SBS Tigrinya - ኤስ.ቢ.ኤስ ትግርኛ

ሰሙናዊ መደብ ስፖርት (22/01/2024) * ቢንያም ግርማይን ናትናኤል ተስፋጽዮንን ኣብ ኣውስትራልያ ኣብ ዝተኻየደ ቅድድም ብሽግለታ ንኡድ ምንቅስቓስ ብምርኣይ ብቕዓቶም ኣመስኪሮም፣ * ማራቶን ሙምባይ ሰንበት ተኻይዱ ኢትዮጵያውያን ኣትሌታት ተዓዊቶሞ፣ * ዋንጫ ሃገራት ኣፍሪቃ ኣይቮሪኮስት 2023 ገለ ሃገራት ክልተ ግዜ ብምዕዋት ምሕላፈን ድሕሪ ምርግጋጸን ካልኣይ ዙርያ ምድባዊ ግጥማቱ ኣጠናቒቑ፣ ኬፕቨርደን ሰነጋልን እተን ክልተ ቀዲመን ምሕላፈን ዘረጋገጻ ኮይነን፣ * ኣብ ፕሪምየር ሊግ ዓዲ እንግሊዝ ሊቨርፑል ናይ ሓሙሽተ ነጥብታት ፍልልይ ብምፍጣር መሪሕነታ ከተስፍሕ እንከላ ኣርሰናል ብገፊሕ ተዓዊታ ናይ ሳልሳይ ተርታኣ ኣደልዲላ፣

ንሎሚ ሓሙስ 18 ጥሪ 2024 ንሓደ ሰዓት ዝጸንሕ መደብና፥ ሒዝና ቀሪብና ኣለና። ኣብ ኣውስትራሊያ ብዙሓት ግዝኣታት በቲ ብ JN.1 ዝጽዋዕ ንኡስ ዓልየት ቪይረስ ኮቪድ ብብዝሒ ተዘርጊሑ ከምዘሎ ተፈሊጡ ። እዚ ዓልየት እዚ ኣዝዩ ተመሓላላፍን፡ ብቐሊሉ ንዚጥቃዕ ክፋል ህዝቢ ረዚን ክኸውን ይኽእል እዩ ። እንተኾነ መብዛሕትኦም ኣረጋውያን ኣውስትራሊያዊያን መደንፍዒ ክታበት ኮቪድ ብግዜኡ ስለዘይወሰዱ ፡ ኣብ ክኢላታት ሻቕሎት ይፈጥር ኣሎ ። ብዛዕባዚ ሃደ ትሕዝቶ ኣለና። ኣውስትራሊያውያን ብዙሕ ናይ መነባብሮ ቅልውላው የጋጥሞም እኳ እንተሎ፡ ኣብ ኣውስትራሊያ ዘለዉ ቢልዮነራት ግን ብዝሒ ሃብቶም ክብረ-ወሰን ይሕዝ ከምዘሎ’ኸ ፈሊጥኩምዶ፡ ብዛዕባዚውን ክንሕብር ኢና ። ሎሚ ጸብጻብ ል ኡኽና የለን፡ ቃለ መሕትትን ሰሙናዊ ምንባር ኣብ ኣውስትራሊያ ግና ግዜኦም ሓልዮም ዝቐርቡ መደባትና እዮም። ኣርእስታት ዜና፥ ሚኒስትር ጉዳያት ወጻኢ ኣውስትራሊያ ፔኒ ዎንግ ብረቡዕ ምስ ናይ ፍልስጤም መዘንኣ ሪያድ ኣል ማሊኪ ኣብ ዌስት ባንክ ከተማ ራማላ ተራኺባ ። ናብ ሃርጌሳ ትበርር ዝነበረት መገዲ ኣየር ኢትዮጵያ: ካብ ሰበ-ስልጣን በረራ ሶማል ፍቓድ ብዘይምርካባ ዘይተጸበየቶ ብሃንደበት ጉዕዘኣ ኣቋሪጻ ክትምለስ ተገዲዳ ። ስተፋኖስ ትስትሲፓስ ንኣውስትራልያዊ ጆርዳን ቶምሰን ስዒሩ ናብ ሳልሳይ ዙርያ ኣውስትራልያ ኦፐን ሓሊፉ ።

ኣውስትራሊያውያን ብዙሕ ናይ መነባብሮ ቅልውላው የጋጥሞም እኳ እንተሎ፡ ኣብ ኣውስትራሊያ ዘለዉ ቢልዮነራት ግን ብዝሒ ሃብቶም ክብረ-ወሰን ይሕዝ ኣሎ ። ሓድሽ ጸብጻብ ኦክስፋም "Inequality Inc." ከም ዝሕብሮ ፡ እቶት እቶም ኣብ ኣውስትራልያ ዝርከቡ 47 ቢልዮነራት ፡ ኣብዘን ዝሓለፋ ክልተ ዓመታት ብዕጽፊ ዓብዩ ናብ 255 ቢልዮን ዶላር በጺሑ ኣሎ ።

