SBS Tigrinya - ኤስ.ቢ.ኤስ ትግርኛ

ሎሚ ናይ ፈለማ መዓልቲ 2024 እያ፡ በዚ ኣጋጣሚ ንኹላትኩም ሰማዕትና 2024 ናይ ሓጎስ፡ ሰላምን ትዕናን ዓመት ክኾነልኩም እናተመነኹ ንሎሚ ሰኑይ ሓደ ጥሪ 2024 ንሓደ ሰዓት ዝጸንሕ መደብና፥ ሒዝና ቀሪብና ኣለና። ኣብ መንጎ ንፈስቲቫል ኤርትራ ኣብ ኣውስትራሊያ ዝድግፉን ዝቃወሙን ዝተገብረ ዘተ ቀዳማይ ክፋሉ ከነቕርቦ ኢና። ልኡኽና ዝሰደደልና ጸብጻብ፡ ሰሙናዊ መደብ ስፖርትን ካልእ ዝተፈላለዩ ትሕዝቶታት ቀሪብና ኣለና ። ኣርእስታት ዜና፥ ኣውስትራሊያዊያን ፡ ን 2023 ተሰናቢቶም ፡ ንሓድሽ ዓመት 2024 ድማ ብ ምርኢታትን ርችትታትን ተቐቢሎም ። ፓኪስታን ፡ ምስ ኣብ ጋዛ ዝርከቡ ፍልስጤማውያን ኣጋርነታ ንምርኣይ ፡ ናይ ሓድሽ ዓመት ጽምብል ከይክበር ኣጊዳ። ኣብ እንግሊዝ፡ ኤርትራውያን ኣብ ዝፈጠርዎ ግጭት ኣርባዕተ ፖሊስ ተወቒዖም።

ፕረሲደንት ግዝያዊ ምምሕዳር ትግራይ ጌታቸው ረዳ ነቲ ኣብ ትግራይ ተኸሲቱ ዘሎ ደርቂ ምስቲ ኣብ 1977 ኣብ ኢትዮጵያ ዝተራእየ እዩ ኣመሳሲልዎ፡ ኣፈኛ ፈደራል መንግስቲ ኢትዮጵያ ቱሉ ግና ነዚ ዘረባን ብጥምየት ሰባት ይሞቱ ከምዘለዉ ዘረጋገጸ የለን ክብል እዩ ነቲ ኩነታት ገሊጽዎ።

ሰሙናዊ መደብ ስፖርት (01/01/2024) * ቢንያም ግርማይን ናትናኤል ተስፋጽዮንን ኣብ ቅድድም ብሽግለታ ኣውስትራልያ ‘ቱር ዳውን ኣንደር’ ክሳተፉ’ዮም፣ * ገዲም ተቐዳዳማይ ብሽግለታ ጽጋቡ ግርማይ ካብ ቅድድም ምስናቡት ኣፍሊጡ፣ * ኣብ ባርሴሎና ኣብ ዝተኻየደ ውድድር 5ሽሕ መዛዘሚ ዕለት 2023 እጅጋየሁ ታየ ካልኣይቲ ወጺኣ፣ * ግጥማት ፕሪምየር ሊግ ዓዲ እንግሊዝ መወዳእታ ሰሙን ዓመተ 2023 ቀጺሎም ሊቨርፑል ገና ግጥማ ከየካየደት መሪሕነታ ከተደልድል እንከላ፣ ኣርሰናልን ማንቸስተር ዩናይትድን ተሳዒረን፣

ኣብ እንግሊዝ፡ ኤርትራውያን ኣብ ዝፈጠርዎ ግጭት ኣርባዕተ ፖሊስ ተወቒዖም። ኢትዮጵያ ካብ ሎሚ 1 ጥሪ 2024 ጀሚሩ ብዕሊ ኣባል ብሪክስ ትኸውን።

ቀዳማይ ክፋል ዘተ ኣብ መንጎ ብዛዕባ ተወጢኑ ዘሎ ፌስቲቫል ኤርትራ ኣብ ኣውስትራሊያ ዝድግፉን ዝቃወሙን ምስ ኣቶ መዝሙር ሰሎሞን፡ ኣኽሊሉ ገብረእግዚኣብሄርን ሃቱ ገብረመድህንን እዩ። ካልኣይ ክፋሉ ኣብ ዝመጽእ መዓልታት ከነቕርቦ ኢና።

