SBS Tigrinya - ኤስ.ቢ.ኤስ ትግርኛ

ኣብ ልዕሊ ሰማያት ካናዳ ስሊንደራዊ ቅርጺ ዘለዎ ነገር ብሓንቲ ነፋሪት ውግእ ተተኲስሉ ድሕሪ ምሕምሻሹ ፡ ቅድሚ ሰሙን'ውን ቻይናዊ ሰላዩ ባሉን ብተመሳሳሊ ምውቓዑ ስግኣት ፈጢሩ። መንግስቲ ካናዳ ፡ ሓይልታት ነቲ ኣብ ልዕሊ ሲቪላዊ መጓዓዚያታት ኣየር ሓደጋ ከስዕብ ስለ ዝኽእል ተባሂሉ እተተኮሰሉ ስብርባር ፡ እንደገና ከም ዝርእይዎን ከም ዝትንትንዎን ይገልጽ ።

ሰሙናዊ መደብ ስፖርት * ኢትዮጵያውያን ኣብዲሳ ቶላን ደራ ዲዳን ሰንበት ኣብ ዝተኻየደ ማራቶን ዱባይ ድርብ ዓወት ናይ ኣዝማድን ሃገርን ኣመዝጊቦም፣ * ጉዳፍ ጸጋይ ኣብ ፖላንድ ኣብ ርክባት ውድድር ጉያ እግሪ ሓደ ማይል ውሽጢ ኣዳራሽ ኣብ ታሪኽ ካልኣይ ዝቐልጠፈ ግዜ ከተመዝግብ ‘ከላ ኣብ 3000 ሜ ንፈለማ እዋና ዝተሳተፈት ፍረወይኒ ሃይሉ ተዓዊታ፣ * ኣብ ጋና ኣብ ዝካየድ ዘሎ ኮንፈደረሽን ቅ/ብ ኣፍሪቃ 2023 ኤርትራ ብቅልጣፈ ግዜ ብጋንታ ብሩር ክትስለም እንከላ ኣብ ቅድድም ቅልጣፈ ግዜ መንእሰያት ደቀንስትዮ ብውልቂ ኢትዮጵያ ነሓስ ተሰሊማ፣ * ኣብ ፊጉወራ ቻምፒዮንሺፕስ ክላሲክ ኤርትራዊ ናትናኤል ተስፋጽዮን ሓምሻይ ወጺኡ፣ * ኣብ ቱርክን ሶርያን ዘጋጠመ ምንቅጥቃጥ መሬት ልዕሊ 35000 ሰባት ምቕዛፉ ኣብ ዝቃልሓሉ ዘሎ እዋን ገለ ፕሮፌሽናል ተጻወቲ ኣብ’ቲ ክስተት ዘጋጠመሉ ቦታ ከምዝነበሩን ግዳያት ከምዝኾኑን ይጽብጸብ

ተወሰኽቲ ዜናታት፡ ኣብ ልዕሊ መንግስቲ ኤርትራ ውሱን ዕላማ ዝውዕል ማዕቀብ ክግበር ሂዩማን ራይትስ ዎች ፀዊዑ። ዋና ፀሓፊ ውድብ ሕቡራት ሃገራት ኣንቶንዮ ጉተረዝ ኣብ ትግራይ ዑደት ክገብሩ እዮም። ቅዱስ ሲኖዶስ ኢትዮጵያ ሕቶኡ ከም ዝተመለሰሉ ገሊጹ።

ዓበይቲ ማሕበራዊ መድረኻት ሓፋሽ (ሶሻል ሜድያ ፕላትፎርምስ) ተጠቀምቲ፣ እንተወሓደ ዕድሚኦም 13 ዓመት ክኸውን ይሓቱ፡ እዚ ዕድመ ግን እቲ ዝተሓተ ከም መበገሲ ወይ መለክዒ ክኸውን ዘለዎ ነገር'ዩ ማለት ኣይኮነን። ዝሓለፈ ወርሒ፡ እዚ ናይ ሕጂ ሰርጀን ጀነራል (ሓላፊ ህዝባዊ ጥዕና) ኣሜሪካ ዘሎ ቪቨክ መርቲ፡ 13 ዓመት፣ ሓደ ህጻን መድረኽ ሓፋሽ ንኽጽንበር ኣዝዩ ንእሽቶ'ዩ ይብል። ንሱ ሶሻል ሜድያ ንንኣሽቱ ህጻናት ኣብ "ርእሰ-ተኣማንነቶምን ምስ ካልኦት ዘለዎም/ዝህልዎም ዝምድናን" ሓደጋ ይፈጥር ድሕሪ ምባል "ኣነ፡ ብውልቀይ፡ በቲ ዝረኣኽዎ ኣሃዛት መሰረት፡ 13 ኣዝዩ ንእሽቶ'ዩ ኢለ ይኣምን። ዝተሓዋወሰን ዝተዛብዐን ሃዋህው ሶሻል ሜድያ ንብዙሓት ቆልዑ ሃሳዪ ኣገልግሎት'ዩ ዘለዎ፣" ኢሉ። ስለ'ዚ 13 ኣዝዩ ይንእስ ዶ፧ ንደቆምን ማሕበራዊ መድረኻት ሓፋሽን ኣብ ዝምልከት ወለዲ እንታይ እዮም ክሓስቡ ዘለዎም፧ ዝስዕብ ርእይቶ መምህር ካተሪን ፐይጅ ጀፍሪ ካብ ዩኒቨርሲቲ ሲዲኒ ኣብ ኤስቢኤስ ዘስፈረቶ'ዩ።