ንሎሚ 17 ጥሪ 2024 ዝተዳለዉ ሓጸርቲ ዜናታት ኤስ ቢ ኤስ ትግርኛ ፡ ኣርእስታት ዜና፡ ገዘፍቲ መራኽብ ብመስመር ቀይሕ ባሕሪ ምጉዓዝ ደው ኣቢለን ። ኢትዮጵያ 5ይ ወለዶ ሱ-30 ዝዓይነታ ናይ ዉግእ ጀትን ስትራተጂያዊ ናይ ውግእ ድሮን ከም ዝገዝ አት ሰራዊት ኢትዮጵያ ገሊጹ ። ኣውስትራሊያዊ ታናሲ ኮኪናኪስ ኣብቲ ዝካየድ ዘሎ ዉድድራት ቴኒስ ኣውስትራሊያ ኦፐን ናብ ካልኣይ ዙር ሓሊፉ ።

Learn how to encourage someone and make them feel good and motivated. - ሰባት ጽቡቕ ንኽስምዖምን ሞራል ክረኽቡን ከመይ ገይርካ ከም እተተባብዖም ተመሃር፡ Learn how to encourage someone and make them feel good and motivated.

ሑቲ ነቲ እስራኤል ኣብ ልዕሊ ጋዛ ዝፈጸመቶ መጥቃዕቲ ቀጥታዊ ምላሽ ኣብ ቀይሕ ባሕሪ ከምዝፍጽም ኣጠንቂቑ ። ኣብ መልበርን ኣብ መንጎ ኤርትራዊያን ብዝተፈጥረ ጎንጺ ገለ ኣባላት ማሕበረሰብ ተሃሪሞም ሆስፒታል ኣትዮም። ብሰንበት 14 ጥሪ፡ 45 ጽምዲ ኤርትራውያን መርዓውቲ ኣብ ካምፓላ - ዩጋንዳ ቃልኪዳን ኣሲሮም። እንግሊዛዊ ኣንዲ ሙረይ ፡ ኣብ ዝካየድ ዘሎ ናይ 2014 ዉድድራት ኣብ ቀዳማይ ዙርያ ምስ ተሳዕረ ንመወዳእታ ግዜ ኣብ መልበርን ፓርክ ክጻወት ከም ዝኽእል ኣሚቱ ።

ኣብ ኣውስትራሊያ ብዙሓት ግዝኣታት በቲ ብ JN.1 ዝጽዋዕ ንኡስ ዓልየት ቪይረስ ኮቪድ ብብዝሒ ተዘርጊሑ ከምዘሎ ተፈሊጡ ። እዚ ዓልየት እዚ ኣዝዩ ተመሓላላፍን፡ ብቐሊሉ ንዚጥቃዕ ክፋል ህዝቢ ረዚን ክኸውን ይኽእል እዩ ። እንተኾነ መብዛሕትኦም ኣረጋውያን ኣውስትራሊያዊያን መደንፍዒ ክታበት ኮቪድ ብግዜኡ ስለዘይወሰዱ ፡ ኣብ ክኢላታት ሻቕሎት ይፈጥር ኣሎ ።

