SBS Tigrinya - ኤስ.ቢ.ኤስ ትግርኛ

ል ኡኽና ዝሰደዶ ጸብጻብ ኣርእስታት፡ ሓድሽ ቤተመዘክር ሰነዳት መግዛእቲ ኢጣልያ ኣብ ኣስመራ ንምኽፋት ይሕሰብ ኣሎ ተባሂሉ። ዕደና ኤርትራ፡ ኣብ ኣቡርና ዝካየድ ዘሎ ዳህሳስ ጽቡቕ ውጽኢት ከምዝተረኸቦ ተገሊጹ

ንሎሚ 31 ጥሪ 2024 ዝተዳለዉ ሓጸርቲ ዜናታት ኤስ ቢ ኤስ ኣርእስታት፡ ቀዳማይ ሚኒስተር ፓኪስታን ነበር ዒምራን ክሃን ፡ ወግዓዊ ምስጢራት ከምዘውጽአ ድሕሪ ምርግጋጹ ን10 ዓመት ክእሰር ተፈሪዱ ። ናይ ኢድ ቦርሳ ንምውሳድ ንሓደ ሰብኣይ ኣብ ማያት ሆባርት ኣጥሒሎም ዝተባህሉ ኣርባዕተ ሰባት ኣብ ቀይዲ ኣትዮም። ናይ መወዳእታ 16 ዋንጫ ሃገራት ኣፍሪቃ ኣይቮሪኮስት 2023 ፣ ኣንጎላን ናይጀርያን እተን ክልተ ቀዲመን ናብ ርብዒ ፍጻመ ምሕላፈን ዘረጋገጻ ኮይነን፣

ዕጡቓት ሓይልታት እስራኤል ኣብ ዌስት ባንክ ናብ ዝርከብ ሆስፒታል ወሪሮም ፡ወተሃደራት ሓማስ ምዃኖም ንዝገለጽዎም ሰለስተ ፍልስጤማውያን ቀቲሎም ። እዚ ከምዚሉ እንከሎ፡ ቀዳማይ ሚኒስተር እስራኤል በንያሚን ናታንያሁ ፡ ሰራዊቱ ካብ ጋዛ ከም ዝስሕቡ ዝገብር ስምምዕ ተዅሲ ደው ምባል ነጺግዎ ኣሎ ።

ኣብ ኣውስትራሊያ ስራሕ ንግዲ ወይ ቢዝነስ ምጅማር ብዙሕ ረብሓታት ኣለዎ ። ኣውስትራሊያ ን ፈጠራን ንስርሕ ምፍጣርንት ድልዱል ትሕተ ቅርጺ ብምቕራብ፤ ኪኢላዊ ዓቕሚ ሰብ ብምቕራብን ፤ ከምኡ "ውን ብናይ መንግስቲ ተበግሶታት ንዕብየት ነኣሽቱ ንግዲ ንምትብባዕ ናጻ ምወላታት፡ ገንዘባዊ ሓገዝን ናይ ግብሪ ምጉዳልን ኣቢላ ትድግፍ ።

ን ሎሚ 30 ጥሪ 2024 ዝተዳለው ሓጸርቲ ዜናታት ኣርእስታቶም፡ ሓንቲ ንዶናልድ ትራምፕ ብምጽላም ዝኸሰሰት ሰበይቲ ፡ ገለ ካብቲ ዝወሃባ ናይ ካሕሳ ገንዘብ ኣብቲ እቲ ፕረዚደንት ዝጸልኦ ነገር ከተውዕሎ ከም እትደሊ ገሊጻ ። ኣብ ኲንስላንድ ብድሕሪ ትሮፒካዊ ኪሪሊ ዝሰዓበ ብርቱዕ ዝናም ን ብርቱዕ ህቦብላ ንፋስ መገዲታት ተቘሪጹ ፡ እቲ ቦታ ድማ ንኣዋርሕ ተነጺሉ ክጸንሕ ይኽእል እዩ ተባሂሉ። ኢጣልያ ምስ ኣፍሪቃ ዘለዋ ዝምድና ንምድልዳል ዝሕግዝ ናይ 5.5 ቢልዮን ዩሮ ክትምውል ምዃና ኣፍሊጣ። ተቐዳዳማይ ብሽግለታ ቢንያም ግርማይ ቀዳማይ ዓወቱ ናይ’ዚ ዓመት ኣብ ኣውስትራልያ ኣመዝጊቡ።

