SBS Khmer - SBS ខ្មែរ

សាកសពយោធិន ជាអាកាសយានិក ០២រូប ដែលបានស្លាប់ ក្នុងឧបទ្ទវហេតុ ធ្លាក់ឧទ្ធម្ភាគចក្រ នៅជួរភ្នំពេញក្រវាញ ក្នុងចំណុចភ្នំយ៉ាវយ៉ៃ ឃុំថ្មដា ស្រុកវាលវែង ខេត្តពោធិ៍សាត់ ត្រូវបានបូជា កាលពីព្រឹកថ្ងៃទី១ ខែសីហា ឆ្នាំ២០២៤ នៅក្បែរទីតាំងធ្លាក់ឧទ្ធម្ភាគចក្រ ដើម្បីយកអិដ្ឋធាតុ មកធ្វើបុណ្យតាមប្រពៃណី នៅរាជធានីភ្នំពេញ។

ព័ត៌មានសំខាន់ៗសម្រាប់ថ្ងៃនេះរួមមាន៖ ** រដ្ឋាភិបាលអូស្ត្រាលី ជំរុញឱ្យពលរដ្ឋរបស់ខ្លួនចាកចេញពីប្រទេសលីបង់ឱ្យបានឆាប់តាមដែលអាចធ្វើទៅបាន។ ** បុរសដែលត្រូវបានចោទប្រកាន់ថាជាអ្នករៀបចំផែនការវាយប្រហារថ្ងៃទី 11 កញ្ញា ឆ្នាំ 2001 យល់ព្រមសារភាពទោសកំហុស។ ** ទារកដែលមានអាឡែស៊ីសណ្ដែកដីក្នុងប្រទេសអូស្ត្រាលី នឹងទទួលបានការព្យាបាល ដើម្បីបង្កើតភាពស៊ាំ។

អាហារូបករណ៍រដ្ឋាភិបាលអូស្រ្តាលី គឺជាក្តីស្រមៃរបស់និស្សិតកម្ពុជាជាច្រើនរូប ពីព្រោះពួកគេចង់ទទួលបានប្រព័ន្ធអប់រំដ៏រឹងមាំមួយ និងបទពិសោធន៍ល្អៗពីប្រទេសអូស្រ្តាលី។ តើមានចំណុចសំខាន់ៗអ្វីខ្លះដែលធ្វើឲ្យអ្នកក្លាយជាបេក្ខជនលេចធ្លោសម្រាប់ឱកាសអាហារូបករណ៍រដ្ឋាភិបាលអូស្រ្តាលី? សូមស្តាប់បទសម្ភាសន៍ជាមួយអ្នកស្រី នួន មករា និស្សិតអាហារូបករណ៍រដ្ឋាភិបាលអូស្រ្តាលី ដែលកំពុងបន្តការសិក្សាថ្នាក់អនុបណ្ឌិតផ្នែកគោលនយោបាយសាធារណៈនិងការគ្រប់គ្រងនៅសាកលវិទ្យាល័យមែលប៊ន។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** មេដឹកនាំនយោបាយនៃក្រុមហាម៉ាស់ លោក Ismail Haniyeh ត្រូវបានគេធ្វើឃាតនៅក្នុងការវាយប្រហារមួយ ក្នុងប្រទេសអ៊ីរ៉ង់។ ** អ្នកមានប្រាក់កម្ចីធនាគារអូស្ត្រាលីដកដង្ហើមធំ ខណៈតួលេខអតិផរណាខែកក្កដាត្រូវបានចេញផ្សាយ។ ** Virgin Australia លូកដៃចូលបន្ទាប់ពីក្រុមហ៊ុនអាកាសចរណ៍ Rex ប្រកាសក្ស័យធុន។

