Samfélagið

Karl Skírnisson, sníkjudýrasérfræðingur: Karl gerir upp starfsferil sinn þessa dagana og hefur tekið saman hversu mörg sníkjudýr hafa greinst á Íslandi. Hann segir að þau séu samt líklega bara toppurinn á ísjakanum. Rætt við Karl um rannsóknir hans. Hulda Hjartardóttir yfirlæknir á fæðingardeild Landspítala Íslands: Við ætlum að velta aðeins fyrir okkur blóði, flest þekkjum við ABO blóðflokkakerfið en til eru fleiri flokkunarkerfi eins og Rhesus-kerfið sem byggir á mismunandi mótefnavökum. Gangi kona sem er með rhesus pósitívt blóð með barn sem er með rhesus negatívt hætta á að hún geti myndað mótefni gegn blóði barnsins, sem augljóslega getur leitt til ýmissa vandræða. Hér áður fyrr leiddu slík tilfelli oft til þess að skipta þurfti um blóð í nýfæddum börnum. Stefán Gíslason með umhverfisspistil

Áki Ármann Jónsson formaður Skotvís, skotveiðifélags Íslands og JónasiHafsteinsson, lögreglufulltrúi hjá Lögreglunni á höfuðborgarsvæðinu,skotleyfadeild: Byssumenning og notkun á Íslandi, viðhorf, og afleiðingar aukinnar notkunar skotvopna í undirheimum. Ingólfur Guðni Einarsson björgunarsveitarmaður Höfn í Hornafirði segir frá björgun þegar tugir fólks fóru í snarvitlausu veðri upp á Vatnajökul í gær að sækja tvo tékka sem höfðu komist í hann krappann. Málfarsmínúta Vísindsspjall með Eddu Olgudóttur og um flókna byggingu bakteríusamfélaga

Heimsókn í starfstöðvar Controlant HF í Norðurturninum í Smáralind og í Miðhrauni í Hafnarfirði en þetta íslenska fyrirtæki sem hlaut nýsköpunarverðlaunin Gulleggið árið 2009 hefur verið í gríðarlegum vexti undanfarin ár sem skýrist einna helst af því að tækni þeirra nýtist m.a. við flutning á bóluefnum. Á tveimur árum hefur starfsmönnum fjölgað úr 50 í 350 og tekjurnar tuttugufaldast milli 2019 og 2021 úr 400 milljónum í 8 milljarða króna. Þar spilar stærsta rullu samningur fyrirtækisins við Pfizer, stærsta lyfjaframleiðanda heims, og bandaríska ríkið, um eftirlit með dreifingu bóluefna við Covid. Svo kemur til okkar Karl Sigurðsson, sérfræðingur hjá BSRB - sérfræðingur í að spá fyrir um framtíðina - ekki með kristalskúlum, heldur gögnum - og þannig getur hann lesið í horfur á vinnumarkaði og menntamálum - til dæmis getur hann séð með sínum aðferðum nokkurn veginn hversu marga sjúkraliða þurfi til starfa árið 2035 Hvernig virka samt þessi spáfræðilíkön, hversu áreiðanleg eru þau. Karl fer yfir það með okkur hér í lok þáttar.

Pétur Henrý Petersen prófessor í taugalíffræði: Afhverju verður okkur kalt á fótum og höndum? Valgerður Húnbogadóttir leiðsögukona: Hvað er hægt að gera við hand- og fótkulda í útivist? Helga Lára Þorsteinsdóttir: heyra bút úr þætti frá 1979, Í vikulokin, þar sem fjallað er um stigbreytingar á ástandi fólks þegar það fær sér í glas. Málfarsmínúta Samantekt um Valentínusardaginn.

Elís Þór Rafnsson, sjúkraþjálfari: Vetrarólympíuleikarnir, íþróttir, íþróttafólk, álagsmeiðslu og slys. Guðrún Marteinsdóttir prófessor í fiskavistfræði í Háskóla Íslands hefur undið sínu kvæði í kross og stofnað húðvörufyrirtæki. Hvað leiddi hana á þá braut og hvernig tengist það vísindastarfi hennar? Við komumst að því hér á eftir. Málfarsmínútan er svo á sínum stað Kristján Leósson vísindamaður kemur til okkar og ræðir um silfurberg en hann er annar höfunda bókarinnar Silfurberg - íslenski kristallinn sem breytti heiminum en með henni fylgdi hann eftir ævistarfi föður síns og meðhöfundar bókarinnar, Leó Kristjánssonar.

