Samfélagið

Hjalti Jóhannes Guðmundsson skrifstofustjóri skrifstofustjóri skipulags- og umhverfissviðs Reykjavíkurborgar: jólaskreytingar: þróun, sýn, áskoranir og kostnaður. Jólaborgin Reykjavík skartar sínu fegursta. Guðrún Jóhannesdóttir, varaformaður Samtaka verslunar og þjónustu: Spádómar um dauða miðbæjarins hafa ekki ræst ef marka má iðandi lífið í bænum fyrir þessi jól. Um 270 verslanir eru í miðbænum. En þrátt fyrir stemminguna er sagt að ef verslun er ekki á netinu þá er hún ekki til. Bylting hefur orðið í netverslun hér á landi. Málfarsmínúta Edda Olgudóttir, vísindaspjall: sýklalyfjaónæmi, hvernig er hægt að bregðast við því. Edda segir frá rannsóknum á bakteríuveirum.

Ólafur Helgi Samúelsson öldrunarlæknir: Afhverju eldumst við - og hvað áhrif hefur það á samfélagið? Hulda steingrímsdóttir umhverfisstjóri Landspítala: Sirka fjögur tonn af rusli koma frá Landspítalanum á hverjum degi og spítalinn losar heilmikið af gróðurhúsalofttegundum. Stærsta kolefnisspor spítalans er vegna glaðlofts og svæfingagasa. Glaðloft í einni fæðingu losar álíka mikið af kolefnum eins og sparneytinn bíll losar sem ekið er hringinn í kringum landið. Málfarsmínúta Páll Líndal umhverfissálfræðingur með pistil um jól og hefðir.

Upplýst og gagnrýnin umræða um samfélagsmál. Umsjón: Þórhildur Ólafsdóttir og Guðmundur Pálsson.

Karl Eðvaldsson, varaformaður FENÚR og forstjóri ReSource International :Fagráð um endurnýtingu og úrgang - FENÚR - hafa lýst yfir áhyggjum af því að neytendur missi tiltrú á flokkunar- og sorpkerfinu vegna frétta um að íslenskt plast finnist óunnið í vöruskemmu í Svíþjóð. Við ræðum við Sigríði Heiðar forstöðumann sölusviðs hjá Póstinum og Kristínu Ingu Jónsdóttur, forstöðumanni markaðsdeildar en mikið álag hefur verið á alla póstþjónustu á Íslandi því aldrei hafa fleiri pakkasendingar verið póstlagðar. Við heyrum orð eins og pósbox og pakkaport sem eru notuð í auknum mæli til að hægt sé að taka á móti þessu mikla magni af bögglum. Á sama tíma og póstsendingum fjölgar hafa nettröllin og svikhrappar farið á stjá og senda fólki svikatölvupósta um pakkasendingar. Málfarsmínúta Helga Lára Þorsteinsdóttir safni RÚV kemur færandi hendi með gersamir úr safninu. Við hlýðum á innslag úr Fréttaaukanum sem var flutt árið 1949. Þar segir fréttamaðurinn Margrét Indriðadóttir almennt frá jólaundirbúningi og fer síðan á vettvang í miðbæ Reykjavíkur. Hún lýsir jólaösinni í Reykjavík og talar við bóksala; ungan 11 ára vegfarenda og húsmóður í jólainnkaupum.

Karen Jane Sturlaugsson, aðstoðarskólastjóri Tónlistarskólans Reykjanesbæjar, kennari og stjórnandi Bjöllukórsins: Að öllum öðrum hljóðfærum ólöstuðum þá er ekkert eins jólalegt og bjalla, enda klingja jólabjöllurnar ótt og títt þessa dagana, á jólatónleikum og í jólalögum og hvaðeina. Karen leiddi hlustendur Samfélagsins inn í töfraheim bjöllunnar sem hljóðfæris og klingdi í nokkrum fyrir okkur. Þorkell Hreiðarsson, deildarstjóri húsdýragarðsins og yfirmaður Dýraþjónustu Reykjavíkur: Dýraþjónusta Reykjavíkur sem er í húsdýragarðinum tekur við fjölda kvartanna vegna hunda á hverju ári. En hún veitir líka ýmsa þjónstu vegna dýrahalds í borginni og fer í útköll. Hún þurfti t.d. um daginn að sækja álft sem ekki vildi yfirgefa leikskólalóð. Dýraþjónustan er ný og er í þróun. Magnús Heiðar Þorgeirsson blikksmiður: það er brjálað að gera í strompunum í desember. Magnús er ekki jólasveinn samt. En fólk vill kveikja upp í kamínu, arin, eldstæðum á jólunum og þá er eins gott að allt virki. Og Magnús sér til þess.

