SBS Tigrinya - ኤስ.ቢ.ኤስ ትግርኛ

ኢንስቲዮት ዓለም ለኸ ጉዳያት ኣውስትራልያ ኣብ ትግራይ ተፈጺሙ ዝብል መደምደምታ ዝቐርበሉ ዘሎ ገበን ጄኖሳይድ ዓለምለኻዊ ምላሽ ከም ዝደሊ ኣፍሊጡ። ኤርትራ፡ ንጡፍ ህላዌ ሩስያ ኣብ ኣፍሪቃ ከምትደሊ፡ ኣምባሳደር ሩስያ ኣብ ኤርትራ ተዛሪቡ

ዶክተር ኪሮስ ሕሩይ: ኣንትሮፖሎጂስትን ኪኢላ ዞባዊ ምዕባለን እዩ:: ካብቲ finding home far from home ወይ ካብ ርሑቕ ዓዲ መጺእካ ዓዲ ምንዳይ ኣብ ዝብል ትምህርታዊ ምርምሩ፡ ብዛዕባ ኩነታት ምጥያስ ኣፍሪቃዊያን ኣብ ኣውስትራሊያ መጽናዕቲ ዝገበረ እዩ። ብዛዕባዚ ዕድላትን ግድላትን መስርሕ ምጥያስ ህይወት ኣፍሪቃዊያን ስደተኛታት ኣብ ወጻኢ ሃገራትን ሰፊሕ ሙሁራዊ ትንታነ ሂቡና ኣሎ። ምሉእ ትሕዝቶ ናይቲ ቃለ መሕትት ኣብዚ ብምጥዋቕ ክስማዕ ይከኣል እዩ።

ኣርእስታት ዜና፡ ኣውስትራሊያ ንሰብኣዊ ሓገዝ ዝውዕል ንህዝቢ ቓዛ ተወሳኺ ናይ 10 ሚሊዮን ዶላር ሂባ ኣብ ገማገም ባሕሪ የመን ጃልባ ብምጥሓላ ብውሕዱ 49 ስደተኛታት ካብ ሃገራት ቀርኒ ኣፍሪቃ ከም ዝሞቱ ኣህጉራዊ ትካል ስደት ገሊጹ። ሃገራዊት ጋንታ ኩዕሶ እግሪ ኣውስትራሊያ ሶኮሩ ንጋንታ ፍልስጤም 5ብ0 ኣብ ፐርዝ ስዒራታ።

ህዝብታት ደሴት ኣቦርጅናልን ቶረስ ስትርን ልምድታቶም ንባህላዊ ታሪኾምን መንፈሳዊ እምነታቶምን ኣገዳሲ ፍልጠት ብዛዕባ ምድሮምን ንምግላጽ ነቲ ብኣፍ ዝመሓላለፍ ስነ-ጥበብ ይጥቀሙ ። ብዘይካዚ ፡ ስነ ጥበብ ነቲ ፍሉይ ባህሎምን ንፈጠራዊ ልምድታቶምን ዓሚቝ ኣድናቖት ንምግላጽ ዝሕግዝ መስኮት እዩ ። ኣብዚ ትሕዝቶ እዚ ፡ ህዝብታት ደሴት ኣቦርጂንን ቶረስ ስትርን ፡ እተፈላለየ ዓይነት ስነ-ጥበብ እናተጠቕሙ ፡ ነቲ ብኣፍ ዝመሓላለፍ ያታኦም ብኸመይ ከም ዝቕበልዎ ክንርኢ ኢና ።

ንሎሚ 11 ሰነ 2024 ዝተዳለዉ ሓጸርቲ ዜናታት ኣርእስታት፡ ምክትል ፕረዚደንት ማላዊን ካልኦት ትሽዓተ ሰባትን ዝጸዓነት ወተሃደራዊት ነፋሪት ጠፊኣ። ኣብ ኣውስትራሊያ ክሓዊ ካብ ዝኽእል ሕማም ምኽንያት ኣብ ነፍሲ ወከፍ ሰዓት ክልተ ሰባት ይሞቱ ። ሓደ ላዕለዋይ በዓል ስልጣን ኩዕሶ እግሪ ፡ ኣብቲ ኣብ ፔርዝ ዝካየድ መጻረዪ ውድድር ዋንጫ ዓለም ንኺሳተፍ ናብ ኣውስትራሊያ ከይኣቱ ቪዛ ተኸሊኡ።

