SBS Tigrinya - ኤስ.ቢ.ኤስ ትግርኛ

እዚ መራሕቲ ኣፍሪቃ ዝሳተፍሉ ዋዕላ መንግስቲ ዩን ሱክ ዮል ካብ ዝጅምር እቲ ዝዓበየ ዋዕላ ከምዝኸውንን ደቡብ ኮርያ፡ ኣፍሪቃ ዘሳተፈ ፈላማይ እተእንግዶ ዋዕላ’ዩ። መራሒ ደቡብ ኮርያ ምስ ነፍሲ ወከፍ መራሒ ኣፍሪቃ ብውልቂ ከምዝዘራረብ'ውን ተፈሊጡ ኣሎ።

ሰሙናዊ መደብ ስፖርት (03/06/2024) * ኢትዮጵያዊ ሓጎስ ገብረህይወት ኣብ ኦስሎ ኣብ ዝተኻየደ ርክባት ውድድራት ኣልማዛዊ ሊግ ኣብ ውድድር 5000 ሜ ካልኣይ ዝቐልጠፈ ግዜ ኣብ ታሪኽ ብምምዝጋብ ተዓዊቱ፣ * ቢንያም ግርማይ ሮቡዕ ኣብ ቅድድም ብሽግለታ ሰርኲት ፍራንኮ-በልጀ ኣደናቒ ዓወት ድሕሪ ምምዝጋቡ ሰንበት ኣብ ብራስልስ ሳይክሊንግ ክላሲክ ካልኣይ ወጺኡ፣ * ኣብ ቅድድም ብሽግለታ ዙር ሞሮኮ ናትናኤል ብርሃነ ዝርከቦም ኣርባዕተ ኤርትራውያን ንጋንታቶም ወኪሎም ይሳትፉ’ለዉ፣ * ሪያል ማድሪድ ንቦሩስያ ዶርትመንድ ስዒራ መበል 15 ጽዋዕ ሻምፒዮንስ ሊግ ክለባት ኤውሮጳ ክትዕወት’ንከላ ኣሰልጣኒ ካርሎ ኣንቸሎቲ ኸኣ ንሓምሻይ ግዚኡ ተዓዊቱ፣

ስነ ጥበባዊ ሚካኤል ኣዶናይ፡ ብዝስእሎ ስእልታት ዝና ዘትረፈ ኮይኑ፡ ኣብ ዝተፈላለዩ እዋናት ልዕሊ ኣርባዕተ መጻሕፍቲ ዝጸሓፈ'ውን እዩ። ኣብዚ ቅሩብ እዋን ብዛዕባ ካብ 1965 ክሳብ 1989 ዓ/ም ኣብ ዘሎ ኣብ ቆሓይን ዝነበረ ኩነታት እትገልጽ መጽሓፉ "መሳኹቲ ማይምነ" ዝምልከት ብተወላዶ ቆሓይን ኣብ ካልእ መዲያ ርእይቶ ክወሃብ ቀንዩ። ብዛዕባ'ቲ ዝተዋህበ ርእይቶን ዕላማ መጽሓፉን ብዝምልከት ምስ ረዲዮ ኤስ ቢ ኤስ ትግርኛ ዝገበሮ ቃለ መሕትት ቀሪቡ ኣሎ።

