Samfélagið

Helga Lára Þorsteinsdóttir safnstjóri RÚV: gamalt efni úr safni RÚV skoðað, að þessu sinni er hlustað um bút úr Húsmæðraþættinum, en þar flutti Anna Gísladóttir húsmæðrakennari og húsmóðir erindi um melónur. Vísindamaður vikunnar er Margrét Helga Ögmundsdóttir, dósent við læknadeild Háskóla Íslands, en hún hefur rannsakað sjálfsát í frumum. Heilsupistill: Bergljót Baldursdóttir hitti Inga Steinar Ingason, sviðstjóra miðstöðvar rafrænna heilbrigðislausna hjá embætti landlæknis til að ræða um Heilsuveru og framtíð hennar. Metaðsókn var á Heilsuveru vef sem embætti landlæknis og heilsugæslan reka á síðasta ári 2020. Tæplega tvö hundruð þúsund manns notuð vefinn og farið var þrisvar sinnum oftar á síðuna árið 2020 heldur en árið á undan. Lang flestar innskráningar á einum mánuði voru í september þegar hátt í fimm hundruð þúsund manns notuðu hann. Það nýjasta á Heilsuveru eru bólusetningavottorðin sem voru að detta þar inn í fyrsta sinn núna fyrir helgi.

Christina Milscha einn sjálfboðalið Andrýmis: Andrými er staðsett við Bergþórugötu í Reykjavík og er róttækt félagsrými sem skipuleggur ýmiskonar grasrótarstarfsemi s.s. ókeypis súpermarkað. Jón Björgvinsson, fréttamaður Sviss: Jón fjallar í pistli sínum um þá mismunandi máta sem við heilsum og kveðjum á. Vera Illugadóttir: Sagt frá hunda- og kattagóðgæti .

Björn Rúnar Lúðvíksson læknir: Tilefni viðtalsins er erindi sem Björn hélt á Læknadögum 2021 sem bar heitið: Kuldinn gælir við okkur innan sem utan: Hvað segja vísindin. Laufey Steingrímsdóttir næringarfræðingur: Hvað er íslenskur matur? Rætt um matarviðhorf þjóðarinnar og umbreytingar á mataræði. Stefán Gíslason: Umhverfispistill um hvð muni breytast með nýjum forseta í Bandaríkjunum.

Jón Svanberg Hjartarson framkvæmdastjóri Slysvarnarfélagsins Landsbjargar og Örn Smárason verkefnisstjóri sjóbjörgunar: Stefnt er að kaupum á nýjum bátum fyrir félagið til að sinna fjölbreyttum störfum í þágu öryggis og björgunnar víðs vegar um land. Lísabet Guðmundsdóttir fornleifafræðingur og Marta Guðrún Jóhannesdóttir kennari, Drangsnesi: Rætt er um fornleifauppgröft í Sandvík Kaldrananeshreppi og heimsókn nemenda grunnskólans á Drangsnesi á vettvang og vinnu nemenda með umhverfi sitt. Edda Olgudóttir með vísindaspjall um melatónín.

Karl Eðvaldsson forstjóri Resource int. ehf: Farið er yfir skýrslu sem fyrirtækið vann fyrir Umhverfisstofnun um þörfina á sorpbrennslustöð á Íslandi. Agnes Björg Tryggvadóttir teymisstjóri áfallateymis: Efla á geðheilbrigðisþjónustu á Austurlandi í þágu íbúa Seyðisfjarðar í kjölfar hamfarana þar. Rætt er um áföll og hvernig unnið er úr þeim. Friðrik Páll Jónsson: Árásin á þinghúsið í Washington verður það minnisstæðasta frá forsetatíð Donalds Trumps, að mati margra stjórnmálaskýrenda og sagnfræðinga, sem telja að hans verði minnst sem eins versta forseta Bandaríkjanna. Hópur þingmanna repúblikana hefur snúist gegn honum, þótt flestir þeirra styðji hann enn, og taki undir þá lygi að hann hafi verið sigurvegari forsetakosninganna. En hvað verður um Trump og repúblikanaflokkinn sem logar í illdeilum eftir atburði undanfarinna vikna?

