SBS Khmer - SBS ខ្មែរ

មាតិកាព័ត៌មាន៖ ** លោក Peter Dutton ច្រានចោលការលើកឡើងថាលោករើសអើងជាតិសាសន៍បន្ទាប់ពីការអំពាវនាវ កុំឱ្យជនភៀសខ្លួនGaza ចូលមកប្រទេសអូស្ត្រាលី។ **អង្គភាព Ombudsman រិះគន់ដល់ប្រព័ន្ធដំណើរការទិដ្ឋិកាធានាឳពុកម្តាយរបស់រដ្ឋាភិបាល។ ** អង្គការសុខភាពពិភពលោកប្រកាសដាក់mpox ជាគ្រោះអាសន្នសុខភាពសាធារណៈសកល។

សប្បុរសជនដែលតែងតែឧបត្ថម្ភគាំទ្រនូវសកម្មភាពរបស់អង្គការស្ម័គ្រចិត្ត ខេមបូឌា វីសិន (Cambodia Vision) នឹងជួបជុំគ្នានៅថ្ងៃអាទិត្យ ទី ១៨ ខែ សីហា ឆ្នាំ ២០២៤ ដើម្បីរៀបចំពិធីបុណ្យផ្កាប្រាក់សាមគ្គី ក្នុងគោលបំណងប្រមូលថវិកាសប្បុរសធម៌។ ថវិកាទាំងអស់នឹងត្រូវចំណាយសម្រាប់ការព្យាបាលរោគភ្នែកជូនប្រជាពលរដ្ឋនៅក្នុងប្រទេសកម្ពុជា។ សូមស្តាប់បទសម្ភាសន៍ជាមួយលោក លឹម សួរ ប្រធានអង្គការស្ម័គ្រចិត្ត ខេមបូឌា វីសិន ប្រចាំរដ្ឋវិចថូរៀ។

ក្រោយក្រុមយុវជនខ្មែរមួយចំនួន ប្រមូលផ្តុំធ្វើបាតុកម្ម នៅប្រទេសកូរ៉េខាងត្បូង កាលពីថ្ងៃទី១១ ខែសីហា ឆ្នាំ២០២៤ រួចមក ក៏មានដំណឹងផ្សាយតៗគ្នាថា ក្រុមអ្នកប្រឆាំង នឹងប្រមូលផ្តុំគ្នា ធ្វើបាតុកម្ម នៅប្រទេសកម្ពុជា ពិសេសនៅភ្នំពេញ នាថ្ងៃទី១៨ ខែសីហា ឆ្នាំ២០២៤។

Every day, pedestrians across Australia break the law without knowing it. This can result penalties and occasionally accidents. Stay safe and avoid an unexpected fine by familiarising yourself with some of Australia’s common pedestrian laws. - ជារៀងរាល់ថ្ងៃ អ្នកដំណើរថ្មើរជើងនៅទូទាំងប្រទេសអូស្ត្រាលីបំពានច្បាប់ដោយមិនដឹងខ្លួន។ នេះអាចបណ្តាលឱ្យមានការផាកពិន័យ និងគ្រោះថ្នាក់ម្តងម្កាល។ នៅក្នុងវគ្គនេះ យើងពិភាក្សាអំពីវិធីរក្សាសុវត្ថិភាព និងជៀសវាងការផាកពិន័យដែលមិនបានរំពឹងទុក ហើយហេតុអ្វីបានជាវាសំខាន់ក្នុងការដឹងអំពីច្បាប់ថ្មើរជើងទូទៅមួយចំនួនរបស់ប្រទេសអូស្ត្រាលី។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** អត្រាប្រាក់ឈ្នួលនៅក្នុងប្រទេសអូស្ត្រាលីបានកើនឡើង 0.8 ភាគរយក្នុងរយៈពេលបីខែ គិតត្រឹមខែមិថុនា។ ** រដ្ឋាភិបាលសហព័ន្ធបង្ហាញគម្រោងកំណត់អត្តសញ្ញាណឌីជីថលថ្មីមួយ។ ** ធានាគារកណ្តាលអូស្រ្តាលីច្រានចោលលទ្ធភាពក្នុងការកាត់បន្ថយអត្រាការប្រាក់ សម្រាប់រយៈពេលប្រាំមួយខែបន្ទាប់។