Anna María Einarsdóttir: Það mæðir mikið á köfurum við björgunarstörf í Þingvallavatni þar sem flugvél með fjórum fórst fyrir nokkrum dögum. Hvernig er að athafna sig í Þingvallavatni, hvaða aðstæður mæta köfurunum og hvernig búa þeir sig? Anna María eins og aðrir í kafarasamfélaginu fylgjast grannt með aðgerðum. Ingólfur Hannesson: Vetrarólympíuleikarnir standa sem hæst og við í Samfélaginu hnutum um athyglisverðan punkt í umræðum um leikana í sjónvarpinu - þar sagði Ingólfur af því að bobsleðabrautirnar væru einkar umdeildar sérstaklega vegna umhverfisáhrifa. VIð fræddumst nánar um það. Þorgerður Jennýjardóttir Einarsdóttir, prófessor í kynjafræði við Háskóla Íslands: umhverfisáhrif textíliðnaðarins í kynjafræðilegu ljósi. Hafdís Hanna Ægisdóttir vistfræðingur með umhverfispistilinn um náttúrumiðaðar lausnir

Upplýst og gagnrýnin umræða um samfélagsmál. Umsjón: Þórhildur Ólafsdóttir og Guðmundur Pálsson.

Halldóra Þorsteinsdóttir, héraðsdómari og lektor í lögfræði við HR: Við höldum áfram að ræða um kommentakerfin, og það sem þar fer fram, ræðum við lögfræðing hér á eftir um hvaða augum réttarkerfið lítur á tjáningu á netinu, eins og í kommentakerfum, ýmis mál þessu tengdu rata inn á þeirra borð - og ýmsir dómar hafa fallið, og eiga eftir að falla - hvaða ramma skapa þeir? Þórður Kristinsson: Í næstu viku fara fram jafnréttisdagar í Háskóla Íslands í næstu viku og verður Þórður þar meðal annars á mælendaskrá. Í erindi sínu fer Þórður yfir slaufunarmenningu og helstu hugmyndir tengdar því hugtaki en hann vinnur um þessar mundir að doktorsverkefni sínu sem snýr að áhrifum samfélagsmiðlanotkunar á tilfinningalíf og sjálfsmynd unglinga. Vísindaspjall Eddu Olgudóttir, rannsókn um að covid geti ýtt undir sykursýki

Runólfur Pálsson hefur verið skipaður forstjóri Landspítala, til fimm ára, og tekur til starfa1. mars. Runólfur hefur verið einn þeirra sem er í forsvari fyrir covid göngudeildina, er einnig pró­fessor við Háskóla Íslands og vara­for­seti lækna­deildar Háskóla Íslands - sérfræðiréttindi hans eru í lyf­lækn­ingum og nýrna­lækn­ingum. Runólfur lítur til okkar eftir skamma stund og við ræðum um það sem framundan er, en Landspítalinn stendur frammi fyrir mörgum áskorunum eins og heyra má í fréttum, og það er spurning hvernig nýji forstjórinn ætlar að takast á við þær. Tinni Sveinnson ritstjori visi.is og Þorsteinn Ásgrímsson Melén, aðstoðarfréttastjóri mbl.is: Kommentakerfin, þau er umdeild, enda oft margt miður fallegt sem þar fer oft fram. En eru þau líka gagnleg, hvaða tilgangi þjóna þau, skapa þau góðan vettvang fyrir samfélagsumræðu? Kommentakerfin fara mikin helst undir fréttum af vefmiðlum, og við ætlum að ræða við forsvara tveggja vefmiðla og sjá hvað augum þau líta kommentakerfinu. Páll Líndal umhverfissálfræðingur fjallar svo um vind í sínum pistli.

Jón Hansen verkstjóri hjá Akureyrarbæ og Hjalti Jóhannes Guðmundsson skrifstofustjóri skrifstofustjóri skipulags- og umhverfissviðs Reykjavíkurborgar: Það þarf að moka innanbæjar í kjölfar hressilegrar vetrarlægðar eins og þeirra sem gekk yfir landið í nótt. Slegið á þráðinn til manna sem tókust á við það verkefni að hreinsa götur innanbæjar á höfuðborgarsvæðinu annars vegar og á Akureyri hinsvegar. Frumkvöðlakeppnin Gulleggið fór fram 14. árið í röð á föstudaginn var og í þetta sinn bar teymi bak við TVÍK, tæknivædda íslenskukennarann, sigur úr býtum. Hugmyndasmiðirnir í því liði eru Atli Jasonarson, Gamithra Marga og Safa Jemai en við fáum heimsókn frá þeim. Málfarsmínúta Alexandra Sif Herleifsdóttir: Alexandra hefur farið af stað með átak, eða verkefni, á samfélagsmiðlum undir myllumerkinu RAUNIR FATLAÐRA. Það sem ýtti henni út í þetta verkefni er að móðir hennar, Margrét Guðmundsdóttir, greindist með taugahrörnunarsjúkdóm og er hægt og bítandi að missa máttinn í líkamanum og notast við hjólastól.