ንሎሚ ሓሙስ 30 ግንቦት 2024 ንሓደ ሰዓት ዝጸንሕ መደብና፥ ሒዝና ቀሪብና ኣለና። ብዛዕባ ኣገባብ ኣበዓዕላ መዓልቲ ናጽነት ኤርትራ ምስቲ መዓልቲ ተተሓሒዙ ዝቐርብ ዝተፈላለዩ ርእይቶታት ክንጸባረቑ ቀንዮም ኣለዉ። ኣብ ደምበ ተቓዉሞ ዝጸንሑ ነበርቲ ኣውስትራሊያ ኣብዝተገብረ ጽምብል ክንርከብ ኣለና ብምባል ቅድሚ ሕጂ ክገብርዎ ዝጸንሑ ብዝተፈልየ ክገብሩ ዘገበረ ኩነታትን ምስቲ ኣብ ደምበ ተቓዉሞን ንለውጢ ኣብ ኤርትራ ክሓትዎ ዝጸንሑ ሕቶታትን ዝምልከት ናይ ሎምን ትማልን መትከሎምን ክልተ ዕዱማት ገሊጾምልና ኣለዉ። እቲ ምስ ኣቶ ወልደየሱስ ገብራይን ኣቶ ሞሓመድ ኢማም ዓብዱራማንን ዝገበርናዮ ዘተ ካል ኣይን ናይ መውዳእታን ቀሪቡ ኣሎ። ልኡኽና ዝሰደደልና ጸብጻብ፡ ኦርቶዶክሳዊት ተዋህዶ ቤተክርስቲያን ኢትዮጵያ ኣብ ከቢድ ጸገም ከምትርከብ ፓትርያርክ ብጹእ ኣቡነ ማትያስ ገሊጾም። ኣብ መቐለ ብ 3.6 ቢሊዮን ብር በጀት ዝህነጽ ዘሎ መሰረተ ልምዓት ኣብ ዝሓፀረ እዋን ንምዝዛም ይስራሕ ከምዘሎ ተገሊፁ። ፕረዚደንት ኢሰያስ፣ ምምዝባልን ስደትን ህዝቢ ሱዳን ከብቅዕ ጸዊዑ ። ። ኣብ ሰሙናዊ መደብ (ምንባር ኣብ ኣውስትራሊያ) ባህሊ ምስታይ ቡን ኣውስትራሊያ፡ ክቐርብ’ዩ። ኣርእስታት ዜና፥ እስራኤል ናብ ራፋ ንመጥቃዕቲ ታንክታት ልኢኻ ። ብሚልዮናት ዝቝጸሩ ደቡብ ኣፍሪቃውያን ኣብታ ሃገር ኣብ ዝካየድ ሓፈሻዊ ምርጫ ድምጾም ንምሃብ ናብ ነቑጣታት መድመጺ ውሒዞም ። ኣብ ርእሲ ከተማ ሕንዲ ዝዀነት ደልሂ ፡ ካብ ቅድሚሕጂ ዝዛየደ 52.3 ዲግሪ ሰንቲግሬድ [ብረቡዕ 29 ግንቦት] ብርቱዕ ሙቐት ተመዝጊቡ ።

ኣርእስታት ዜና፥ እስራኤል ናብ ራፋ ንመጥቃዕቲ ታንክታት ልኢኻ ። ብሚልዮናት ዝቝጸሩ ደቡብ ኣፍሪቃውያን ኣብታ ሃገር ኣብ ዝካየድ ሓፈሻዊ ምርጫ ድምጾም ንምሃብ ናብ ነቑጣታት መድመጺ ውሒዞም ። ኣብ ርእሲ ከተማ ሕንዲ ዝዀነት ደልሂ ፡ ካብ ቅድሚሕጂ ዝዛየደ 52.3 ዲግሪ ሰንቲግሬድ [ብረቡዕ 29 ግንቦት] ብርቱዕ ሙቐት ተመዝጊቡ ።

ኦርቶዶክሳዊት ተዋህዶ ቤተክርስቲያን ኢትዮጵያ ኣብ ከቢድ ጸገም ከምትርከብ ፓትርያርክ ብጹእ ኣቡነ ማትያስ ገሊጾም። ፌደራሊስ ኮንግረስ ኦሮሞ ካብቲ ኣብ ኢትዮጵያ ተጀሚሩ ዘሎ ሃገራዊ ዘተ ንርእሱ ከምዘርሓቐ ገሊጹ። ኣብ መቐለ ብ 3.6 ቢሊዮን ብር በጀት ዝህነጽ ዘሎ መሰረተ ልምዓት ኣብ ዝሓፀረ እዋን ንምዝዛም ይስራሕ ከምዘሎ ተገሊፁ። ፕረዚደንት ኢሰያስ፣ ምምዝባልን ስደትን ህዝቢ ሱዳን ከብቅዕ ጸዊዑ ተባሂሉ