ቀጥታ ፈነወ ምሉእ ትሕዝቶ ፖድካስት ኤስ ቢ ኤስ ትግርኛ (09 ለካቲት 2022) ካብ መልበርን፣ ኣውስትራልያ

ጸብጻባት ዜና * ፕረዚደንት ኤርትራ ኢሳይያስ ኣፈወርቂ ኣብ ኬንያ ምብጻሕ የካይድ ኣሎ፣ * ቀዳማይ ሚንስተር ኢትዮጵያ ኣቢይ ኣሕመድ ናይ ኣውሮጳ ምብጻሑ ዛዚሙ ናብ ሃገሩ ከም ዘተመልሰ ተገሊጹ፣ * ኣብ ትግራይ ዝርከባ ዩኒቨርሲቲታት ዳግም ስራሕ ንኽጅምራ ምድላዋት ተጀሚሩ፣ * ኮሚሽነር ስደተኛታት ሕቡራት ሃገራት ኣብ ኢትዮጵያ ንዝርከቡ ስደተኛታት ተወሳኺ ሓገዝ ሓቲቱ፣ * ኣብ ትግራይ ተቛሪጹ ዝጸንሐ ማእከላይ ባንክ ኢትዮጵያ ዳግም ምጅማሩ ኣፍሊጡ፣ በጀት ትግራይ ንምጅማር ከኣ ምንቅስቓስ ምጅማሩ ተሓቢሩ

ኣብ ዓለምና ዝኸበሩ ፓስፖርታት ናየኖት ሃገራት’ዮም? እተን ዝተሓተ ክብሪ ዝወሃበን ከ፧ እቶም መለክዒታት እንታይ’ዮም፧ ፓስፖርታት ናይ በዓል ኣውስትራልያ፣ ኢትዮጵያን ኤርትራን ከ ኣበይ ይስርዑ፧ ዝሓለፈ ወርሒ ተርታ ፓስፖርታት ዓለም ዝልክዕ ‘ሄንሊ ፓስፖርት ኢንደክስ’ ወጺኡ ንጃፓን ኣብ ቀዳማይ ደረጃ ኣቐሚጥዋ፣ ንኣፍጋኒስታን ከኣ ኣብ መወዳእታ።

ክልተ ዓበይቲ ምንቅጥቃጣት መሬት መበቆል ዓድታቶም ድሕሪ ምሕማሶምን ልዕሊ 8000 ሰባት ድሕሪ ምቕታሎምን ኣባላት ማሕበረሰባት ቱርኪን ሶርያን ብሓዘን ይሓልፉ’ለዉ።

ትሕቲ ሓሙሽተ ዓመት ዝዕድሚኦም ህጻናት እቶም ዝለዓለ ተኽእሎ ሓደጋ ናይ ምጥሓል ዘለዎም’ዮም፣ ኣብ መላእ ኣውስትራልያ ዓመታዊ ብማእከላይ ገምጋም 23 ሞታትን 183 ሆስፒታል ዝኣትዉን የጋጥሙ። ደቅኹም ድሕነቶም ሓልዮም ምሕንባስ ክኽእሉ ክትሕግዝዎም ኣገዳሲ’ዩ፣ ብፍላይ ኣብ’ቶም ምስ ማይ ዝተኣሳሰሩ ንጥፈታት ልሙዳት ዝኾንሉ ቦታ ምስ እትነብሩ። ኣብ ኣውስትራልያ ዕድመን ቀዲሙ ዝነበረኩም ተሞክሮን ብዘየገድስ ህጻናት ዘድልይዎም ክእለታት ከማዕብሉሎም ዝኽእሉ ኣማራጺታት ኣለዉ።

ቀጥታ ፈነወ ምሉእ ትሕዝቶ ፖድካስት ኤስ ቢ ኤስ ትግርኛ (06 ለካቲት 2022) ካብ መልበርን፣ ኣውስትራልያ