កាលពីថ្ងៃអាទិត្យ ទី១១ ខែសីហា ឆ្នាំ ២០២៤ សមាគមន៍ខ្មែរសហការជាមួយអង្គការមួយចំនួនក្នុងប្រទេសអូស្រ្តាលី ធ្វើបាតុកម្មប្រឆាំងនឹងគម្រោងត្រីកោណអភិវឌ្ឍន៍កម្ពុជា ឡាវ និងវៀតណាម ដែលហៅកាត់ជាភាសាអង់គ្លេសថា CLV។ ការប្រមូលផ្តុំគ្នាធ្វើឡើងនៅមុខសាលាក្រុងព្រីងវែល និងបន្តដើរក្បួនដង្ហែទៅកាន់តំបន់ផ្សារព្រីងវែល។

នៅព្រឹកថ្ងៃទី៥ ខែសីហានេះ កម្ពុជា បានបើកការដ្ឋានសាងសង់ព្រែកជីកហ្វូណនតេជោ ដែលភ្ជាប់ការដឹកជញ្ជូនតាមផ្លូវទឹកពីភ្នំពេញ ទៅកាន់សមុទ្រ ប្រវែង ១៨០គ.ម ឆ្លងកាត់ខេត្តកណ្តាល ខេត្តតាកែវ ខេត្តកំពត និងខេត្តកែប។ គម្រោងព្រែកជីកថ្មីសន្លាងនេះ នឹងចំណាយថវិកាសាងសង់ប្រមាណ ១៧០០លានដុល្លារសហរដ្ឋអាមេរិក ហើយប្រើពេល ៥ឆ្នាំ ពោលគឺនឹងបញ្ចប់នៅឆ្នាំ២០២៨ ខាងមុខ។

ដំបូងគេនៅលើពិភពលោក អូស្ត្រាលីកំពុងស្វែងរកដំណោះស្រាយលើការកេងប្រវ័ញ្ចពលករចំណាកស្រុក តាមរយៈការណែនាំទិដ្ឋាការយុត្តិធម៌នៅកន្លែងធ្វើការងារ។ ទិដ្ឋាការរងថ្មីនេះនឹងអនុញ្ញាតឱ្យពលករចំណាកស្រុកដែលតស៊ូប្រឆាំងនឹងការកេងប្រវ័ញ្ច ឱ្យបន្តការស្នាក់នៅក្នុងប្រទេសអូស្ត្រាលីបាន ខណៈពេលដែលពួកគេតតាំងនឹងពាក្យបណ្តឹងនៅកន្លែងការងារ។ ជាប្រវត្តិសាស្ត្រ ការគំរាមកំហែងដល់ពលករចំណាកស្រុកចំពោះការបាត់បង់សិទ្ធិទិដ្ឋាការរបស់ពួកគេ បានបំបិទមាត់មនុស្សជាច្រើន មិនឱ្យនិយាយស្តីប្រឆាំងនឹងនិយោជករបស់ពួកគេ។ ដូចដែលមាននៅក្នុងសេចក្តរាយការណ៍ នេះ វាគឺជាអ្វីដែលប្រព័ន្ធថ្មីនេះស្វែងរកការផ្លាស់ប្តូរ។

រាជរដ្ឋាភិបាល បានចេញសារាចរ ណែនាំ ដោយសម្រេចឱ្យមន្ត្រីរាជការ បុគ្គលិក កម្មករ និយោជិត និងសិស្សនិស្សិត ឈប់សម្រាក ដើម្បីអបអរសាទរ នៅថ្ងៃបើកការដ្ឋានសាងសង់ ព្រែកជីកហ្វូណនតេជោ ថ្ងៃទី៥សីហា។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** នាយករដ្ឋមន្រ្តីថា លោកនឹងផ្តល់អាទិភាពក្នុងការស្តាប់មេដឹកនាំជនជាតិដើមដំបូង នៅពេលចូលរួមក្នុងពិធីបុណ្យ Garma។ ** ការស៊ើបអង្កេតរបស់សភាបានស្តាប់ឮថា នាយកប្រតិបត្តិPWC អូស្ត្រាលី បានលាក់ប្រាក់ចំណូលបន្ថែមពីបរទេស។ ** ការដោះដូរអ្នកទោសច្រើនបំផុតជាប្រវត្តិសាស្រ្តរវាងរុស្ស៊ី និងប្រទេសលោកខាងលិច ត្រូវបានស្វាគមន៍។