Árelía Eydís Guðmundsdóttir, dósent við HÍ: Hvað segir það okkur um íslenskan vinnumarkað að eldri konur með mikla reynslu í flottum stjórnunarstörfum velji að hætta? Er vandamálið konurnar eða vinnumenning og fyrirtækjabragur hérlendis? Guðfinna Kristinsdóttir: Að meðaltali týnast 3 hundar á dag á Höfuðborgarsvæðinu og búast má við að um áramótin hverfi um 25 hundar vegna þess að þeir eru hræddir við flugelda. Hundasamfélagið á Facebook og hundasveitin eru þá oft kölluð til. Guðfinna er í hundasveitinni og hún er framkvæmdastjóri Dýrfinnu sem er að þróa nýtt smáforrit sem auðveldar fólki að skipuleggja leit að týndum dýrum. Hún segir okkur frá hundasveitinni og Dýrfinnu í þættinum í dag. Hafdís Hanna Ægisdóttir: jákvæðar fréttir af vistkerfum og náttúru jarðarinnar

Helgi Þór Ingason, verkefnastjóri verkefnis um byggingu sorpbrennslustöðvar á Íslandi ræðir um þörf, eðli og áhrif slíkrar stöðvar. Agnar Steinarsson, sjávarlíffræðingur: Nýlega tókst í fyrsta skipti sem vitað er að ala upp loðnu við tilraunaaðstæður og var það gert í tilraunastöðinni í Grindavík. Vonast er til að þetta verði til þess auka þekkingu okkar á loðnu og hegðun hennar ekki síst eftir að hún tók upp á því að láta sig hverfa í tvö ár. Agnar segir okkur frá mikilvægi loðnunnar og hvernig tókst að ala hana upp í tilraunastöðinni. Málfarsmínúta Edda Olgudóttir í vísindaspjalli um bólusetningar við HIV veirunni

Sigurður Halldórsson, stofnandi og framkvæmdastjóri íslenska endurvinnslufyrirtækisins Pure North Recycling: Sigurður segir það ekki koma sér á óvart að plast frá Íslandi hafi endað í vöruskemmu í Svíþjóð og hafi verið þar óhreyft í fimm ár. Pure North Recycling endurvinnur plast með umhverfisvænum orkugjöfum og endurvinnur plastið að fullu hér á landi. Þórður Kristinsson, doktorsnemi og kennari: Rannsóknir sýna að börn og unglingar sjá gjarnan ýmislegt miður fallegt á samfélagsmiðlum - og þau hegða sér líka oft illa á þeim. Rætt um áhrif og afleiðingar þessa út frá rannsóknum Þórðs. Hildur Oddsdóttir hjálparkokkur: ólasveinahjálparkokkarnir er verkefni sem miðar að því að uppfylla jólagjafaóskir barna sem koma frá efnaminni fjölskyldum.

Valdimar Óskarsson framkvæmdastjóri netöryggisfyrirtækisisn Syndis: Alvarlegur veikleiki hefur komið upp í tölvukóða sem getur orðið til þess að skemmdarvargar komist í stýrikerfi fyrirtækja. Varað var við þessu í öllum fréttatímum í gær. Hafið er kapphlaup milli hugbúnaðarsérfræðinga og tölvuþrjóta og er spurning hvort hægt sé að gera við villuna áður en tölvuþrjótar ná að skemma mikið. Guðmundur Sigbergsson, framkvæmdastjóri Loftslagsskrár Íslands og Gunnar S. Magnússon meðeigandi og sviðsstjóri sjálfbærni hjá EY ehf: Kolefnismarkaðir, hvað eru þeir, hvernig virka þeir og hvaða tækifæri felast í þeim fyrir Ísland Málfarsmínúta Elín Hreiðarsdóttir fornleifafræðingur: Heitir pottar og sundlaugar hafa gengt stóru hlutverki í íslenskri menningu frá upphafi byggðar, stærra hlutverki en ætla mætti því þær hafa oft verið samkomuhúss hreppanna. Fornleifastofnun Íslands er að rannsaka sundlaugar á Íslandi bæði fornar og nýjar og svo virðist sem fyrstu íbúar landsins hafi áttað sig fljótt á því hve gott það er að liggja í heitum potti.

Samfélagið sendir beint út frá Þjóðminjasafninu. Sigrún Eldjárn rithöfundur og myndlistarmaður er alin er upp í Þjóðminjasafninu. Fjölskylda hennar bjó í safnahúsinu þegar pabbi hennar Kristján Eldjárn var safnvörður og síðar þjóðminjavörður áður en hann var kjörinn forseti Íslands. Anna Leif Auðar Elídóttir, - safnkennari sér um jólasveinadagskrána Í þjóðminjassafnsins segir okkur frá klækjum sveinanna og öðru sem tengist þeim uppákomum og Eva Kristín Dal verkefnastjóri fræðir okkur um sýnunga á jólatrjám sem eru í safninu. Málfarsmínúta Brynjólfur Jónsson, framkvæmdastjóri Skógræktarfélags Íslands: rölt í Öskjuhlíðinni og fræðst grenitré sem eru jólatré og almennt um þennan sið að skreyta grenitré um jólin.