កាលពីព្រឹកថ្ងៃទី៣០ ខែកក្កដា សាកសពអាកាសយានិកម្នាក់ទៀត ត្រូវបានក្រុមកងកម្លាំងប្រតិបត្តិការរុករក និងសង្គ្រោះ បានរកឃើញហើយ។ ក្រុមប្រតិបត្តិការរុករក និងសង្គ្រោះ កំពុងរៀបចំវេចខ្ចប់ និងដឹកជញ្ជូនសាកសពអាកាសយានិក ទាំង ២រូប នៅក្នុងឧបទ្ទវហេតុ ធ្លាក់ឧទ្ធម្ភាគចក្រយោធា ១គ្រឿង នៅជួរភ្នំក្រវាញ ក្នុងខេត្តពោធិ៍សាត់ ដើម្បីបញ្ជូនមកភ្នំពេញ។

ព័ត៌មានសំខាន់ៗសម្រាប់ថ្ងៃនេះរួមមាន៖ ** រដ្ឋមន្ត្រីការបរទេសអូស្រ្តាលី កំពុងធ្វើទស្សនកិច្ចនៅតំបន់សន្តិសុខរួម ក្នុងតំបន់គ្មានយោធា ជាប់ព្រំដែនជាមួយប្រទេសកូរ៉េខាងជើង។ ** មានការព្រមានពលរដ្ឋអូស្ត្រាលីព្រមានកុំឱ្យធ្វើដំណើរទៅលីបង់ ព្រោះខ្លាចការវាយប្រហាររបស់អ៊ីស្រាអែល។ ** ប៉ូលីសសហព័ន្ធអូស្ត្រាលីកំពុងរាយការណ៍ពីការកើនឡើងនៃការជួញដូរមនុស្ស និងទាសភាព។

Major regulatory changes in 2024 have brought about restricted access to vaping products in Australia. The crackdown on what is dubbed a “major public health issue” could lead to an increased number of teens seeking support to overcome the nicotine addiction, experts think. Learn about the health risks and ways to help young people in their quitting journey. - ការជក់បារីអេឡិចត្រូនិក “vape” ត្រូវបានពិពណ៌នាថាជា បញ្ហាសុខភាពសាធារណៈដ៏សំខាន់។ យោងតាមទិន្នន័យរបស់ក្រសួងសុខាភិបាល សិស្សសាលាមធ្យមសិក្សាម្នាក់ក្នុងចំណោមសិស្សានុសិស្សអូស្រ្តាលី 3 នាក់បានប្រើប្រាស់បារីអេឡិចត្រូនិចក្នុងឆ្នាំ 2022/2023។ ការឈប់ជក់បារីអាចជាបញ្ហាប្រឈមសម្រាប់យុវវ័យ។ នៅក្នុងរបាយការណ៍ពន្យល់ពីអូស្ត្រាលីនេះ យើងរិះរកវិធីដើម្បីជួយពួកគេឱ្យផ្តាច់បារី។

មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** អតីតអភិបាលរដ្ឋញូសៅវែល លោកស្រី Gladys Berejiklian ចាញ់បណ្តឹងឧទ្ធរណ៍ពាក់ព័ន្ធនឹងការរកឃើញអំពើពុករលួយប្រឆាំងរូបលោកស្រី។ ** នាយករដ្ឋមន្ត្រីអ៊ីស្រាអែលជួបជាមួយប្រធានាធិបតីអាមេរិក ចំពេលមានបាតុកម្មគាំទ្រប៉ាឡេស្ទីន។ ** ព្យុះទីហ្វុង Gaemi បានបោកបក់ដល់ប្រទេសចិន បន្ទាប់ពីបានបង្កជាទឹកជំនន់ និងការរអិលបាក់ដីនៅតៃវ៉ាន់ និងហ្វីលីពីន ដែលបានសម្លាប់មនុស្សយ៉ាងហោចណាស់ ២១នាក់។

