SBS Hmong - SBS Hmong

Tej nom tswv tswj kev noj qab haus huv hauv ntiaj teb ho muaj cov kev pauv hloov thiab kev siv cov tshuaj AstraZeneca li cas lawm xwb vim txhawj xeeb txog tus tshuaj no tias tsam muaj tau teeb meem ntshav khov rau tej neeg tsawg tsawg thiab.

Txawm kab mob COVID-19 yuav hloov ua cov kab mob tshiab lawm los lub tswv yim zoo tshaj plaws tseem yog cov kev hno tshuaj COVID-19 vaccine thiaj yuav tiv thaiv thiab pov puag tau peb zoo tshaj plaws xwb

Koj puas paub tias tej chaw koj nyob npe hu li cas, cov keeb cag neeg yog tus tswv thiab nyob dhau los thiab ho muaj tej chaw tseem ceeb dab tsi uas koj tsim nyog paub txog mus txheeb xov xwm ntxiv thiab mus xyuas?

Muaj kab mob COVID-19 sib kis ntawm Australia cov xeev sab hnub tuaj, Britney Spears tau qhia rau Los Angeles lub tsev hais plaub tias nws raug lwm tus thab zes, cais, ua rau poob plig thiab nyuaj siab ntxhov plawv, South Australia tau tsim tau tsab cai pub cov neeg muaj mob uas kho tsis zoo lawv txov lawv txoj sia, thiab muaj ib tug kws lij choj hais kom Australia tus pwm tsav lis laj fai tswj dej num tsiv teb tsaws chaws tshab txhais tias vim li cas nws thiaj tsis pub cov bridging visa rau tsev neeg thoj nam Muragapan tus ntxhais Tharnicaa,...

Michael Buckland uas yog tus coj ntawm lub koom haum teeb txheeb McKell Institute hais tias yog Australia raug siab tiag tiag los kis tej hauj lwm hno tshuaj vaccine no kom ua tau li Askiv cov thiab Germany cov kev hno tshuaj coronavirus vaccine mas ntshe tsheem yuav siv sij hawm li 4 hlis thiab 1 xyoos sib law liag mas thiaj yuav ua tau li 2 lub teb chaws no ua thiab tseem yuav ua rau Australia poob nyiaj txij li ntawm 1.5 mus txog 4 billion dollars vim yog tsis hno tej tshuaj COVID-19 vaccine rau tej neeg ntawm teb chaws Australia ces yuav raug kaw ntxiv, yuav ua rau tej lagluam ua tsis tau lagluam, tej neeg tsis tau hauj lwm txaus ua, ua rau tej neeg tsis muaj hauj lwm ua.