SBS Hmong - SBS Hmong

Xeev New South Wales (NSW) tau tshuaj COVID-19 vaccine ntau tuaj ntxiv thiab tau cov nyiaj COVID Disaster Payment pab tej neeg rau lub caij muaj neeg kis kab mob coob ntxiv, UN Security tsis pom zoo rau cov kev muab teb chaws Haiti tus president tua, lub koom haum Australia Medical Association xav kom muab xeev NSW txwv kom nruj tshaj ntxiv thiab txhob pub neeg tawm mus ncig, teb chaws Indonesia tej tsev kho mob pab tsis tau tej neeg kis kab mob COVID-19 thiab tsis muaj oxygen txaus siv,  Donald Trump uas yog America tus president dhau los tab tom coj tej tuam txhab technology li Facebook, Google thiab Twitter mus hais plaub, ....

Tus kab mob Delta variant tau ua rau tej nom tswv tswj kev noj qab haus huv muaj kev txhawj xeeb thiab tej zaum tsis ntev no ces seb Therapeutic Goods Administration puas qhia tias seb puas pub tej me nyuam yaus hnoob nyoog 12-15 xyoos mus hno tej tshuaj COVID-19 vacccine li cas ntxiv rau cov hnoob nyoog 16 xyoo los yog siab tshaj ntawd uas muaj cai hno tau cov tshuaj Pfizer vaccine lawm.

Vim li cas tej neeg thoj nam thiab tsiv teb tsaws chaw thiaj tsis muaj peev xwm nrhiav tau tej xov xwm txog cov kev hno tshuaj COVID-19 vaccine, thiab mus hno tau tej tshuaj no? Ho muaj txoj hauv kev twg pab tau tej neeg no?

Tau muaj lub koom haum North Western Primary Health Network thiab lub koom haum Centre for Ethnicity tau los koom tes tsim cov yeeb yaj duab (video) ua 20 hom lus uas muaj lub hom phiaj qhia tsab xo meej tseeb thiab cia siab tias yuav muaj tej neeg zejzog coj ntseeg ntau yam kev cai dab qhuas thiab hais ntau hom lus nkag siab thiab mus hno tshuaj COVID-19 vaccine coob tuaj ntxiv.

Lub koom haum First Nation's Assembly of Victoria hais tias tsoom fwv tsis kub siab ua nws tej hauj lwm kom tej keeb cag neeg muaj cai ua tswv av, cov kev taw qhia xog lub limtiam NAIDOC Week, ib tug me nyuam hluas raug txim vim mos thiab npaj yuav deev ib tug poj niam laus ntawm nroog Adelaide, Australia tej xeev tshem cov kev txwv rau lub caij muaj kab mob COVID-19 sib kis, tej neeg ncig teb chaws rov qab los uas tsis cais lawv tus kheej raug nplua ntawm xeev Victoria, Av toj pob ntawm teb chaws Japan, ....