ፈለማ ንጥንታውያን ወነንቲ ናይ’ዚ ሎሚ መደብና ነመሓላልፈሉ ዘለና መሬት ኣፍልጦ ክንህብ ንፈቱ፣ ኤስቢኤስ ትግርኛ ንህዝብታት ዉራንጁሪን ዋይውራንግን ናይ ሃገረ ኩሊንን ሕሉፋትን ህሉዋትን ዓበይቲ ዓዲ ክብሪ ይህብ። ብተወሳኺ ንጥንታዊያን ወነንቲ ሎሚ ካብ ትሰምዕዎ ዘለኹምን ኩሎም መሬታትን ደቀባት ኣቦሪጅንን ህዝብታት መጻብቦ ቶረስን ኣፍልጦ ንህብ። ካብ’ዚ ካብ ስቱዲዮ SBS መልበን፡ Australia፡ ንሎሚ ሶኑይ 15 ጥሪ 2024 ዘዳለናዮም መደባት ሒዝና ቀሪብና’ለና። ዝሓለፈ ሰሙን ዝጀመርናዮ ኣብ ትግራይ ብሓፈሻ ኣብ ኢትዮጵያ ብዛዕባ ዝምዕብል ዘሎ ኩነታት፡ ምድላይ ባሕሪ ኢትዮጵያን መጻኢ ኣመቱን ዝምልከት ምስ ምሁር ፖለቲካን ተንታንን ካብ ዩኒቨርሲቲ መቐለ ተሓጋጋዚ ፕሮፌሰር መረሳ ጸሃየ ዘካየድናዮ ሰፊሕ ቃለመሕትት ሎሚ ካልኣይ ክፋሉ ከነቕርበልኩም ኢና። ኣብ ሰሙናዊ መደብ ስፖርት ንተዓዘብቲ ዝመሰጡ መኽፈቲ መደባት ድሕሪ ምክያዶም ዋንጫ ሃገራት ኣፍሪቃ 2023 ኣብ ኣይቮሪኮስት ቀዳም ብድሙቕ ኣገባብ ተኸፊቱ፣ ኣይቮሪኮስት ብዓወት ክትጅምር እንከላ ናይጀርያ ምስ ኢኳቶርያል ጊኒን ግብጽ ምስ ሞዛምቢክን ካብ ትጽቢት ወጻኢ ማዕረ ወጺኤን፣ ኢትዮጵያዊ ገዲም ተቐዳዳማይ ብሽግለታ ጽጋቡ ግርማይ ኣብ ቅድድም ብሽግለታ ዙር ሩዋንዳ ድሕሪ ምስታፉ ካብ’ቲ ስፖርት ክሰናበት ምዃኑ ኣፍሊጡ፣ ኤርትራዊ መንእሰይ ዮኤል ሃብተኣብ ምስ ጀርመናዊት ጋንታ ባይክ ኤይድ ተጸንቢሩ፣ ኮንፈደረሽን ኩዕሶ ኣፍሪቃ ኣብ ልዕሊ ሓደ ምትላል ዕድመ ፈጺሙ ዝተባህለ ጋቦናዊ ተጻዋታይ መርመራ የካይድ ከምዘሎ ገሊጹ፣ ፍርቀን ፕሪምየር ሊግ ጋንታታት ጥራይ ግጥማተን ኣብ ዘካየዳሉ ሰሙን ኣሌክሳንደር ኢሳቕ ሽቶ እንተመዝገበ’ኳ ጋንትኡ ኒውካስትል ዩናይትድ ብሻምፒዮን ማንቸስተር ሲቲ ተሳዒራ ዝብሉ ንዝርዝሮም ኣርእስታትና’ዮም። ቋንቋ እንግሊዝ ዝምህር መደብ'ውን ኣለና። ሶኑይ ብምዃኑ ንሎሚ ይምጥኑ’ዮም ዝበልናዮ ጣዕመዜማታት’ውን ከነቕርበልኩም ኢና።

ሰሙናዊ መደብ ስፖርት (15/01/2024) * ንተዓዘብቲ ዝመሰጡ መኽፈቲ መደባት ድሕሪ ምክያዶም ዋንጫ ሃገራት ኣፍሪቃ 2023 ኣብ ኣይቮሪኮስት ቀዳም ብድሙቕ ኣገባብ ተኸፊቱ፣ * ኣይቮሪኮስት ብዓወት ክትጅምር እንከላ ናይጀርያ ምስ ኢኳቶርያል ጊኒን ግብጺ ምስ ሞዛምቢክን ካብ ትጽቢት ወጻኢ ማዕረ ወጺኤን፣ * ኢትዮጵያዊ ገዲም ተቐዳዳማይ ብሽግለታ ጽጋቡ ግርማይ ኣብ ቅድድም ብሽግለታ ዙር ሩዋንዳ ድሕሪ ምስታፉ ካብ’ቲ ስፖርት ክሰናበት ምዃኑ ኣፍሊጡ፣ * ኤርትራዊ መንእሰይ ዮኤል ሃብተኣብ ምስ ጀርመናዊት ጋንታ ባይክ ኤይድ ተጸንቢሩ፣ * ኮንፈደረሽን ኩዕሶ ኣፍሪቃ ኣብ ልዕሊ ሓደ ምትላል ዕድመ ፈጺሙ ዝተባህለ ጋቦናዊ ተጻዋታይ መርመራ የካይድ ከምዘሎ ገሊጹ፣ * ፍርቀን ፕሪምየር ሊግ ጋንታታት ጥራይ ግጥማተን ኣብ ዘካየዳሉ ሰሙን ኣሌክሳንደር ኢሳቕ ሽቶ እንተመዝገበ’ኳ ጋንትኡ ኒውካስትል ዩናይትድ ብሻምፒዮን ማንቸስተር ሲቲ ተሳዒራ፣

Listen to 'English on Repeat,' a podcast to help us improve our speaking skills: Do you wake up early? | I wake up at 6.| I start work at 7.30.| I always eat breakfast at work.| What about you? - ነዚ ናይ ምዝራብ ክእለትና ከነመሓይሽ ዝሕግዝ ሓረጋት ቋንቋ እንግሊዝ እናደጋገምና ንመሃረሉ መደብ 'English on Repeat,' ስምዕዎ። ንግሆ ዲኹም ትትስኡ፧ | ሰዓት 6 እየ ዝትስእ።| ስራሕ ሰዓት 7.30 እጅምር። |ቁርሲ ኩሉ ግዜ ኣብ ስራሕ ይበልዕ።| ንስኹም ከ፧