræðingur hjá Náttúrufræðistofnun: Frumvarp um vernd, velferð og veiðar á villtum fuglum og spendýrum var lagt fram á Alþingi í síðustu viku. Kristinn fer yfir helstu breytingar frá núgildandi lögum. Hann saknar þess að selir skuli standa utan laganna. Sævar Helgi Bragason : Gervitunglum á braut um jörðu fjölgar hratt um leið og þau verða smærri. Talað er um nýtt geimkapplaup. Sævar ræðir jákvæðar og neikvæðar hliðar aukins fjölda gervitungla. Friðrik Páll Jónsson: Ísraelsmönnum hefur gengið miklu betur en öðrum þjóðum að bólusetja fólk við kórónaveikinni og það er skýring á því. Yfirvöld birtu í síðustu viku samkomulag við bandaríska lyfjarisann Pfizer, þar sem kveðið er á um greiðan aðgang Ísraelsmanna að bóluefni gegn því að Pfizer fái ítarlegar heilbrigðisupplýsingar um þá sem eru bólusettir, en þær eiga þó ekki að vera persónugreinanlegar.