SBS Tigrinya - ኤስ.ቢ.ኤስ ትግርኛ

ሰሜን ኮርያ ብ ቀዳም ናብ ገማግም ባሕሪ ጃፓን ዘወንጨፈቶ ነዊሕ ርሕቀት ዝጐዓዝ ሚሳይል ስዒቡ፡ ኣብ ዩክረይን ዘሎ ውግእ ንስርዓት ፕዮንግያን ናብ ካልእ ቅዝፈት ዘምርሕ ስጉምቲ ከምርሕ ከየተባብዖ ስግኣት ፈጢሩ። እዚ መጠንቀቕታ እዚ ዝመጸ ፡ካብ ደቡብ ኮርያ ኮይኑ፡ መንግስቲ ጃፓን ነቲ መጥቃዕቲ ብምዅናን ንማሕበረ ሰብ ዓለም ኣስጋኢ ከም ዝኸውን ኣፍሊጡ ኣሎ ።

ሰሙናዊ መደብ ስፖርት: * ሻምፒዮናታት ጉያ እግሪ መሮር ኣትለቲክስ ዓለም ኣብ'ዚ ኣብ ባተርስት፡ ኣውስትራልያ፡ ተኻይዶም ኢትዮጵያውያን ኣትሌታት ብኽልቲኡ ጾታታት ብሩር መዳልያ ተዓዊቶም፣ ለተሰንበት ግደይ ግን ምሉእ መዓልቲ ክትመርሕ ውዒላ ኣብ ጥቓ መዛዘሚ መስመር ወዲቓ ክትስእ እንከላ ሰብ ስለዝሓገዛ ውጽኢት ከየመዝገበት ተገሊፋ፣ * ኢትዮጵያዊ ለመቻ ግርማ ኣብ ለቪን፡ ፈረንሳ፡ ኣብ ዝተኻየደ ውድድር ጉያ እግሪ ውሽጢ ኣዳራሽ ን25 ዓመታት ተታሒዙ ዝጸንሐ ክብረወሰን 3000ሜ ሓምሺሽዎ፣ * ሃገራዊት ጋንታ ኢትዮጵያ ግጥማታ ኣንጻር ጊኒ ንመጻረዪ ዋንጫ ሃገራት ኣፍሪቃ 2023 (ኣፍኮን) ኣብ ሞሮኮ ከተካይዶም ምዃና ፈደሬሽን ኩዕሶ እግሪ ኢትዮጵያ ኣፍሊጡ፣ * ኤርትራዊ ተቐዳዳማይ ሄኖክ ምሉእብርሃን ኣብ'ቲ ዝሓለፈ ሰሙን ኣብ ጋና ዝተዛዘመ ኣህጉራዊ ቅድድም ብሽግለታ መንገዲ ኣፍሪቃ 2023 ተዓዊቱ ንኻልኣይ ግዚኡ ሻምፒዮን ኣፍሪቃ ኮይኑ፣ * ዙር ሩዋንዳ 2023 ከኣ ሰንበት ተጀሚሩ፣ ሄኖክ ንኡድ ውጽኢታቱ ብምቕጻል ኣብ ቀዳማይ መዓልቲ ሳልሳይ ክወጽእ እንከሎ ክልተ ካልኦት ኤርትራውያን ከኣ ኣብ ዝለዓሉ 10 ደረጃታት ወዲኦም፣

ካብቲ ሩስያ ንዩክረይን ዝወረረትሉ እዋን ዳርጋ ሓደ ዓመት ኮይኑ ኣሎ ፡ ነዚ ኣመልኪቶም ፖለቲከኛታትን መራሕቲ ሃገራትን ኣብ ዋዕላ ጸጥታ ሙኒክ ተራኺቦም ፡ ነቲ ኣብ ኤውሮጳ ዝካየድ ዘሎ ቀታሊ ውግእ ዘወግድ ስጕምትታት ተመያይጦም ። ዝሓለፈ ዓመት እቶም መራሕቲ ፡ ናይ ሩስያ ቭላድሚር ፑቲን ነቲ ግጭት ከይቅጽሎ ተማሕጺኖም ነይሮም ፣ ሕጂ ድማ ፕረዚደንት ዩክረይን ፡ እቲ ዝቕጽል ኣኼባ ጸጥታ ኣብ ዝሓሸ ኵነታት ክበጽሕ ተስፋ ከም ዘለዎ ገሊጹ ።