Vigdís Hafliðadóttir og Victor Karl Magnússon, heimspekinemar: Skýrsla um heimspekilegar áskoranir á farsóttartímum. Vigdís og Victor ásamt tveimur öðrum heimspekinemum unnu að skýrslu þar sem rýnt var í ákvarðanatöku og þankagang íslenskra stjórnvalda vegna kórónaveiru faraldursins. Satú Ramö, rithöfundur: Finnska gufan er komin á heimsminjaskrá Unesco. Rætt við Satú sem er finnsk og notar gufu heimikið með sinni fjölskyldu til að endurnæra líkama og sál. Haukur Óskarsson, framkvæmdastjóri PVd: Stefnt er að því að vinna olíu úr plasti, en PVD hefur undirritað viljayfirlýsingu til þróunarsamstarfs við Sorpu bs um slíka endurvinnslu. Rætt við Hauk um ferlana sem liggja að baki.

Jón Gunnar Þorsteinsson Vísindavefurinn: Rætt um tímatalið og sögu þess. Hörður Jónsson framkv.stjóri rekstrarsviðs Íslandspósts: Covid 19 hefur truflað póstþjónustu víða um heim og svo er líka hér þar sem fólk er enn að fá jólapakka að utan. Vera Illugadóttir : Vera segir frá keppni í Japan um hverrsu lengi flóðsvín dvelja í heitum pottum.

Þórhildur Ólafsdóttir, Inga Dóra Björnsdóttir mannfræðingur og Ragna Gestsdóttir Minjasafni Akureyri: Plastpokabannið í verslunum hefur nú tekið gildi og af því tilefni er forvitnast um sögu plastpokans , viðhorfið til plastpokans áður fyrr og pokasafn Minjasafns Akureyrar. Berglind Ósk Alfreðsdóttir, Ráðgjafastöð landbúnaðarins: Fjallað um verkefnið Loftslagsvænn landbúnaður og skýrslu Ráðgjafamiðstöðvarinnar um plastnotkun í landbúnaði. Hafdís Hanna Ægisdóttir: Umhverfispistill

Einar Sveinbjörnsson veðurfræðingur: Skyndileg hlýnun í heiðhvolfinu hefur mikil áhrif á veðurfarið hjá okkur niður á jörðu. Einar fjallar um hin svokallaða heimskautahvirfil og afleiðngar þess að hlýnun á sér stað í hveiðhvolfinu. Embla Guðrúnar Ágústsdóttir talskona Tabú og Ásta Jóhannsdóttir lektor: Fjallað er um öráreitni og stöðu fatlaðra . Edda Olgudóttir: Vísindaspjall um þróunarfræði þar sem dæmi er tekið af krókódílnum.

Henry A Henrysson heimspekingur, varaform.vísindasiðanefndar: Vísindasiðanefnd heldur málþing um vísindarannsóknir á heilbrigðissviði á tímum Covid-19. Hentar núverandi regluumhverfi slíkum aðstæðum? Hvernig er hjagsmunum þátttakenda bests borgið? Kjartan Long fjallaleiðsögumaður: Slys á útivistarfólki undanfarið hafa vakið upp umræður um hversu vel almenningur er undirbúinn til útivistar þegar bæði veður og færi getur verið tvísýnt. Friðrik Páll: Bretar eru fremstir þjóða í nýtingu vindorku til rafmagnsframleiðslu, og þeir stefna að því á næstu árum að stórauka orkuframleiðslu með þessu hætti, ekki síst með vindmyllum úti í sjó. Boris Johnson forsætisráðherra kvaðst í nóvember í haust vilja fjórfalda vindmyllufjöldann fram til ársins 2030, á aðeins einum áratug.