ንሎሚ ሓሙስ 28 ታሕሳስ 2023 ንሓደ ሰዓት ዝጸንሕ መደብና፥ ሒዝና ቀሪብና ኣለና። ሳራ በላይ ጋዜጠኛን ጸሓፊትን እያ። ብዛዕባ ምስ ደቂ ኣንስትዮ ተጋደልቲ ህዝባዊ ግምባር ምርኩስ ዝገበረት ታሪኻዊት ልቢወለድ መጽሓፍ "ጻላም ሳንዱቕ" ጽሕፋ። ብዛዕባ መጽሓፋ ዝምልከት ኣዕሊላትና ኣላ። ሓንቲ ካብ ሰለስተ ደቂ ኣንስትዮ ኣብ ሂወትን ኣካልዊን ጻታውን ዓመጽ የጋጥመን። ኣብ ቤተ ሰብ ዝፍጸም ዓመጽ ንኩሉ ዝትንክፍ ዓመጽ እንተኾነ’ኳ፡ ብስደት ዝመጻ ደቂ ኣንስትዮ ሓገዝ ኣብ ዝደልያሉ እዋን ተወሳኺ ሓጹራት የጋጥመን። ነዚ ዝምልከት ትሕዝቶን ጸብጻብ ል ኡኽናን ቀሪብና ኣለና። ኣርእስታት ዜና፥ ኣብ ምብራቓዊ ገማግም ኣውስትራሊያ ብሰንኪ ብርቱዕ ኵነታት ኣየር ዝሞቱ ሰባት ቍጽሮም ናብ ዓሰርተ ክብ ኢሉ ኣሎ ። ሓይልታት ሑቲ የመን ኣብ ቀይሕ ባሕሪ ኣብ ልዕሊ ሓንቲ ንግዳዊት መርከብ ዕዉት ናይ ሚሳይል መጥቃዕቲ ከምዝፈጸሙ ገሊጾም ። ኤርትራ ብብዝሒ እሱራት ጋዜጠኛታት፡ ንሃገራት ምብራቕ ኣፍሪቃ ትመርሐን ከምዘላ ተሓላቒ ትካል ጋዜጠኛታት ብዘይዶብ ሓቢሩ።

ኢትዮጵያ ኣብ ተርታ ቀዳሞት ዕዳ ዘይኸፍላ ምስርዓ ተደራራቢ ጽልዋ ከም ዘሕድር ተገሊጹ።

ብዙሓት ትካላትን ክኢላታትን ኣብዚ ናይ ኣውስትራሊያ ወቕቲ ሳመር (ሓጋይ) ውዑይን ሓጋይ ኩነታት ኣየር ከምዝህሉ ተነብዮም ኣለው ። መንግስታት ግዝኣታት ኣውስትራሊያ ከምኡ "ውን ናይ ህጹጽ እዋን ኣገልግሎታት ንዝኸፍአ ኩነታት ክንዳሎ ኣለና ይብሉ ።

ንሎሚ 27 ታሕሳስ 2023 ዝተዳለወ ሓጸርቲ ዜናታት ኤስ ቢ ኤስ ትግርኛ ኣርእስታት ዜና፡ ኣብ ኣውስትራሊያ ከቢድ ኩነታት ኣየር ህይወት ሰባት ይቐዝፍ ኣሎ። መጥቃዕቲ እስራኤል ይብርትዕ ነበርቲ ቓዛ ዉሕስ መዕቆቢ ይስእኑ። ምስ ጥርጣረ ምስግጋር ሰባት ሓንቲ መጓዓዝያ ነፋሪት ካብ ፈረንሳ ናብ ህንዲ ተመሊሳ።

ንሎሚ 26 ታሕሳስ 2023 ዝተዳለወ ሓጸርቲ ዜናታት ኤስ ቢ ኤስ ትግርኛ ኣርእስታት ዜና፡ ግብጺ ብዛዕባ ጋዛ ዝምልከት ሓድሽ እማመ ዉዕል ኣቕሪባ። ምብራቓዊ ገማግም ኣውስትራሊያ ብኸቢድ ዝናብን ዉሕጅን ይሕመስ። ሓሙሽተ ኤርትራውያን ስደተኛታት ኣብ ቀላይ ቱርካና ናይ ኬንያ ሞይቶም ተረኺቦም።