SBS Hmong - SBS Hmong

NSW hno tau tshuaj COVID-19 vaccine txwm 2 koob txog 80%, Victoria tseem npaj yuav tshem cov kev txwv zum 6 rau lub caij muaj neeg hno tshuaj txwm 2 koob txog 70%, Queensland txwv tsis pub tej neeg ntawm Tasmania 12 lub zos mus rau nws lub xeev, ASEAN tsis pub Phabmab tus hau rog Ming Aung Hlaing mus koom nws lub rooj sab laj xyoo, Nplog tau thawj lub tsheb ciav hlau thiab Suav yuav pab tshuaj Sinopharm txog li ntawm 7 million koob rau lub caij tseem txwv txog thaum xaus lub 10 hli ntuj, NASA xa lub hnub qub cuav Lucy mus tshawb fawb cov pob zeb ya ncig lub ntuj Jupiter, ....

Muaj yam zoo thiab tej zaum ho yuav muaj tau teeb meem dab tsi cov kev rov qab qhib xeev New South Wales. Coj koj mus mloog Nyiaj Pov Lis uas yog tus thawj tswj koom haum Hmong Australia Society ceg xeev NSW cov lus tawm tswv yim.

SBS zaj xov xwm qhia txog txoj kev pib neeg tshiab ntawm Australia no yuav qhia rau koj tias muaj Australia peb tsawg hom bridging visas thiab siv ua dab tsi los yog muaj tej lus zoj khi thiab pub yus ua tau dab tsi xwb, kom thiaj pab tau yus nyob tau raug cai ntawm Australia rau lub caij tseem thov visa tshiab los yog yus daim visa tag sij hawm lawm.

Australia lub koom haum tshawb fawb CSIRO tsim tau ib cov kev taw qhia kom tej neeg Australia sawv daws paub npaj tias yuav ua li cas kom thiaj tsis txhob raug cov kev phom sij los ntawm hav zoov kub hnyiab

Victoria muaj 2,279 tus neeg kis kab mob rau ib hnub dhau los, ACT muaj neeg hno thawj koob tshaj tshaj 98% thiab cov hno 2 koob tshaj 74%, thaum xaus rau 2 hnub so no ces NSW yuav muaj neeg hno tshuaj COVID-19 vaccine txwm 2 koob txog 80% lawm, NSW tseem sab laj xav tsim tsab cai Dying bill, Suav pab tshuaj Sinpharm 1 million koob rau Nplog, Nyab laj ib tug kws kho mob qhia tias cov genetic technology yog ib cov tseem ceeb rau yav pem suab, Chloe McCardel yog Australia tus poj niam ua luam dej hla English channel 44 zaug thiag raug tis npe tias yog "Queen of the English Channel",..

SBS txheeb nws cov xov xwm tshaj ua ntau hom lus txhua tshua 5 xyoos twg ib zaug kom thiaj tshaj tau xov xwm raws li koj xav tau. Tam sim no ces qhib rau zej tsoom koom tawm tswv yim lawm.

Thaum Australia qhib ciam teb lawm ces ntshe yuav yog cov neeg ua lagluam thiab cov neeg mus xyuas lawv tej cuab yig txheeb ze thiab phooj ywg txawv teb chaws yog cov yuav xub ntoj ncig ua ntej. Tab sis leej twg yog cov neeg yuav muaj cai tawm tau ntawm Australia mus thiab rov qab los tau, thiab cov neeg twg yog tawm ntawm Australia mus lawm ntshe yuav tos ntev mam rov qab muaj cai tuaj rau Australia? Thiab koj tsim nyog yuav tau txheeb xyuas dab tsi ntau yam kom thiaj yooj yim rau koj cov kev ntoj ncig rau lub caij muaj kab mob COVID-19 thiab tseem siv cov kev txwv los yog tseem kaw teb chaws no?

UNICEF uas yog ntiaj teb lub koom haum pab cuam tej me nyuam yaus tau nqua hu ''kom tej tsoom fwv yuav tau kub siab tshwm nyiaj thiab tsim cov program siv tau hauj lwm zoo coj los tiv thaiv thiab pab daws kom tej hluas tsis txhob raug cov teeb meem nyuaj siab ntxhov plawv uas ib lub xyoos twg ua rau tej hluas txov txo lawv tus kheej txoj sia thoob ntuj txog 47,000 tus, thiab nqua hu kom yuav tsum xub kub siab txog tej me nyuam yaus thiab tej hlua ua ntej vim lawv yog peb tej me nyuam thiab yuav pab cawm tau lawv txoj sia."

NSW pib npaj rov qab qhib nws lub xeev hnub Monday tim 11.10.2021, Victoria tsis hais kom cov neeg second close contact cais lawv tus kheej ntxiv lawm, ib tug tub ceev xwm Victoria tawm hauj lwm vim tsis pom zoo ua raws nom tswv tswj kev noj qab haus huv cov kev txwv, Suav tus coj hais tias Taiwan cov kev ywj pheej yog teeb meem loj ua rau Suav koom tsis tau ua ib haiv, Australia pab 60 cov sholarships rau Nplog tej tub kawm mus kawm ntawm Australia rau xyoo 2022, Thaib tej hluas cov xov xwm cuav txog tshuaj Pfizer COVID-19 vaccine, Socceroo cov kev yeej zum 11 qualify mus sib tw FIFA World Cup 2022,...

Puas tsim nyog los tsim nyog koj yuav cov kev tuav pov hwm tswj kev noj qab haus huv ntiag tug? Nqe no ces nyob ntawm koj xaiv seb koj nyiam siv cov kev kho mob zoo li cas, thiab koj puas xav them nyiaj los yog nyob ntawm seb koj tsis xav dab tsi txawm tau tos ntev mam tau kho mob xwb? Tab sis kuj muaj tej txiaj ntsim thiab muaj qee yam koj tsim nyog paub txog cov nyiaj private health insurance tias yog dab tsi thiab yog koj tsis yuav ne ho yuav muaj teeb meem dab tsi rau koj? Mloog tau zaj xov xwm no ntxiv.