Samfélagið

Þorgerður Laufey Diðriksdóttir, formaður félags grunnskólakennara ræðir um sundkennslu en skólasund verður frá og með næsta skólaári að valfagi á unglingastigi grunnskóla í Reykjavík, gegn því að nemendur standist hæfnispróf fyrir tíunda bekk. Um ræðir ákveðinn sveigjanleika í aðalnámskrá grunnskólanna sem sumir skólar hafa þegar nýtt sér í einhvern tíma en hugsanlega er þetta merki um víðtækari breytingar. Sund hefur verið lögbundið skyldufag í grunnskólum síðan 1936 og að vissu leyti samofin ímynd þjóðarinnar en í seinni tíð hefur reglulega verið kallað eftir breytingum þar sem margir nemendur upplifa vanlíðan í skólasundi, sérstaklega á eldri stigum. Haraldur Briem fv sóttvarnarlæknir heimsóttur og rætt við hann um ástandið, Covid 19 veiruna og bólusetningar, sögu þeirra og helstu áfanga Málfarsmínúta

Valgerður Húnbogadóttir leiðsöðgumaður og fararstjóri hjá FÍ: útivistaráhugi Íslendinga, fjallaverkefni og námskeið um hvernig bera á allt á bakinu. Enduflutt efni: Viðtal við Ólaf Margeirsson hagfræðing um kleinuhringjahagfræði. Málfarsmínúta Endurflutt efni: Vera Illugadóttir segir frá moldvörpurottunni og rannsóknum á hljóðunum í henni.

Covid 19 faraldurinn virðist vera orðinn að faraldri barnanna. Þar sem um helmingur þeirra sem smitast nú eru börn. Ásgeir Haraldsson prófessor í barnalækningum og yfirlæknir á Barnaspítala hringsins ætlar að ræða þessa þróun við okkur á eftir. Við forvitnumst líka um merkilega rannsókn á dularfullum kvikindum á Álandseyjum. Þar fannst baktería í sníkjudýri í vespu í fiðrildi. Arnar Pálsson erfðafræðingur segir okkur allt um málið. Stefán Gíslason verður svo með umhverfispistilinn sinn og fjallar um heimsmet sem slegið var á síðasta ári - af verri gerðinni - því mannkyninu tókst að nota auðlindir jarðar sem aldrei fyrr - og það þrátt fyrir heimsfaraldur.

Brynja Dögg Friðriksdóttir sendifulltrúi: segir frá vinnu sinni fyrir Rauða krossinn, en hún eyddi hátíðunum um borð í Ocean Viking sem fer um Miðjarðarhaf og bjargar flóttafólki. Elín Björk Jónsdóttir, veðufræðingur: langtímaveðurspá, sérstaklega hvað varðar rigningar og hlýnun Edda Olgudóttir, vísindaspjall um nýjar rannsóknir sem tengjast MS sjúkdómnum.

Verndandi arfgerð gegn riðu hefur fundist í íslensku sauðfé í fyrsta skipti. Það gæti markað upphafið á endalokum þessa skæða sjúkdóms sem hefur leikið íslenskt sauðfé og samfélög bænda grátt í á annað hundrað ár hér á landi. Guðfinna Harpa Árnadóttir formaður Landssamtaka sauðfjárbænda. Hverju er hægt að breyta í löggæslu- og dómskerfinu til að mæta betur þolendum í kynferðisbrotamálum? Sigrún Ingibjörg Gísladóttir lögfræðingur fer fyrir máli níu kvenna sem hafa kært íslenska ríkið til Mannréttindadómstóls Evrópu fyrir óréttláta málsmeðferð. Serbinn Novak Djokovic er einn besti, ef ekki besti, tennisleikari heims um þessar mundir. Hann var rekinn úr landi þegar hann hugðist keppa á opna ástralska tennismótinu, þar sem hann hafði ekki þegið bólusetningu gegn covid 19 eins og reglur gerðu ráð fyrir. Hallgrímur Indriðason fréttamaður fer yfir málið.

