SBS Tigrinya - ኤስ.ቢ.ኤስ ትግርኛ

ሰሙናዊ መደብ ስፖርት (15/01/2024) * ንተዓዘብቲ ዝመሰጡ መኽፈቲ መደባት ድሕሪ ምክያዶም ዋንጫ ሃገራት ኣፍሪቃ 2023 ኣብ ኣይቮሪኮስት ቀዳም ብድሙቕ ኣገባብ ተኸፊቱ፣ * ኣይቮሪኮስት ብዓወት ክትጅምር እንከላ ናይጀርያ ምስ ኢኳቶርያል ጊኒን ግብጺ ምስ ሞዛምቢክን ካብ ትጽቢት ወጻኢ ማዕረ ወጺኤን፣ * ኢትዮጵያዊ ገዲም ተቐዳዳማይ ብሽግለታ ጽጋቡ ግርማይ ኣብ ቅድድም ብሽግለታ ዙር ሩዋንዳ ድሕሪ ምስታፉ ካብ’ቲ ስፖርት ክሰናበት ምዃኑ ኣፍሊጡ፣ * ኤርትራዊ መንእሰይ ዮኤል ሃብተኣብ ምስ ጀርመናዊት ጋንታ ባይክ ኤይድ ተጸንቢሩ፣ * ኮንፈደረሽን ኩዕሶ ኣፍሪቃ ኣብ ልዕሊ ሓደ ምትላል ዕድመ ፈጺሙ ዝተባህለ ጋቦናዊ ተጻዋታይ መርመራ የካይድ ከምዘሎ ገሊጹ፣ * ፍርቀን ፕሪምየር ሊግ ጋንታታት ጥራይ ግጥማተን ኣብ ዘካየዳሉ ሰሙን ኣሌክሳንደር ኢሳቕ ሽቶ እንተመዝገበ’ኳ ጋንትኡ ኒውካስትል ዩናይትድ ብሻምፒዮን ማንቸስተር ሲቲ ተሳዒራ፣

Listen to 'English on Repeat,' a podcast to help us improve our speaking skills: Do you wake up early? | I wake up at 6.| I start work at 7.30.| I always eat breakfast at work.| What about you? - ነዚ ናይ ምዝራብ ክእለትና ከነመሓይሽ ዝሕግዝ ሓረጋት ቋንቋ እንግሊዝ እናደጋገምና ንመሃረሉ መደብ 'English on Repeat,' ስምዕዎ። ንግሆ ዲኹም ትትስኡ፧ | ሰዓት 6 እየ ዝትስእ።| ስራሕ ሰዓት 7.30 እጅምር። |ቁርሲ ኩሉ ግዜ ኣብ ስራሕ ይበልዕ።| ንስኹም ከ፧

ኣብ ትግራይ ብሓፈሻ ኣብ ኢትዮጵያ ዝምዕብል ዘሎ ኩነታት፡ ምድላይ ባሕሪ ኢትዮጵያን መጻኢ ኣመቱን ዝምልከት ካልኣይ ክፋል ሰፊሕ ዝርርብ ምስ ፕሮፌሶር መረሳ ጸሃየ።