មនុស្ស ៤នាក់ ដែលផ្សព្វផ្សាយតាមបណ្តាញសង្គម ពាក់ព័ន្ធគម្រោងអភិវឌ្ឍន៍ត្រីកោណកម្ពុជា ឡាវ និងវៀតណាម ត្រូវបានតុលាការ សម្រេចចោទប្រកាន់ និងឃុំខ្លួនបណ្តោះអាសន្ននៅពន្ធនាគារហើយ។ អ្នកទាំង ៤នាក់នោះ ត្រូវបានចាប់ខ្លួនជាបន្តបន្ទាប់ នៅខេត្តសៀមរាប កាលពីថ្ងៃទី២៣ ខែកក្កដា ឆ្នាំ២០២៤ ដោយសារពួកគេ បានធ្វើអត្ថាធិប្បាយ ដែលរាជរដ្ឋាភិបាល ចាត់ទុកថា ជាការមួលបង្កាច់ ប្រឌិតព័ត៌មានមិនពិត អំពី“គម្រោងអភិវឌ្ឍតំបន់ត្រីកោណ រវាងប្រទេសកម្ពុជា ឡាវ និងប្រទេសវៀតណាម (CLV-DTA)” ។

ទ្រព្យសម្បត្តិរបស់អតីតឧកញ៉ា ស្រី ស៊ីណា ដែលតុលាការសម្រេចរឹបអូសជាបណ្តោះអាសន្ន ពេលនេះ រួមមាន៖ ឡាន ១គ្រឿង ដី៣កន្លែង ផ្ទះនៅបុរីប៉េងហួត ១ល្វែង និងទីតាំង ដែលអតីតឧកញ៉ានេះ បង្កើតផ្សារបឹងសាឡាងថ្មី នៅក្នុងខណ្ឌឫស្សីកែវ រាជធានីភ្នំពេញ។ ក្នុងដីកាសម្រេច ចេញដោយលោក ហុក ពៅ ចៅក្រមសាលាដំបូងរាជធានីភ្នំពេញ ដែលត្រូវបានគេផ្សព្វផ្សាយ កាលពីថ្ងៃទី២៥ ខែកក្កដា ឆ្នាំ២០២៤ បានបញ្ជាក់ថា ការសម្រេចរឹបអូសជាបណ្តោះអាសន្នចំពោះទ្រព្យសម្បត្តិរបស់ជនត្រូវចោទ ឈ្មោះ ស្រី ស៊ីណា គឺមានភាពចាំបាច់បន្ទាន់ ដើម្បីទប់ស្កាត់មិនឱ្យជនជាប់ចោទនេះ ចាត់ចែង លក់ដូរ ផ្ទេរកម្មសិទ្ធិនូវទ្រព្យសម្បត្តិទៅឱ្យតតិយជន នាំឱ្យខូចប្រយោជន៍របស់ក្រុមគ្រួសារជនរងគ្រោះ ក្នុងអំពើបាញ់ប្រហារយ៉ាងសាហាវឃោរឃៅ នៅក្នុងអង្គហេតុឃាតកម្ម កាលពីថ្ងៃទី១៧ ខែមិថុនា ឆ្នាំ២០២៤ ដែលប្រព្រឹត្តដោយជនត្រូវចោទ ឈ្មោះ ស្រី ស៊ីណា បណ្តាលឱ្យជនរងគ្រោះ ២នាក់ ស្លាប់ និងរបួស ២នាក់ផ្សេងទៀត។ សូមរម្លឹកថា ជនត្រូវចោទ ឈ្មោះ ស្រី ស៊ីណា អាយុ ៥០ឆ្នាំ កំពុងជាប់ឃុំនៅក្នុងពន្ធនាគារ ត្រូវបានចោទប្រកាន់ក្នុង ២សំណុំរឿង គឺពីបទឃាតកម្ម បទប៉ុនប៉ងឃាតកម្ម បទប្រើប្រាស់អាវុធខុសច្បាប់ និងបទរំលោភចូលលំនៅដ្ឋានអ្នកដទៃ។ បទចោទប្រកាន់ទាំងនេះ នឹងត្រូវប្រឈមនឹងទោសជាប់ពន្ធនាគារ ពី ១០ឆ្នាំ ទៅ ១៥ឆ្នាំ ក្នុងសំណុំរឿងនិមួយៗ។ ក្នុងសំណុំរឿងក្តីនេះ មេធាវីរបស់រាជរដ្ឋាភិបាលកម្ពុជា បានការពារក្តីឱ្យឪពុកម្តាយរបស់ជនរងគ្រោះ ក្នុងអំពើបាញ់ប្រហារដ៏សាហាវឃោរឃៅនោះ៕