SBS Hmong - SBS Hmong

Tam sim no ces NSW tus nom tswj nyiaj txiaj rau tsoom fwv xeev dhau los tau ras los ua tus hau xeev zum 46 tshiab hloov Gladys Berejiklian lawm, tab sis nws tus tsoom fwv ho yuav tau los daws teeb meem dab tsi thiab ho muaj hom phiaj dab tsi los pab nws lub xeev?

NSW pub tej neeg hno tshuaj vaccine txwm 2 koob sib sau tau hauv tsev thiab nraum zoov ntau tuaj ntxiv, thiab pub tej neeg koom tau tej rooj tshoob thiab tej ntees kom ntau tuaj ntxiv txog 100 leej, Victoria tau nrog xyuas thiab tsim tej chaw los hno tshuaj rau tej neeg puas cev kom tau hno tshuaj vaccine ntau tuaj ntxiv, thawj pwm tsav Scott Morrison tsis pom zoo pab nyiaj rau tej xeev cov tsev kho mob, Scott Morrison hais tias yuav nrog xyuas kom tej neeg phem tsis txhob pheej mus hais lus phem thiab tsim teeb meem rau lwm tus lub neej hauv social media, Nplog npaj qhib txoj kev tsheb ciav hlau Lao-China railway rau hnub haiv, Thaib qhia tias tej neeg ntoj ncig ntawm Phuket tau nyiaj txog 2 billion Baht,...

Txawm tias tej yeej tau muaj cov kev teeb txheeb zoo, muaj cov kev kho tej mob plawv uas mob hnyav thiab muaj peev xwm ntsuam tau tias seb ib tug neeg twg puas mob plawv lawm los yog tias koj tseem muaj tej xwm txheej li tsis noj zaub mov zoo muaj txiaj ntsim, tsis ua exercise txaus, haus luam yeeb thiab lub cev muaj ceeb thawj ces yeej yuav ua rau koj mob plawv xwb. Vim yog thaum koj mob plawv thiab ho zoo ciaj dim los lawm ces yuav ua rau koj puas ib yam dab tsi hauv koj lub cev thiab yuav tau ua lub neej nyob nrog cov kev puas cev ntawd mus tag koj sim neej.

Royal Commission tau muaj ib txhab ntawv cej luam txheeb txog tej neeg puas cev ntawm Australia ces nws xav kom yuav tsum tau hno tshuaj COVID-19 vaccine rau tej neeg puas cev tso mam li tshem cov kev kaw Australia, thiab tsab ntawv cej luam no yeej qhia tias yeej tsis ua tib zoo qhia kom meej kiag tias yuav hno tshuaj vaccine li cas thiab hno tau tej tshuaj vaccine no qeeb heev rau tej neeg no.

Lub caij uas tej tub kawm yuav rov qab mus kawm ntawv tim ntsej tim muag hauv tej chav kawm ntawm tej tsev kawm ne, tej teej kawm no ho tau npaj tej chav kawm li cas kom thiaj tau txais kev nyab xeeb rau tej me yes?

Xaiv cov nyiaj yuav tsev kom haum rau koj. Muaj peb tsawg hom nyiaj qev yuav tsev? Thiab ho yuav tau txais txiaj ntsim dab tsi los yog nyuaj li cas rau ib hom nyiaj uas koj qev yuav tsev twg? Mloog tau ntxiv.

Lub caij uas tus nqe vaj tse kim zuj zus tuaj no, tej zaum Australia tej tuam txhab nyiaj yuav los xyuas kom tej neeg qev tau nyiaj nyuaj zog coj mus yuav vaj tse lawm. Tej koom haum paub zoo txog tej lagluam vaj tse hais tias tam sim no kiag xwb yeej muaj tej neeg qev nyiaj yuav tsev txog li 42% twb them tsis tshua taus tej nyiaj lawv qev los yuav tsev rov qab rau tej txhab nyiaj lawm yog kab theem paj tseem nce ntxiv thiab ces ntshe yuav ua rau tej neeg no tiv nuj nqis ntau tuaj ntxiv yeej khwv tsis tau nyiaj xyoo kom ntau tuaj ntxiv li.

Yog tim dab tsi tiag thiaj ua rau hau xeev Gladys Berejiklian tawm tsis ua nws txoj hauj lwm tam li tus hau xeev New South Wales ntxiv lawm?

Australia tus thawj pwm tsav tau qhia tias txog rau lub 11 hlis ntuj xyoo 2021 no thaum tej xeev muaj lawv tej pej xeem tau hno tshuaj COVID-19 vaccine txwm 2 koob txog 80% lawm ces Australia yuav qhib ciam teb rau pej kum haiv, kom tej neeg Australia uas xav mus txawv teb chaws thov tau ntawv hno tshuaj vaccine siv los yog kom tej pej xeem Australia los yog tej neeg nyob ruaj ntawm teb chaws Australia uas tseem khuam daig txawv teb chaws muaj peev xwm rov qab los rau teb chaws Australia.

NSW tseem nrhiav nws tus hau xeev tshiab, Victoria liam tseem fwv teb chaws tias tsis xav pab nws li pab xeev NSW lub nroog Sydney, European Commission tus lwm coj hais tias cov huab cua kub sob 1 degree Celcius xwb twb muaj teeb meem loj heev rau ntiaj teb lawm kab tsij kub siab ceev nrooj los daws tej teeb meem huab cua pauv hloov, America cov tshuaj ntsiav tshiab uas muaj peev xwm pab tau tej neeg txog 50% kom txhob tas sim neej thiab txhob raug coj mus kho ntawm tsev kho mob, Thaib lub chaw teeb txheeb Siriraj Institute hais tias cov tshuaj sib tov Sinovac-Pfizer pov puag tau tej neeg ntawm tus kab mob COVID-19 tau zoo dua, Wallaby yeej Puma rau cov kev sib tw Rugby, Ellyse Perry yog thawj tug neeg Australia ntau tau 300 tus wickets thiab khiav tau 5000 nceeg...