Kröftugt neðansjávareldgos í Tongaeyjaklasanum varð um helgina - Evgenia Ilyinskaya eldfjallafræðingur. Rannsóknin Blóðskimun til bjargar hefur verið í gangi frá árinu 2016 - Sigurður Yngvi Kristinsson prófessor í blóðsjúkdómum. Brot úr viðtali Guðjóns Friðrikssonar við Sólveigu Hjörvar frá árinu 1984, en hún var alin upp í Fjalakettinum í Reykjavík - Helga Lára Þorsteinsdóttir safnstjóri RÚV. Málfarsmínúta - Anna Sigríður Þráinsdóttir.

Samfélagið verður með annan fótinn á Vestfjörðum í dag. VIð heimsækjum Bláma sem einbeitir sér að því að efla nýsköpun í orkuskiptaverkefnum á Vestfjörðum - ræðum við Þorsteinn Másson framkvæmdastjóra Bláma. Og tölum við Hálfdán Óskarsson framkvæmdastjóra mjólkurvinnslunnar Örnu, sem hefur stækkað mjög hratt á nokkrum árum. Framundan er frekari þróun í matvælaframleiðslu sem tengist meðal annars berjarrækt og vegan mjólkurvörum á borð við skyr. Málfarsmínúta. Vinsælustu hestanöfnin eru Perla og Blesi. Falleg og sígild nöfn. En vissuð þið að ekki má nefna hrossin þín bara hvað sem er - eins og Euphoria og Apótek? Það er til hestanafnanefnd, svipar að smá til mannanafnanefndar. Það gilda semsagt reglur um hestanöfn, en hvers vegna? Við fræðumst allt um þetta með Elsu Albertsdóttur sem situr í hestanafnanefnd.

Ragnheiður Lára Guðrúnardóttir félagsfræðingur: Í byrjun árs tóku í gildi lög um skipta búsetu barns. Lögunum er ætlað að styrkja stöðu foreldra sem eiga í foreldrasamvinnu á tveimur heimilum og hvetja foreldra til foreldrasamstarfs. Hvað leysa þessi lög, hver er helstu deilumál foreldra sem ekki eru saman og hvað er hægt að bæta enn frekar? Runólfur Pálsson læknir og framkvæmdastjóri meðferðarsviðs hjá Landspítalanum: erfðabreytt svínshjarta hefur verið grætt í mann. Það eru heilmikil tíðindi og tímamót í heilbrigðisvísindum. Runólfur kafar ofan í málið með okkur. Hafdís Hanna Ægisdóttir fjallar um líffræðilega fjölbreytni.

Víðir Reynisson yfirlögregluþjónn: Það var nokkuð þungur tónn í þríeykinu, sem svo er kallað, á upplýsingafundi Almannavarna áðan. Sóttvarnalæknir sagði að það liti út fyrir að hann legði til harðari aðgerðir í vikunni til að koma smittölum niður, en undanfarið hafa meira en þúsund manns verið að greinast daglega- það þyrfti að helminga þá tölu. Almannavarnir hafa lýst yfir neyðarstigi og álagið á heilbrigðiskerfið og Landspítalann sérstaklega er gríðarlegt. Kristinn Tómasson fv yfirlæknir hjá Vinnueftirlitinu: Vinnuslysin í sjónvarpsþáttunum Verbúðinni eru ansi tíð, en þar segir af lífi og störfum fólks sem starfar við fiskvinnslu og sjó í áttunni á Íslandi. En var þetta bara svona? Kristinn man tímana tvenna og þekkir sögu og þróun vinnuslysa á Íslandi. Málfarsmínútan Edda Olgudóttir mætir svo í sitt vikulega vísindaspjall og fjallar um ígræðslur líffæra úr dýrum í menn - en nýlega var erfðabreytt svínshjarta grætt í mann í Bandaríkjunum.

Miklar samfélagsbreytingar eru að verða í kjölfar Me too-byltingarinnar og undanfarið hafa nokkrir stjórnendur í atvinnulífinu mátt taka pokann sinn vegna hegðunar sinnar. Hvaða breytingar eru að verða í viðskipta- og atvinnulífinu? Kristbjörg Kristinsdóttir stjórnarformaður Iceland SIF. Hvernig verður tækniárið 2022? Hjálmar Gíslason stofnandi og framkvæmdastjóri Grid fer yfir tæknispá sína. Pistill um umhverfissálfræði - Páll Líndal umhverfissálfræðingur.