ኣብዚ ቅሩብ እዋን "ግብረ-ሰዶምነት፥ ናይዚ ዘመን ሞራላዊ ትንግርቲ" ብዝብል ኣርእስቲ ዘለዋ መጽሓፍ ዝጸሓፈ ዳዊት ዘወልዲ፡ ብዛዕባ ግብረሰዶምነትን ኣብ ሕብረተሰብና ዘሎ ኣረኣእያን ኣተሓሕዛን ኣመልኪቱ ዝሃበና ዕላል ቀሪቡ ኣሎ።

ሓሙስ 16 ለካቲት 2023 ንሓደ ሰዓት ዝጸንሕ መደብና፥ ኤርትራ ካብ ዕደና ቢሻ ልዕሊ 300 ሚልዮን ዶላር ግብሪ ከም ዝኣከበት ተፈሊጡ ጳጳሳት ኦርቶዶክሳዊት ቤተ ክርስትያን ኢትዮጵያ ተዓሪቖም። ወለዲ፣ ካብ ትግራይ ናብ ኤርትራ ናይ ዝተጨውዩ ሰባት ደሃይ ደቆም ክሓቱ ከም ዝጀመሩ ተገሊጹ። ኢትዮጵያ፥ ዓለምለኸ ኮሚሽን ሰብ ሞያ ሰ/መሰላት ስርሑ ክቋረፅ ዝሓትት ናይ ውሳነ ሓሳብ ከምዘዳለወት ኣፍሊጣ ኣብ ትግራይ ንኹሉ ዘሳትፍ ግዝያዊ መንግስቲ ንምምስራት ይስራሕ ከም ዘሎ ተገሊጹ። መበል 42 ኣኼባ ቤት ምኽሪ ፈፃሚ ስራሕ ሕብረት ኣፍሪካ ኣብ ኣዲስ ኣበባ ይሳለጥ ኣሎ። ዝብሉን ካልእ ትሕዝቶታትን ዝሓዘ ጸብጻብ ልኡኽና ክቐርብ እዩ። ኣብ ናይ ቃለ መሕትት መደብና “ግብረ ሰዶምነት፡ ናይዚ ዘመንዚ ሞራላዊ ትንግርቲ” ብዝብል ኣርእስቲ መጽሓፍ ዝጸሓፈ ዳዊት ዘወልዲ ዝገበርናዮ ዕላል ኣለና። ኣብ ኣውስትራሊያ ናይ ጥሮታ ወይ ሱፐር ገንዘብካ ምስዝጠፍእ ብኸመይ ክርከብ ከምዝከኣል ፥ ብተወሳኺ ናብ ወጻኢ ሃገር ኽትግዕዙ ከለኹም ወይውን ክትሞቱ ከለኹም ሱፐራኑዌሽንኹም ወይ ናይ ጥሮታ ገንዘብኩም እንታይ እዩ ዘጋጥሞ? ። ነዚ ዝምልከት ኣብ መደብ ምንባር ኣብ ኣውስትራሊያን ካልእ ትሕዝቶታትውን ቀሪብና ኣለና ቀንዲ ነጥቢታት ዜና፡ ** ኣውስትራሊያውያን ኣብ 2035 ብኤለክትሪክ እትሰርሕ መኪና ካብ ምግዛእ ወጻኢ ካልእ ምርጫ የብሎምን ተባሂሉ። ** ርእሰ ሊቃነ ጳጳሳት ፍራንሲስ ኣብ ዲሞክራሲያዊት ሪፓብሊክ ኮንጎ ርእሲ ከተማ ኪንሻሳ ኣብ እተገብረ ስርዓተ ቅዳሰ ኣብ ኣህጉር ኣፍሪቃ ዝፍጸም መጥቃዕቲ ደው ክብል ጸዊዖም ኣለዉ ። ** ጳጳሳት ኦርቶዶክሳዊት ቤተ ክርስትያን ኢትዮጵያ ተዓሪቖም።

ኣብ ቀረባ እዋን ኣብ መላእ ኣውስትራሊያ ንዝርከቡ ካንሰር ከምዘለዎም ንዝተመርመሩ ህጻውንቲ ዘሕዊ ፍወሳ ከምዝህሉ ተበሲሩ ። ኣብ ዓለም ናይ መጀመርታ ዝኾነን ሕክምና ኣብ ዓመት ልዕሊ 1000 ህጻናት ህይወቶም ከናውሑ ትጽቢት ይግበረሎም ፤