ንሎሚ ሰኑይ 10 ሰነ 2024 ንሓደ ሰዓት ዝጸንሕ መደብና፥ ሒዝና ቀሪብና ኣለና። ልኡኽና ዝሰደደልና ጸብጻብ፡ ኣብ እዋን ኲናት ትግራይ ትካላት ሕቡራት ሃገራት ግቡእ ምላሽ ብዘይምሃቦም ክሳብ 800ሽሕ ሰባት ሞይቶም ተባሂሉ ኢትዮጵያ ካብ ባንክ ዓለምን ትካል ገንዘብ ዓለም IMFን 7 ቢልዮን ዶላር ንምልቃሕ ኣብ ዝርርብ ከም ትርከብ ተሰሚዑ። ዝብሉን ካልእን ዝሓዘ ጸብጻብ ል ኡኽና ክቐርብ እዩ። ብዛዕባ ገንዘብ፡ ልቓሕ፡ መንበሪ ገዛ ምግዛእን ዝተተሓሓዘ ሓድሽ መደብ፡ ገንዘብን ህይወትን ዝብል ከነቕርብ ኢና። ሰሙናዊ መደብ ስፖርትን ካልእ ዝተፈላለዩ ትሕዝቶታት ቀሪብና ኣለና ። ኣርእስታት ዜና፥ ኣባል ካቢነ ሚኒስተራት ኲናት እስራኤል በኒ ጋንትዝ ብፍቓዱ ካብቲ ካቢነ ተሰናቢቱ፣ ሎሚ ልደት ንጉስ ኣብ ዝበዓለሉ ዘሎ ዝተፈላለዩ ሰባት ተሸሊሞም። ልኡኽ "ቁጠባዊ ኮምሽን ሕቡራት ሃገራት ንኣፍሪቃ" ኣብ ኣስመራ ዑደት ኣካይዱ፡

ህይወት ኣብ ምዕራባዊ ዓለም ምስ ገንዘብ ዝተሓሓዝ'ዩ። ዕውት ዝኾነ ይወት ንምምራሕ ድማ ብዛዕባ ገንዘብን ምሕደራኡን ምፍላጥ ወሳኒ እዩ። ነዚ መሰረት ብምግባር ምስ ገንዘብ ዝተኣሳሰር፡ ብዛዕባ ውህለላ ገንዘብ፡ ምዕዳግ ገዛ፡ ጥሮታ፡ ንኡስ ቢዝነስን ምስ ኡ ዝተሓሓዝን ንብዙሕ ዓመታት ካብ ዘቕረብናዮ ጽሟቑ ከነቕርቦ ኢና። ንሎሚ ብዛዕባ ለቓሕን ምውናን ገዛን ዝምልከት ምስ ኪኢላታት ፋይናንስ ኣቶ ኬነዲን ኣቶ መሓረናን ቀሪብና ኣለና።

ኣርእስታት ዜና፥ ኣባል ካቢነ ሚኒስተራት ኲናት እስራኤል በኒ ጋንትዝ ብፍቓዱ ካብቲ ካቢነ ተሰናቢቱ፣ ሎሚ ልደት ንጉስ ኣብ ዝበዓለሉ ዘሎ ዝተፈላለዩ ሰባት ተሸሊሞም። ልኡኽ "ቁጠባዊ ኮምሽን ሕቡራት ሃገራት ንኣፍሪቃ" ኣብ ኣስመራ ዑደት ኣካይዱ፡

ሰሙናዊ መደብ ስፖርት (10/06/2024) * ኤርትራ ዝመበቆላ ጓል 16 ዓመት መንእሰይ ኣሜሪካዊት ሊሊ ዪውሃንስ ንፈለማ ግዜ ንኣሜሪካ ወኪላ ተሰሊፋ ሽቶ ኣመዝጊባ፣ ሃገራት ከኣ ዜግነተን ክትወስድ ይመናጠላላ፣ * ሃገራዊት ጋንታ ኩዕሶ እግሪ ኢትዮጵያ ዝሓለፈ ሰሙን ክልተ መጻረዪ ግጥማት ንዋንጫ ዓለም 2026 ኣካይዳ ኣንጻር ጊኒቢሳውን ጂቡቲን ማዕረ ተፈላልያ፣ * ኣብ ቅድድም ብሽግለታ ዙር ሞሮኮ ኣርባዕተ ኤርትራውያን ንጋንታቶም ወኪሎም ተሳቲፎም ናትናኤል ብርሃነ ብሓፈሽኡ ሳልሳይ ወጺኡ፣ * ኣብ መፋነዊ ግጥማታ ናብ ግጥማት ዩሮ 2024 ዝተሳዕረት እንግሊዝ ንደገፍታ ስክፍታ ፈጢራትሎም፣ ገለ ጋዜጣታት’ታ ሃገር ግን ኣብ ጸለምቲ ዘቕንዐ ዘመተ ምክያደን ነቐፌታ ይቐርበለን፣

ኢትዮጵያ ካብ ባንክ ዓለምን ትካል ገንዘብ ዓለም IMFን 7 ቢልዮን ዶላር ንምልቃሕ ኣብ ዝርርብ ከም ትርከብ ተሰሚዑ። ኣብ እዋን ኲናት ትግራይ ትካላት ሕቡራት ሃገራት ግቡእ ምላሽ ብዘይምሃቦም ክሳብ 800ሽሕ ሰባት ሞይቶም ተባሂሉ።