SBS Hmong - SBS Hmong

Tsoom fwv teb chaws Australia cov kev haub tau yaum txhawb nqa kom neeg Australia mus hno tshuaj COVID-19 vaccines, kab mob COVID-19 thiab cov patent los yog cov Intellectual Property, G20 cov se thiab kab mob COVID-19, Ntiaj teb lub koom haum tswj kev noj qab haus huv txhawj txog cov kev tsis tau txais vaj huam sib luag rau cov kev siv tshuaj COVID-19 vaccine ntawm cov teb chaws Nplua nuj thiab txom nyem, lub limtiam qhia txog kab mob ntshav qab zib, George Floyd rooj plaub cov kev txiav txim, America yuav pub ib cov Special Immigration Visa rau ib cov neeg Afghan uas yuav raug teeb meem phom sij, Ashley Barty yog Australia thawj tug poj niam rau lub sij hawm 41 xyoos uas tau yeej Aakis cov kev sib tw All England Club (Wimbledon 2021),....

Tsoom fwv Australia lub tuam chav sau se Australian Tax Office (ATO) hais tias nws yuav ua tib zoo xyuas kom Australia tej neeg uas khwv tau nyiaj los ntawm cov kev nqes peev rau cov nyiaj cryptocurrencies yuav tsum them se thiab qhia tej xov xwm no rau tsoom fwv paub rau lub caij thov se xyoo no.

Muaj ntau yam tswv yim pab koj xam kom koj thiaj paub qhia nom tswv tias tsim nyog koj yuav them se npaum li cas los yog tsim nyog koj thov tau se rov qab li cas. ATO tau qhia tias tseem muaj tej neeg thov tej se rau tej yam uas lawv tsis muaj cai thov thiab xyoo no nom tswv yuav tso cai rau tej neeg thov txo se rau tej nqe cuam tshuam txog cov kev ua hauj lwm ntawm tsev vim muaj kab mob COVID-19 tab sis yuav tswj cov nqe cuam tshuam txog kev siv tsheb nruj.

Cov kev coj tau ib pab neeg mus hno tshuaj COVID-19 ua ke tsis yog yuav pab kom tau txais kev yooj yim rau koj rau lub caij muaj neeg coob heev xav teem caij mus hno tej tshuaj no. Pat Niam Vam Mab Vaj ntawm lub kooom haum Hmong Australia Festival Inc qhia tias vim li cas nws thiaj yeem thaj (volunteer) coj ntau pab neeg mus hno tshuaj thiab ho muaj cov txheej txheem zoo li cas xwb.

Tej neeg keeb cag neeg Torres Strait Islander yeej muaj txoj kev cia siab tias yog thaum lawv tej neeg tau los xyaum thiab ua hauj lwm pab cawm tej neeg mob txoj sia ntau ntxiv tuaj ces yuav pab txhawb nqa lawv tej zejzog thiab pab kom lawv tej neeg tau hauj lwm ua thiab cia siab tias tom ntej lawv yuav tau los ua tej coj tswj tej chaw ua hauj lwm ambulance stations, xyaum thiab qhia lawv tej neeg thiab raws los ua tej coj uas npaj tej tswv yim tias yuav lis thiab tswj tej hauj lwm no li cas rau tom ntej.