SBS Tigrinya - ኤስ.ቢ.ኤስ ትግርኛ

ቀዳማይ ሚኒስተር ኣቢይ ኣሕመድ ካብ ኣባላት ፓርላማ ንዝቐረበሉ ንጉዳይ ባሕሪ፡ ደርቂ፡ ስምምዕ ፕሪቶሪያን ዝበጽሖ ደረጃን ካልእን መሊሱ። ጽሟቕ ናይቲ ትሕዝቶ ኣብዚ ቀሪቡ ኣሎ።

ሓደ ይግባይ ዝሰምዕ ቤት ፍርዲ ኣብ ሕቡራት መንግስታት ኣሜሪካ ዶናልድ ትራምፕ ነቲ ኣብ ምርጫ 2020 ዝተሳዕሮ ክግልብጦ ፈቲኑ ተባሂሉ ቀሪብሉ ካብ ዘሎ ክስታት ዘይሕተተሉ መሰል ወይ ኢምዩኒቲ የብሉን ክብል ወሲኑ። እዚ ማለት እቲ ፕረዚደንት ነበር ኣብ ሓደ ገበናዊ ቤት ፍርዲ ክቐርብ ሓደ ስጉምቲ ንቕድሚት ቀሪቡ'ሎ ማለት'ዩ።

ኣብ ኣውስትራልያ ክልተ ሰባት ብሓባር ምስ ዝነብሩ፣ ብወግዒ ዝተመርዓዉ'ዉን ኣይኹኑ፣ ዝምድንኦም ሕጋዊ ኣፍልጦ ክወሃቦ/ክረክብ ይኽእል'ዩ። ምምዝጋብ ከምዚኦም ዓይነታት ወግዓውነት ዘይብሎም ዝምድናታት (ዲ ፋክቶ ሪለይሽንሺፕስ) ካብ ግዝኣት ናብ ግዝኣት ይፈላለ። እንተኾነ ግን፡ ናይ ምፍልላይ ኩነታት ኣብ ዘጋጥመሉ፡ ዲ ፋክቶ ዝምድናታት ኣብ ትሕቲ ሕግታት ኮመንዊልዝ ብሓደ ዓይነት ኣገባብ ይተሓዙ/ይዳነዩ። ዲ ፋክቶ መጻምድቲ ልክዕ ከም ኩሎም ምርዑዋት ዝኾኑ ሰባት ተመሳሳሊ መሰል ዝከላኸለሎም ሕጊ ኣለዎም።

ኣቶ ተስፋ ልደት ኣለም መሓረና ኣብ ካሊፎርኒያ ሕመኣመሪካ ብዝሓደሮ ሕማም ብረቡዕ 24 ጥሪ 2024 ኣብ መበል 66 ዓመት ዕድሚኡ ብሕማም ዓሪፉ ዝብል ናይ መርድእ ዜና ምስ ተሰምዐ ኣብ መላእ ዓለም ዝርከቡ ብዙሓት ዓበይትን መንእሰያትን ሓዘኖም ኣብ ምግላጽ ተጸሚዶም ቀንዮም። መስራቲን ዋና ኣካያዲን ስራሕ መርበብ ሓበሬታ ኣዝማሪኖ ዝነበረ ተስፋልደት ኣለም መሓረና፡ ኣብ 1978 ናብ ኣመሪካ ምስተሰደ ብዘጥረዮ ትምህርቲ ኮምፑዩተር፡ ኤርትራዊያን ሓሳቦም ብነጻ ዝገልጽሉ መርበብ ሓበሬታ ኣዝማሪኖ ኣብ 1997 ከፊቱ። በዚ ከም ናይ ፈለማ ናጻ መራኸቢ ወጻኢ ኤርትራውያን ክትከውን ኪኢላ ኣላ። ስነ ጥበባዊ ኣማኒኤል ኣድሓኖም ካብ ቀንዲ ቀረቡን ኣብዚ ናይ ሓዘን እዋናትውን ቀንዲ ተዋሳኢ ናይቲ ዝቐነየ ሓዘን ኮይኑ ጸኒሑ፡ ብዛዕባ ተስፋልደት ዘለዎ ጦብላሕታን ንሱ ዝገደፎ ሓድግን ኣካፊሉና ኣሎ።

