SBS Hmong - SBS Hmong

Raws li tej koom haum tswj thiab saib xyuas kev nyab xeeb rau tej neeg ua luam dej tau qhia ces lub caij tseem kaw thiab txwv tus kab mob COVID-19 no ces muaj neeg poob dej ntau tuaj ntxiv lawm, feem ntau tseem yog tej neeg ncig teb chaws thiab tej neeg tsiv teb tsaws chaw uas tsis sim rau Australia tej dej thiab tej ntug hiav txwv thiab tsis paub ua luam dej yog cov raug tej teeb meem no.

Tsuas yog tej neeg hno tshuaj COVID-19 vaccine txwm 2 koob ntawm NSW thiaj tau txais kev ywj pheej me ntsis xwb, tseem muaj neeg kis kab mob coob ntawm sab qaum teb thiab hnub poob ntawm nroog Melbourne, Fabkis rooj plaub phua txim rau cov neeg phem, Thaib teb tseem sab laj seb puas hno tshuaj Sinopharm rau tej me nyuam hnoob nyoog txij 3 xyoos nce rov saud, Australia lub koom haum Cricket Australia tau ncua tsis pub Australia tej txiv neej sib tw cricket sib tw nrog Afghanistan pab txiv neej vim Taliban txwv tsis pub poj niam sib tw,...

Vim li cas America lub tsev hais plaub Supreme Court thiaj tso cai rau xeev Texas tsim tsab cai los txwv tsis pub tej poj niam kaus me nyuam tab sis ho tso cai siv tsab cai Roe vs Wade uas lees paub poj niam txoj cai kaus tau me nyuam thiab tsis raug txwv ntawm nom tswv uas siv los tau 50 xyoo no? Texas tsab cai tshiab no yuav ua rau muaj teeb meem dab tsi rau tej poj niam los yog cov neeg pab kaus me nyuam tawm los yog nom tswv xeev los sis teb chaws America yog muab xam rau qhov dav dav?

Koj puas xav tias tej kev tau txais vaj huam sib luag thiab tau txais kev ncaj ncees thiaj yog ib cov tswv yim zoo yuav pab txo tau tej teeb meem kub ntxhov hauv lub cuab yig thiab txhob raug lwm tus yuam deev los yog txhob raug lwm tus tua? Tej tswv yim twg, thiab leej twg yog cov yuav tau nrog koom tes los daws tej teeb meem no kom poj niam thiaj tau txais kev nyab xeeb?

Vim li cas thiaj muaj ib txhia kws paub zoo txog tej kab mob sib kis thiaj hais tias ntshe txawm Australia tej xeev muaj peev xwm hno tau tshuaj COVID-19 vaccine txog 80% rau nws tej pej xeem los ntshe xyov puas yuav qhib ciam teb rau tej neeg mus ncig, thiab ho yuav muaj tau teeb meem dab tsi yog zoo li ntawd?

NSW muaj neeg mob COVID-19 tshaj 1,000 tus raug kho ntawm tsev kho mob rau lub caij lub xeev no muaj neeg kis kab mob coronavirus tshaj 1,500 tus neeg, Australia yuav tau cov tshuaj Moderna COVID-19 vaccine los hno rau tej me nyuam yaus hnoob nyoog 12-17 xyoo sai sai no, Russia hais tias America tej tsov rog ntawm Afghanistan tsis tau txiaj ntsim dab tsi, Nplog tsis muaj peev xwm them nws tej nuj nqe, Japan tus thawj pwm tsav Suga xaiv tus nom tshiab los hloov nws, Thaib muaj neeg kis kab mob txog li ntawm 16,000 tus,...Bulldogs yeej Lions rau cov kev sib tw AFL Semi-final,...

Vim li cas tej poj niam thiaj yuav tau kub siab los tu thiab saib xyuas lawv tus kheej rau lub caij yuav txog lub limtiam Women's Health Week no?

Tej kws tswj cov dej num noj qab haus huv qhia tias tej poj niam uas muaj me nyuam yog cov yuav kis tau kab mob COVID-19 yooj yim thiab yog kis tau lawm yuav ua rau mob sab heev, yuav nchuav me nyuam, thiab xub yug tshaj qhov tsim nyog, los sis ua rau me nyuam tas sim neej ua ntej yuav yug los yog tas sim neej rau lub caij yug me nyuam. Thiab tau nqua hu kom tej poj niam tseem kho kom muaj me nyuam, los yog tej poj niam uas twb muaj me nyuam lawm kom kav tsij mus hno tshuaj COVID-19 vaccine tiv thaiv lawv tus kheej. Tab sis vim li cas thiaj tseem ua rau muaj tej poj niam no ua xyem xyav tsis xav mus hno tshuaj COVID-19 vaccine?

Zaj xov xwm no yuav mus txheeb xyuas tias vim li cas thiaj muaj Australia cov neeg keeb cag neeg Aboriginal tej me nyuam yaus txog 2 feem 3 yob cov raug txim thiab raug coj mus kaw tsev laj cuj ntawm teb chaws Australia thiab nom tswv ho puas tau los nrog daws tej teeb meem no li cas?

Nom tswv NSW tsuas tso cai rau tej neeg hno tshuaj vaccine txwm 2 koob thiaj yog cov tau txais kev yooj yim me ntsis thiab tau txais kev ywj pheej qee yam rau lub caij lub xeev no cov pej xeem txog 70% tau hno thawj koob tshuaj COVID-19 vaccine, Victoria qhia tias nws ua ib siab tso tseg tsis ua cov hauj lwm tswj kom tsis txhob muaj ib tug neeg kis kab mob COVID-19 li lawm vim tus kab mob Delta variant, Nplog kaw nws lub teb chaws txuas ntxiv, Thaib tus coj hais tias nws tseem yuav ua nom kom txwm 4 xyoos, Cuba yuav npaj hno tshuaj rau nws tej pej xeem kom tau txog 90% txij tim 3.9.2021 mus txog lub 12 hlis ntuj xyoo 2021 no,...