ድሕሪ ለበዳ ኮቪድ-19 ፡ ማሕበረሰብ ዓለም ፡ ምክልኻል ፡ ምድላውነትን ግብረ-መልስን ዘደልድል ሓድሽ ስርዓት ከምዘድልዮ ተሰማሚዑ ። እንተዀነ ግን: እቲ ኣብ ጄኔቫ ዝግበር ዘሎ ናይ ዉድብ ጥዕና ዓለም ዋዕላ ኣብዚ ሰሙን ብዛዕባ እዚ ሓድሽ ናይ ለበዳ ውዕል ኣብ ጸገም ምህላዉ ተፈሊጡ ። ቅድሚ ኣኼባ ዝቐረበ ናይ መወዳእታ ንድፊ ዘይተሰማዐ ስለ ዝነበረ: ኣብ ሓድሽ ናይ ግዜ ገደብ ስምምዕ ክብጻሕ ዘይከኣል እዩ ዝመስል ። ተመራመርቲ ስነ-ፍልጠት ድማ እቲ ቀጺሉ ዘሎ ለበዳ "ኣብ ቀረባ" ምዃኑ የጠንቅቑ ኣለዉ ።

ንሎሚ 29 ግንቦት 2024 ዝተዳለዉ ሓጸርቲ ዜናታት ኤስ ቢ ኤስ ትግርኛ፡ ናብቲ ኣብ ፓፕዋ ኒው ጊኒ ኣብቲ ብውሑዱ 2,000 ሰባት ብሃዶሽዶሽ ብህይወቶም ዝተቐበርሉ ቦታ: ረድኤት ንምብጻሕ ዝወስድ ቀንዲ መገዲ ድንድል ከምዝፈረሰ ተሓቢሩ: ዩክረይን ኣብ ውሽጢ ሩስያ ኣብ ዝርከብ ወተሃደራዊ ቦታታት ንኽትወቅዕ ክፍቀደላ ከም ዝግባእ መራሕቲ ፈረንሳን ጀርመንን ሓቲቶም። ዓቃባዊ ሰልፊ ብሪጣንያ ኣብቲ ምርጫ እንተተዓዊቱ፡ ግዱድ ሃገራዊ ኣገልግሎት ክጅምር ዉጥን ከም ዘለዎ ኣፍሊጡ።

ኣውስትራሊያዊያን ብዙሕ ቡን ብምስታይ ዝፍለጡ እዮም ፡ በዚ ድማዩ መልበርን ዝበዝሐ ግዜ ዋና ከተማ ዓለም ቡን ትበሃል ። ቡን ምእዛዝ ዕቱብ ስራሕ ስለ ዝዀነ ፡ ኣብዚ ሰሙን እዚ ነቲ ናይ ካፈ ዓይነታት ክንፍትሾ ኢና ።

ንሎሚ 28 ግንቦት 2024 ዝተዳለዉ ሓጸርቲ ዜናታት ኤስ ቢ ኤስ ትግርኛ፡ እስራኤል ፡ ኣብታ ናይ ቴንዳ ከተማ ተቐይራ ዘላ ከተማ ራፋሕ ብነፈርቲ ውግእ 45 ሰባት ከም እተቐትሉ ተኣሚና ። ኣውሮጳ ኣብ ክንዲ ኣብ ሕቡራት መንግስታት ምውካል ገዛእ ርእሳ ብምክልኻል ክትክእል ኣለዋ ክብል ፕሬዝዳንት ፈረንሳይ ኢማኑዌል ማክሮን ገሊጹ ። ሓይልታት ትግራይ ካብ ዝሓዝዎም ከባቢታት ኣላማጣ ከምዝወጹ ምውሳኑ ጊዝያዊ ምምሕዳር'ቲ ክልል ኣፍሊጡ።