ንሎሚ ሰሉስ 6 ለካቲት 2024 ዝተዳለወ ሓጸርቲ ዜናታት ኤስቢኤስ ትግርኛ፣ * ዓባይ ብሪጣንያ ነቲ እናበኣሰ ዝኸደ ሰብኣዊ ቅልውላው ኣብ ኢትዮጵያ ዝኸውን ናይ ሚልዮናት ዶላር ኣሜሪካ ሓገዝ ረዲኤት ከም ትልግስ ኣፍሊጣ፣ * ንጉስ ቻርለስ ሕማም ካንሰር ከምዘለዎ ድሕሪ ምርግጋጹ ሕክምናዊ ምክትታል ንክገብር ኩሎም ህዝባውያን ንጥፈታቱ ንኻልእ እዋን ተመሓሊፎም፣ * ፈደራል ባይቶ ክምለስ ኣብ ዝቀራረበሉ ዘሎ እዋን ቀዳማይ ሚኒስተር ኣብ’ቲ ንሱ ኣሚምዎ ዘሎ ለውጥታት ኣብ ‘ስተይጅ 3 ታክስ ካትስ’ ተቓዋሚ ስልፊ ኣብ ሓደ መርገጺ ዘይምብጽሑ ነቒፉ፣

ግጭት ሱዳን ናብ ዞባ ምብራቕ ኣፍሪቃ ምስፍሕፋሑ፡ ኤርትራ ሰራዊት ሱዳን ተሰልጥን፡ ከም ዘላ ተገሊጹ። ኣብ ትግራይ ግዝያዊ ምምሕዳር ዘቖመ ህወሓትን ብብልጽግና ዝምራሕ መንግስቲ ኢትዮጵያን ብጉዳይ ኣፈጻጽማ ስምምዕ ፕሪቶርያ ተወቓቒሶም።

Listen to 'English on Repeat,' a podcast to help us improve our speaking skills: What do you like? | I like going for walks in the park. | I love sunny days. | I don’t like spicy food. | I hate running. - ነዚ ናይ ምዝራብ ክእለትና ከነመሓይሽ ዝሕግዝ ሓረጋት ቋንቋ እንግሊዝ እናደጋገምና ንመሃረሉ መደብ 'English on Repeat,' ስምዕዎ፡ እንታይ ትፈትዉ፧ | ኣብ መናፈሲ ፓርክ ብእግርኻ ምዝዋር እፈቱ። | ብሩህ ጸሓይ ዘለዎም መዓልታት ደስ ይብሉኒ። | ቀመማዊ መግቢ ኣይፈቱን’የ። | ምጉያይ ይጸልእ።

ሰሙናዊ መደብ ስፖርት (05/01/2024) * ቀዳማይ እግሪ መጻረዪ ግጥም ንዋንጫ ዓለም ኩዕሶ እግሪ ፊፋ ት17 መንእሰያት ደቀንስትዮ ኢትዮጵያ ንደቡብ ኣፍሪቃ ብገፊሕ 3-0 ስዒራታ፣ * ዋንጫ ሃገራት ኣፍሪቃ ኣይቮሪኮስት 2023 ፍርቂ ፍጻመ በጺሑ፣ ናይጀርያ ኣንጻር ደቡብ ኣፍሪቃ ኣይቮሪኮስት ኣንጻር ዲኣርኮንጎ ክገጥማ’የን፣ * ወቕቲ ቅድድማት ብሽግለታ ኣብ ዝተዋዓውዕሉ ተቐዳደምቲ ኤርትራን ኢትዮጵያን ዝድነቕ ምንቅስቓሳቶም ይቕጽሉ፣ * ኣብ ናይ’ዚ ሰሙን ዝለዓለ ግጥም ኣርሰናል ንሊቨርፑል ስዒራ ፍልልየን ናብ ክልተ ነጥቢ ኣጽቢባቶ፣ * ጀርመናዊ ኣሰልጣኒ ሊቨርፑል የርገን ክሎፕ ብሰንኪ ልዑል ጸቕጢን ድኻምን ኣብ ምውዳእ ናይ’ዚ ወቕቲ ካብ ምስልጣን ከዕርፍ ከምዝደሊ ድሕሪ ምግላጹ ደገፍቲ ሊቨርፑል የተሓሳስቦም፣ እዚ ኣሰልጠንቲ ዘጋጥሞም ጸቕጢ ግን ክሳብ ክንደይ ልሙድ ተርእዮ’ዩ፧