ሰሙናዊ መደብ ስፖርት (29/01/2024) * ቢንያም ግርማይ ቀዳማይ ዓወቱ ናይ’ዚ ዓመት ኣብ ኣውስትራልያ ከመዝግብ’ንከሎ ናትናኤል ተስፋጽዮን ኣብ ቅድድም ካደል ኤቫንስ ግሬት ኦሸን ሮድ ረይስ ብዝነኣሰ ፍልልይ ብፎቶፊኒሽ ተቐዲሙ ካልኣይ ወጺኡ፣ * ኢትዮጵያዊያን ሳሙኤል ተፈራን ዲሪበ ወልተጂን ኣብ ኣስታና ተዓዊቶም፣ ወርቅነሽ እዴሳ ክብረወሰን ማራቶን ኦሳካ ብ2 ደቒቕ ብምምሕያሽ ተዓዊታ፣ * ኢትዮጵያዊ ህቡብ ጋዜጠኛ ስፖርትን ደራሲን ገነነ መኩሪያ ብሕማም ምኽንያት ዓሪፉ፣ * ሓያሎ ኣሰልጠንቲ ናይ’ተን ኣብ’ዚ ዓመት ካብ ትጽቢት ንታሕቲ ውጽኢታት ዘመዝገባ ሃገራት ካብ መዝነቶም ኣብ ዝተስጎጉሉ ግጥማት ናይ መወዳእታ 16 ዋንጫ ሃገራት ኣፍሪቃ ኣይቮሪኮስት 2023 ተጀሚሮም፣ ኣንጎላን ናይጀርያን እተን ክልተ ቀዲመን ናብ ርብዒ ፍጻመ ምሕላፈን ዘረጋገጻ ኮይነን፣

Listen to 'English on Repeat,' a podcast to help us improve our speaking skills: What do you like doing? | My favourite hobby is gardening. | I listen to music to relax. | I play tennis and go swimming. | What are your favourite hobbies? - ነዚ ናይ ምዝራብ ክእለትና ከነመሓይሽ ዝሕግዝ ሓረጋት ቋንቋ እንግሊዝ እናደጋገምና ንመሃረሉ መደብ 'English on Repeat,' ስምዕዎ፡ እንታይ ክትገብሩ ትፈትዉ፧ | እቲ ዝፈትዎ መዘናግዒየይ ጀርዲን ምኹስኳስ’ዩ። | ንኽዛነ ሙዚቃ እሰምዕ። | ቴኒስ ይጻወትን ናብ ምሕንባስ ይኸይድን። | ትፈትውዎም መዘናግዒታት እንታይ’ዮም፧

ኣብ ወጻኢ ኮይኑ ዝዓዪ ናይ ኤርትራዊያን መዲያ ኤሪሳት ኣብዚ ቅሩብ እዋን ኣብ መንጎ ቦርድን ኣካየድቲ ስራሕን ብዝተፈጥረ ምስሕሓብ እቲ ክሳብ ናብ ዉሽጢ ኤርትራ ብመገዲ ሳተላይት ዝመሓላለፍ ዝነበረ ከቋርጽን ኣብ ቀጻሊ ናይ እንካን ሃባን ፍሕፍሕ ተፈጢሩ ጸኒሑ። ነቲ ተፈጢሩ ዘሎ ጸገም ንምፍታሕ ዝተገብረ ጻዕርታትን ኣብ መንጎ ዘሎ ፍልልያትን እንታይ ከምዝመስል ምስ ኣባል ቦርድ ኤሪሳት ኣቶ ተወልደ እሲፋኖስን ኣባል ኣካየድቲ ኤሪሳት ኣቶ ፊልሞን ሓጎስ ዝተገብረ ዝርርብ።

