SBS Hmong - SBS Hmong

Tej nom tswv ntawm teb chaws Australia xav siv cov technology cim tej neeg tej ntsej muag thiab paub tias lawv nyob rau qhov chaw twg coj los soj tej neeg cais lawv tus kheej ntawm tsev rau lub caij muaj kab mob COVID-19 sib kis.

Yog Queensland tej nom kis xeev qes pom zoo los tawm suab siv tau tsab cai yeem thaj pab txo tej neeg txoj sia ces Queensland yuav ras los ua lub xeev zum 5 ntawm teb chaws Australia uas muaj tsab cai no siv lawm. Tab sis tej zej tsoom sawv daws hais tsis ntsees rau tej neeg zejzog hais ntau hom lus thiab coj ntseeg ntau yam kev cai dab qhua los sis tej neeg Australia sawv daws puas yuav nkag siab zoo txog tsab cai no?

Yog tim dab tsi tiag txawm muaj kab mob COVID-19 ua rau muaj teeb meem rau tej lagluam lawm los tej kiab khw lagluam vaj tse thiaj tseem ua tau lagluam li qub? Thiab vim li cas tej vaj tse thiaj yuav kim tuaj ntxiv lawm?

Lub koom haum Australian Cyber Security Centre tau qhia tias tsaib no xwb twb muaj neeg qhia tias lawv raug neeg phem ntxias dag poob nyiaj thiab qhia lawv tej xov xwm ntiag tug rau tej neeg phem yuav laug txog li 70,000 cov teeb meem, uas tau ua rau neeg Australia poob nyiaj kwv yees li ntawm 33 billion dollars lawm. Thiaj xav taw qhia kom sawv daws yuav tsum tau xyuam xim ceev faj kom thiaj tsis txhob raug neeg phem ntxias dag rau lub caij sawv daws nyob tsev vim muaj cov kev txwv kab mob COVID-19.

Victoria tso kev ywj pheej me ntsis rau nws tej pej xeem rau lub caij muaj neeg hno thawj koob tshuaj vaccine txog 70%, NSW tau tshem cov kev txwv qee cov zos, Australia tau sib khom nrog America thiab Aaskiv los tsim cov nkoj nuclear submurine, Nplog rub cov kev kaw teb chaw txog thaum xaus lub 9 hlis ntuj thiab txwv tsis pub neeg tawm hmo ntuj, thaum tej neeg ntawm Bangkok hno tshuaj COVID-19 vaccine txwm 2 koob rau thaum lub 10 hlis ntuj nrab tsi mam li qhib rau neeg txawv teb chaws mus ncig,...

Hnub tim 10 yog ntiaj teb hnub tiv thaiv kom tej neeg txhob txov txo lawv tus kheej txoj sia (World Suicide Prevention Day), yog li thiaj muaj ntau yam koom txoos coj los qhia kom tej neeg paub txog cov teeb meem nyuaj siab ntxhov plawv thiab paub mus nrhiav kev kho los yog kev pab cuam. Ib yam ntawm ntau cov koom txoos ntawd ces yog cov kev caij tsheb kauj vab. Thiab lub caij tseem muab teb chaws kaw no haj yam yuav tau ua tib zoo xyuas kom yus tsis txhob raug kev nyuaj siab li hu mus thov kev pab cuam nrog ntau cov koom haum li Lifeline Australia, Beyond Blue, Kids helpline etc.,

Vim li cas Australia thiab Indonesia thiaj xav tsim kom muaj txoj kev sib raug zoo rau cheeb tsam Indo-Pacific no?

Koom txoo xyoo 20 nco txog neeg phem nyiag dav hlau tsoo tsev ntxaib, Australia thiab India koom tes rau fab tub rog, tsim kev sib raug zoo thiab tswj kev ruaj ntseg, cov kev haub tau yaum txhawb nqa kom neeg Australia ntau roob tus mus hno tshuaj COVID-19 vaccine, cov kev nqua hu kom tej poj niam xeeb me nyuam mus hno tshuaj COVID-19 vaccine, muaj Nplog ntau pua tus neeg kho mob uas hno tshuaj COVID-19 vaccine txwm 2 koob los tseem kis tau kab mob coronavirus thiab Suav yuav pab tshuaj COVID-19 vaccine kom Nplog hno tau tag nrho ib nrab ntawm nws tej pej xeem, txij no mus Thaib yuav siv 2 yam tshuaj li Sinovac hno thawj koob thiab hno AstraZeneca ua koob 2 rau nws tej pej xeem, AFL Grand Final raug tshem mus sib tw ntawm Perth, South Sydney tau sib tw NRL grand final rau lub sij hawj 50 xyoo, Djokovic tau sib tw US Open final nrog Medvedev, thiab Askiv tus ntxhais hluas Raducanu yeej US Open Woman's Single final, Cristiano Ronaldo yuav rov qab mus sib tw rau lub koom haum ncaws pob Manchester United,...

Yuav paub tau li cas tias koj muaj cov teeb meem nyuaj siab ntxhov plawv? Leeg twg thiaj yog cov xub paub? Thiab yog sis nrhiav kev pab cuam ne ho yuav muaj tau teeb meem dab tsi rau tus neeg ntawd? Thiab koj muaj peev xwm nrhiav tau kev pab cuam ntawm leej twg los sis yog ntawm qhov twg?

Cov tswv yim twg thiaj pag tiv thaiv tau kom koj tsis txhob raug neeg phem ntxias dag es koj thiaj tsis paub nyiaj? Ib lub tswv yim tej neeg paub txog tej teeb meem no qhia ces kom yuav tsum tau txheeb thiab nug tej customers, suppliers los yog tus neeg ua luam nrog yus kom tseeb tias seb puas yog lawv tiag, los yog neeg phem siv tswv yim dag yus ua ntej yus yuav them nyiaj rau lawv, thiab yog yus tsis paub ces txhob nrog tham.