ብሰንበት 28 መጋቢት 1976 ኣብ ማእከል ኣስመራ ሓደ ናይ ደርጊ ኮሎኔል ብፈዳይን ተቐቲሉ። ብድሕር’ዚ ሰራዊት ኢትዮጵያ ሕነ ንምፍዳይ፡ ብጃምላ ንብዙሓት ሰላማዊያን ሰባት ቀቲሎም። እቶም ወተሃደራት ኢትዮጵያ ኣብ ኣባይቲ ኣስመራ ሰይሮም ብምእታዉ፡ ኣብ ቅድሚ ዘፍቅሮም ስድራቤቱ ብጥይት ካብ ዝቐተልዎ ግዳያት ሓደ ኤለክትሪሻን መንእሰይ ነይሩ። ብድሕር’ዚ እታ ስድራቤት ኣብ ሓዘንን ነቲ ዝተጸጥሐ ሬሳ ሒዛ ተሪፋ። ነቲ ፍጻመ ምስቲ ኣብ ትግራይ ዝተፈጸመ ከቢድ ኲናት ብምትሕሓዝ ንሓቀኛ ታሪኽ ኣቦይ ይርጋዉ ባህታ ወዶም ዶ/ር ኢሰይያስ ይርጋዉ ባህታ “the TIGRAYan electrician, Memories of my father and his beloved motherland” ብዝብል ኣርእስቲ መጽሓፍ ጽሒፉ ኣሎ። ኣብቲ እዋን ቅትለት ወዲ 15 ዓመት ዝነበረ ወዶም ዶ/ር ኢሰይያስ ኣብ ኣሜሪካ ካብ ዘለዉ ክኢላታት መጥባሕቲ ኮይኑ ናይቲ እዋን ዝኽሩን ዝፍጸም ግፍዕታት ብዛዕባ ዝጸሓፎ ምሳና ጻንሒት ገይሩ ኣሎ።

ንሎሚ ሓሙስ 01 ለካቲት 2024 ንሓደ ሰዓት ዝጸንሕ መደብና፥ ሒዝና ቀሪብና ኣለና። ቃለ መሕትት። ጸብጻብ ልኡኻናን “ኣብ ኣውስትራሊያ ናይ ገዛእ ርእስኻ ንእሽቶ ንግዲ ወይ ቢዝነስ ብኸመይ ይጅመር?” ብዝብል ኣርእስቲ ዝተዳለወ ሰሙናዊ ምንባር ኣብ ኣውስትራሊያን ካልእ ትሕዝቶታትን ቀሪብና ኣለና። ኣርእስታት ዜና፥ ሚኒስተራት ምክልኻልን ወጻእን ኣውስትራልያን ኒው ዚላንድን ሎሚ ኣብ መልበርን ንመጀመርታ ግዜ ብሓባር ክእከቡ እዮም ። ፖሊስ ስቶክሆልም ነቲ ካብ ኢምባሲ እስራኤል ወጻኢ ዝርከብ "ሓደገኛ ነገር" ኢሎም ዝሰመይዎ ከምዘዕነዉዎ ገሊጾም ። ጉዳያት እስልምና ትግራይ ምስ ጉዳያት እስልምና ፌደራል ተቋሪፁ ዝነበረ ርክብ ከምዝጀመረ ኣፍሊጡ።