ንሎሚ ሓሙስ 11 ጥሪ 2024 ንሓደ ሰዓት ዝጸንሕ መደብና፥ ሒዝና ቀሪብና ኣለና። ብዛዕባ ኣብ ትግራይን ከባቢኡን ዝምዕብል ዘሎ ፖለቲካዊ ኩነታት ምስ ምሁር ፖለአቲካ ተ/ፕሮ መረሳ ጸሃየ ካብ ዩኒቨርሲቲ መቐለ ዝተገብረ ቀዳማይ ክፋል ቃለ መሕትት።ከነቕርቦ ኢና። እስራኤል ድሕሪ እቲ ብጸሓፊ ጉዳያት ኣመሪካ ኣንቶኒ ብልንኬን ኣብ እስራኤል ዝገበሮ ምብጻሕ ፡ ኣብ ልዕሊ ሰላማውያን ሰባት ፍልስጤማውያን እተካይዶ መጥቃዕቲ ደው ከተብሎ ጸቕጢ ይግበረላ ኣሎ ። ኣብ ማእከላይ ምብራቕ ዝምዕብል ዘሎ ኩነታት ዝድህስስ ሓደ ትህዝቶ ኣሎና፡ ካልእ ዝተፈላለዩ ትሕዝቶታትውን ኣዳሊና ኣለና። ንኹሉ መደባትና ንምክትታል ምሳና ሓቢርኩም ክትጸንሑ ዝዕድመኩም ኣዳላውን ኣቕራብን በየነ ሰመረ፡ ሕጂ ናብ ዜና ከሕልፈኩም፡ ኣርእስታት ዜና፥ ገምጋም ዋጋ ክራይ ገዛ ኣብ ኣውስትራሊያ ን10 ተኸታተልቲ ርብዒ ዓመት ዝተራእየ ወሰኽ ክብረወሰን ሒዙ ከም ዝርከብ ተፈሊጡ። ኣብ ኲንስላንድ ድሕሪ እቲ ንሰሙናት ብ ትሮፒካል ሳይክሎፕሎን ጃስፐር ዘጋጠመ ምዕልቕላቕ ማይ ካልእ ናይ ሳይክሎን ሓደጋ የንጸላልዋ ከምዘሎ ተፈሊጡ። ኣብ ርእሰ ምምሕዳር ሶማሊላንድን ካልእ ከባቢታት ሶማልያን ዝነብሩ ገለ ኢትዮጵያውያን መጥቃዕትን ምፍርራሕን ከምዝበጽሖም ገሊጾም።

እስራኤል ድሕሪ እቲ ብጸሓፊ ጉዳያት ኣመሪካ ኣንቶኒ ብልንኬን ኣብ እስራኤል ዝገበሮ ምብጻሕ ፡ ኣብ ልዕሊ ሰላማውያን ሰባት ፍልስጤማውያን እተካይዶ መጥቃዕቲ ደው ከተብሎ ጸቕጢ ይግበረላ ኣሎ ። እዚ ከምዚሉ እንከሎ ብሰንኪ ቅትለት ኣዛዚ ሰራዊት ሕዝቦላህ ፡ኣብ ማእከላይ ምብራቕ ዝካየድ ዘሎ ውግእ ኣብቲ ዞባ ከይሰፍሕ ተሰጊኡ። ዛጊት ኣመሪካ ፡ ተዅሲ ደው ናይ ምባል ጠለብ ኣየቕረበትን ፡ ሓደ ናይ ኣውስትራልያ ትካል ድማ ፡ መንግስቲ ምስቲ ኣብቲ ኣብ ልዕሊ እስራኤል እተኻየደ ጃምላዊ ቅትለት ብደቡብ ኣፍሪቃ ቀሪቡ ዘሎ ክሲ ምጽናት ዓሌት ክሳተፍ ጸዊዑ ኣሎ ።

ኣብ ኲንስላንድን ቪክቶሪያን ምዕልቕላቕ ማይ ኣብ ዓድታት ከቢድ ጉድኣት ምውራድ ይቕጽል ኣሎ። እቲ ዝነኣሰን ብግሁድ ናይ ተመሳሳሊ ጾታ ዝምድና ዘለዎ ሰብ ሓድሽ ቀዳማይ ሚኒስተር ፈረንሳ ኰይኑ ተሸይሙ ኣሎ ። ኮሚሽን ሰብኣዊ መሰላት ኢትዮጵያ ካብ ኤርትራዊያን ስደተኛታት ዝቐርበሉ ዘሎ ጥርዓን ግህሰት መግለጺ ከምዘውጽእ ኣፍሊጡ።