ካልኣይ ክፋል ቃለ መሕትት ምስ ምሁር ወተሃደራዊ ሳይንስ ዳንኤል ተስፋሚካኤል ጋርዛ ; ስትራተጂካዊ ረብሓታት ሃገራት ኣብ ቀይሕ ባሕሪ፡ ን ኤርትራ ትማልን ሎሚን ብኸመይ ይጸልዋ ኣሎ፧ ካብ ፈለማ ሰብዓታት ኣትሒዙ ሲ ኣይ ኤ ምስ መራሕቲ ሰልፊ ናጽነት (በዓል ኢሳያስ ኣፈወርቂ) ንምርኻብ ዝደረኸ ረቛሒታት፡ ወተሃደራዊ ሓገዝ ምዕራባውያን ንሰውራን መንግስቲ ኤርትራን ዝብሉን ምስ ቀይሕ ባሕሪ ዝተሓሓዙ ነጥብታት ተዘሪብሎም ኣሎ።

ንሎሚ ሓሙስ 25 ጥሪ 2024 ንሓደ ሰዓት ዝጸንሕ መደብና፥ ሒዝና ቀሪብና ኣለና። ስትራተጂካዊ ረብሓታት ሃገራት ኣብ ቀይሕ ባሕሪ፡ ንኤርትራ ትማልን ሎሚን ብኸመይ ጸልይዋ፧ ካብ ፈለማ ሰብዓታት ኣትሒዙ ሲ ኣይ ኤ ምስ መራሕቲ ሰልፊ ናጽነት (በዓል ኢሳያስ ኣፈወርቂ) ንምርኻብ ዝደረኸ ረቛሒታት፡ ወተሃደራዊ ሓገዝ ምዕራባውያን ንሰውራን መንግስቲ ኤርትራን ዝብሉን ምስ ቀይሕ ባሕሪ ዝተሓሓዙ ነጥብታት ኣልዒልና ምስ ምሁር ወተሃደራዊ ሳይንስ ዳንኤል ተስፋሚካኤል ጋርዛ ዝተገብረ ቀዳማይ ክፋል ቃለ መሕትት። ደቂ ሰብ ኣብ ኣፍ ዓለምለኻዊ ጥፍኣት ቀሪቦም ከምዝርከቡ ዘመልክት "ሰዓት መዓልቲ ምጽኣት" ወይ "Doomsday Clock" መወዳእታ ደኢ ሰብ ኣብ 2024 ንፍርቂ ለይቲ 90 ካል ኢት ተሪፍዎ፡ ነዚ ዝገልጽ ትሕዝቶ ኣለና። ጸብጻብ ል ኡኽና ሰሙናዊ ምንባር ኣብ ኣውስትራሊያ ውን ግዜኦም ሓልዮም ዝቐርቡ መደባትና እዮም። ንኹሉ መደባትና ንምክትታል ምሳና ሓቢርኩም ክትጸንሑ ዝዕድመኩም ኣዳላውን ኣቕራብን በየነ ሰመረ፡ ሕጂ ናብ ዜና ከሕልፈኩም፡ ኣርእስታት ዜና፥ እሱራት ዩክረይን ዝሓዘት ወተሃደራዊት ነፋሪት ኣብ ሩስያ ወዲቓ 74 ሰባት ሞይቶም። ኣብ ሲድኒ ፡ ኣዝዩ ተላባዒ ቫይረስ ዘለዎ ተጓዓዛይ ምስ መጸ ፡ ምስ ንፍዮ/measles ዝተሓሓዝ ናይ ጥዕና መጠንቀቕታ ተዋሂቡ ። ስጳንያዊ ካርሎስ ኣልካርታዝ ካብ ናይ ኣውስትራሊያ ኦፐን ናይ ርብዒ ፍጻሜ ብ ጀርመናዊ ኣሌክሳንደር ዘቨረቭ ተሳዒሩ ናብ ዓዱ ተፋንዩ ።