SBS Hmong - SBS Hmong

Tim cov kev sib tw AFL Grand Final thiaj ua rau muaj neeg kis kab mob coob ntawm Victoria, xaus cov nyiaj pab cuam COVID-19 Disaster Payment, Queensland rov qab siv cov kev txwv theem 2, Nplog tsim tsev kawm npaj Nplog cov neeg los tswj tsheb ciav hlau, Thaib tau thawj 2 million koob tshuaj Pifzer vaccine siv, nom tswv ntawm lub koom haum Rugby League rov qab thim tej yuaj (tickets) rau tej neeg mus saib grand final vim siv cov kev txwv theem 2,...

Vim li cas pab nom Labor thiaj hais tias yog tsoom fwv Australia kub siab txog cov hauj lwm los nrog xyuas kom txhob muaj tej pa tsis huv hlo li lawm rau xyoo 2050 ces kom tsoom fwv kav tsaj los tsim cai thiab los ua tej hauj lwm no? Tab sis Australia puas yuav ua tau tej hauj lwm no tiag?

Dr Prayath Nanthasin (Dr Yang Xiong) ntawm Bangkok teb chaws Thaib tshab txhais txog tias climate change yog dab tsi? Thiab tim dab tsi thiaj ua rau muaj tej teeb meem huab cua pauv hloov no, peb ho yuav pab daws tau tej teeb meem no li cas thiab yuav siv sij hawm ntev npaum li cas peb thiaj daws tau tej teeb meem no? Yog peb tsis kub siab daws ne ho yuav muaj tau teeb meem dab tsi rau peb?

Kev nyab xeeb thiab kev ruaj ntseg rau cheeb tsam Indo-Pacific, Russia cov kev xaiv tsa, muaj neeg hno tshuaj vaccine ntau tuaj ntxiv thiab kis kab mob ntau tuaj ntxiv ntawm Australia 2 lub nroog loj tshaj plaws, Nplog tau tshuaj Sputnik Light COVID-19 vaccine pab cuam los ntawm Russia, Thaib lub txhab nyiaj BAAC kam qev nyiaj rau tej neeg cog maj ua tshuaj, Melbourne Demons yeej cov kev sib tw AFL Grand Final premiship xyoo 2021,...

Tau muaj ib cov kev teeb txheeb tshiab qhia tias txawm tau ntxeem dhau tus kab mob COVID-19 no lawm los ntshe yeej tseem yuav muaj tej neeg txog li ntawm 40% yog cov neeg yuav ua hauj lwm ntawm tsev txuas ntxiv.

Tau muaj ib co kev teeb txheeb tshiab qhia tias tej kev ntsuam ntshav siab muaj siv tam sim no tsis muaj peev xwm qhia tau tias puas yog ib tug neeg twg mob ntshav siab tiag. Txawm tau muaj ib cov twj tshiab uas muaj peev xwm sim thiab paub thiab qhia kiag tau tias ib tug neeg twg puas mob nshav siab kiag, los vim tus nqe siv kim ces thiaj tseem ua rau tej neeg tsis muaj peev xwm siv tau cov kev sim no.

Zaj xov xwm kaw ua suab no yog ib cov lus taw qhia los ntawm tej kws paub zoo txog cov teeb meem av qeeg thiab lub koom haum teeb txheeb thiab kawm txog av qeeg qhia rau zej tsoom sawv daws kom thiaj tau txais kev nyab xeeb rau lub caij muaj av qeeg hais tias, yog tej neeg daig hauv tsev, hauv tsheb, nraum zoov los yog raug tej khoom vau los tais los tsuam lawm ne yuav tau ua li cas thiaj tsis muaj teeb meem rau yus thiab thiaj muaj neeg pab cawm tau yus.

Victoria muaj neeg kis kab mob txog 766 tus uas yog ib hnub neeg kis kab mob coob tshaj plaws piv rau tsaib no, NSW npaj yuav tso tseg tsis kaw ib cov zos tab sis tseem siv qee cov kev txwv, lub koom haum Save the Children Australia nqua hu kom tsoom fwv Australia mus pab cawm 47 tus me nyuam Australians ntawm Syria tej yeej thoj nam, Nplog lub tsev kawm qib siab National University of Laos (NOUL) thiab Suav lub tuam txhab Houwei cov kev pom zoo rau cov hauj lwm ICT thiab kab lis kev cai, Carlton xaiv Michael Voss los ua tus senior coach,...

Muas Xwm Thao hais tias 'Xav kom sawv daws mus hno tshuaj COVID-19 vaccine, yog muaj teeb meem ces yeej muaj rau nws thiab nws tus tab zag lawm, vim tej xwm txheej kab mob no ces zoo li lub ntuj uas tsis paub tias xyov yuav kaj los yuav tshav thaum twg, yog li ntawd thiaj xav kom sawv daws mus hno tshuaj."

Fabkis hais tias Australia dag nws, neeg Victorians yuav paub tias seb puas yuav txwv thiab kaw xeev ntxiv hnub Sunady (19 Sept 2021) no, NATO lub rooj sab laj, Thaib cov neeg kis kab mob coob ua hnub 3 sib law liag, Taliban txwv tsis pub tej me nyuam ntxhais mus kawm ntawv thiab txwv tsis pub tej lees kais poj niam qhia ntawv, Australia pab Wallabies sib tw yeej South Africa rau cov kev sib tw Rugby Union,...