ናይ ሎሚ 9 ጥሪ 2024 ዝተዳለዉ ሓጸርቲ ዜናታት ኤስ ቢ ኤስ ትግርኛ ኣርእስታት ዜና፡ ኣብ ቪክቶሪያ ኣብ ሰለስተ ወርሒ ክዘንም ዝኽእል ዝናብ ኣብ ሓንቲ መዓልቲ ስለ ዝዘነበ ፡ ህዝቢ ካብቲ ቦታ ኺግዕዙ መጠንቀቕታ ቀሪቡ። ፕረዚደንት ሶማልያ ሸኽ ሓሰን ማሕሙድ ናብ ኣስመራ ኣትዩ፡ ሓለቓ ስታፍ ሰራዊት ሶማሌ ላንድ ድማ ኣዲስ ኣበባ ኣትዩ። ፍሉጥ ጀርመናዊ ተጻዋታይ ኵዕሶ እግሪ ፍራንዝ ቤክንባወር ኣብ 78 ዓመት ዕድሚኡ ዓሪፉ ።

ኣብ ትግራይን ከባቢኡን ዝምዕብል ዘሎ ፖለቲካዊ ኩነታት ምስ ምሁር ፖለአቲካ ተ/ፕሮ መረሳ ጸሃየ ካብ ዩኒቨርሲቲ መቐለ ዝተገብረ ቀዳማይ ክፋል ቃለ መሕትት።

ን ሎሚ 8 ጥሪ 2024 ዘዳለናዮ ትሕዝቶ ቀሪብና ኣለና፡ በዚ ኣጋጣሚ ንኹላትኩም በዓል ልደት የሱስ ክርስቶስ ተኽብሩ ርሑስ በዓል ክኾነልኩም እናተመነኹ ንሓደ ሰዓት ዝጸንሕ መደብና፥ ከፋልጠኩም። ኣብ ትግራይ ብድርቂ ንዝተጠቕዑ ክፋል ሕብረተሰብ ንምሕጋዝ ብውሑዳት ዝተበገሰ ናይ ገንዘብ ምትእኽኻብ መስርሕ ድሮ ናብቶም ተጠቀምቲ ክበጽሕ ጀሚሩ ኣሎ። እዚ ሓሳብ ብኸመይ ተበጊሱን ኣብ መላእ ኣውስትራሊያ ዝነብሩ ኤርትራዊያን ዝሃብዎ ደገፍን ዝምልከት ኣተሓባበርቲ ናይቲ ተግባር ዝኾኑ ወ/ሮ ሳባ ኣብርሃም፡ ኣቶ ኤፍረም ተኽላይን ኣቶ ምሉእብርሃን ኣበበን ካብ ዝገለጽዎ እዩ፡ ኣብ ናይ ቃለ መሕትት መደብና ከነቕርቦ ኢና። ልኡኽና ዝሰደደልና ጸብጻብ፡ ሰሙናዊ መደብ ስፖርትን ካልእ ዝተፈላለዩ ትሕዝቶታት ቀሪብና ኣለና። ንኹሉ መደባትና ንምክትታል ምሳና ሃቢርኩም ክትጸንሑ ዝዕድመኩም ኣዳላውን ኣቕራብን በየነ ሰመረ፡ ሕጂ ናብ ዜና ከሕልፈኩም፡ ኣርእስታት ዜና፥ ኣብ ገለ ክፋል ቪክቶሪያ ብርቱዕ ነጐዳ ምዕልቕላቕ ማይ ከምዝህሉ መጠንቀቕታታት ቀሪቡ ። ኣብ ደቡባዊ ጋዛ ፡ ጥቓ ራፋ ብመጥቃዕቲ ኣየር ፡ ክልተ ፍልስጥኤማውያን ጋዜጠኛታት ተቐቲሎም ። ፕረዚደንት ሶማልያ ሓሰን ሸኽ ማሕሙድ፡ ኢትዮጵያ ምስ ርእሰ ምምሕዳር ሶማሊላንድ ዝገበረቶ ስምምዕ "ዝነጽግ" ሕጊ ፈሪሙ ኣጽዲቑ።

ፕረዚደንት ሶማልያ ሓሰን ሸኽ ማሕሙድ፡ ኢትዮጵያ ምስ ርእሰ ምምሕዳር ሶማሊላንድ ዝገበረቶ ስምምዕ "ዝነጽግ" ሕጊ ፈሪሙ ኣጽዲቑ። ኤርትራ፡ ካብ ሩስያ ዝተለገሰላ 25 ሽሕ ቶን እኽሊ ተቐቢላ።