SBS Hmong - SBS Hmong

Tej tswv lagluam uas pheej tsis them nyiaj hauj lwm, allowances, leave, thiab nyiaj super rau tej neeg ua hauj lwm yuav raug nplua txog li ntawm 200,000 dollars yog lawv yog cov neeg ntiag tug thiab yuav raug nplua ze txog 1 million dollar yog lawv yog tej tswv lagluam thiab tseem uav raug kaw tsev laj cuj li 10 xyoo thiab.

Vim li cas qee tus hau xeev thiab tej nom tswv taw qhia cov kev siv tshuaj vaccine thiaj tsis pom zoo nrog thawj pwm tsav Scott Morrison cov lus tawm tswv yim hais kom tej neeg hnoob nyoog qes dua 40 tawm xyoo yog xav hno tshuaj AstraZeneca vaccine ces kom ua tib zoo nrog lawv tej kws kho mob sab laj?

Muaj neeg kis kab mob coronavirus ntawm xeev New South Wales 24 leeg rau hnub tim 1.7.2021 rau lub caij lwm cov xeev nrog rau lub xeev no tseem txwv lawv tej xeev tsis pub neeg tawm mus los yooj yim.

Raws li pej kum haiv tau muaj ib cov kev teeb txheeb tshiab tau qhia ces 3 txoj hauj lwm twg ntawm 5 txog uas yuav ua rau xyoo 2030 ntawd yog cov hauj lwm uas xav tau tej neeg paub cov txuj digital skills theem siab. Tab sis tsis ntev los no kuj tau muaj lub tsev kawm qhib siab Royal Melbourne Institute of Technology (RMIT) tsab ntawv cej luam (report) kuj tau qhia tias ib tug neeg Australia ua hauj lwm ntawm 4 tug twg yeej tsis muaj tej txuj ci no kom lawv muaj peev xwm ua tau tej hauj lwm uas Australia cov lagluam tam sim no tab tom tig ceev heev mus ua cov lagluam digital economy lawm. Txawm tej hluas yog cov poob hauj lwm tab sis txog xyoo 2030 vim lawv yog cov neeg muaj tej txuj ci no zoo ces tej zaum lawv kuj yuav yog cov neeg khwv tau nyiaj ntau txog li 500% raws li tau muaj ib tsab ntawv cej luam koom sau los ntawm lub koom haum Oxford Economics thiab Snapchat tau qhia.

Thawj hnub uas tau muab nroog Sydney kaw thawj hnub kom neeg txhob kis kab mob COVID-19, New Zealand tau ncua tsis pub cov kev ncig teb chaws ntawm Australia thiab nws lub teb chaws mus tau los yam tsis tas cais txog hnub Monday, Virgin Australia muaj ib tug neeg ua hauj lwm kis kab mob COVID-19, Askiv tus nom tswvj dej num noj qab haus huv tawm nws txoj hauj lwm, Alex de Minaur yeej nws cov kev sib tw ATP zum 5, Denmark thiaj yog tib lub teb chaws sib tw European Championship uas tua noj 4 lub pob 2 zaug sib law liag,...