መበል 42 ኣኼባ ቤት ምኽሪ ፈፃሚ ስራሕ ሕብረት ኣፍሪካ ኣብ ኣዲስ ኣበባ ይሳለጥ ኣሎ። ጳጳሳት ኦርቶዶክሳዊት ቤተ ክርስትያን ኢትዮጵያ ተዓሪቖም። ኢትዮጵያ፥ ዓለምለኸ ኮሚሽን ሰብ ሞያ ሰ/መሰላት ስርሑ ክቋረፅ ዝሓትት ናይ ውሳነ ሓሳብ ከምዘዳለወት ኣፍሊጣ ኤርትራ ካብ ዕደና ቢሻ ልዕሊ 300 ሚልዮን ዶላር ግብሪ ከም ዝኣከበት ተፈሊጡ ወለዲ፣ ካብ ትግራይ ናብ ኤርትራ ናይ ዝተጨውዩ ሰባት ደሃይ ደቆም ክሓቱ ከም ዝጀመሩ ተገሊጹ። ዝብሉን ካልእ ትሕዝቶታትን ዝሓዘ ጸብጻብ ልኡኽና ቀሪቡ ኣሎ።

ናይ ኣውስትራሊያ ስርዓተ ጡረታ ሓደ ኣስራሒ ንጥሮታ ሰራሕተኛ ዝውዕል ብስሩዕ ኣብቲ ማዕከን ጥሮታ ወይ ሱፐር ገንዘብ ከቐምጥ የገድድ። ኣብዚ ናይ ሎሚ ስሩዕ መደብ ምንባር ኣብ ኣውስትራሊያ ናይ ጥሮታ ወይ ሱፐር ገንዘብካ ምስዝጠፍእ ብኸመይ ክርከብ ከምዝከኣል ዝሕብር እዩ። ብተወሳኺ ናብ ወጻኢ ሃገር ኽትግዕዙ ከለኹም ወይውን ክትሞቱ ከለኹም ሱፐራኑዌሽንኹም ወይ ናይ ጥሮታ ገንዘብኩም እንታይ እዩ ዘጋጥሞ? ክንርእዮ ኢና።

ናይ ሎሚ ሰኑይ 13 ለካትት 2023 ኤስ ቢ ኤስ ትግርኛ ምሉእ ትሕዝቶ ፡ *ኣብ እዋን ዉግእ ባጽዕ ካብዝተሳተፋ ክፍላተ ሰራዊት ሓንቲ ዝኾነት ክፍለ ሰራዊት 70 ኣባል ኮይኑ ኣብቲ ዉግእ ዝተሳተፈ ሙሴ ሃይለዝጊ፡ ተመኮሮኡ ኣብቲ ዉግእን ዘጋጠመ ኩነታትን ንድሕሪት ተመሊሱ ኣካፊሉና ኣሎ። ኣብ ናይ ቃለ መሕትት መደብና ክቐርብ እዩ፡ *ልኡኽና ካብ ዝለኣኸልና ጸብጻብ ኣርእስታት፦ ኣሜሪካ ንኢትዮጵያ ኤርትራን ክተጋጩ ትጽዕር ኣላ ክብል ፕረዚደንት ኢሳይያስ ኣፈወርቂ ከሲሱ። ኣብ ልዕሊ መንግስቲ ኤርትራ ውሱን ዕላማ ዝውዕል ማዕቀብ ክግበር ሂዩማን ራይትስ ዎች ፀዊዑ። ሰሙናዊ መደብ ስፖርት ዝብሉን ካልእ ትሕዝቶታትን ክቐርብ እዩ።

ኣብ ኤርትራ፡ ከተማ ምጽዋዕ ብሓይሊታት ህዝባዊ ግምባር ካብ ሰራዊት ኢትዮጵያ ነጻ ዝወጻትሉ ዝዝከረሉ ዘሎ ሰሙን እዩ። ኣብ እዋን ዉግእ ባጽዕ ካብዝተሳተፋ ክፍላተ ሰራዊት ሓንቲ ዝኾነት ክፍለ ሰራዊት 70 ኣባል ኮይኑ ኣብቲ ዉግእ ዝተሳተፈ ሙሴ ሃይለዝጊ፡ ተመኮሮኡ ኣብቲ ዉግእን ዘጋጠመ ኩነታትን ንድሕሪት ተመሊሱ ኣካፊሉና ኣሎ።