SBS Tigrinya - ኤስ.ቢ.ኤስ ትግርኛ

ጸብጻባት ዜና: ፕረዚደንት ኢሳይያስ ኣፈወርቂ ምስ ፍሉይ ልኡኽ ቻይና ተመያይጡ፣ ዝተማረኹ ዕጡቓት ፋኖን ምልሻታትን ኣምሓራ ከም ዝለቐቑ መራሕቲ ትግራይ ኣፍሊጦም፣ ኣብ ኤርትራ ብዘሎ ኣዋጅ ክተት ብሪጣንያን ካናዳን ንዜጋታተን ኣጠንቂቐን፣ ሕቡራት ሃገራት ንመንግስቲ ኢትዮጵያ ክህቦ ዝሰለዖ 300 ሚልዮን ዶላር ደው ኣቢሉዎ፣ ምሉእ ትግራይ ሓዊስካ ካብ 29.3 ሚልዮን 13 ሚልዮን ተመሃሮ ዝቦኽሩሉ ዓውዲ ትምህርቲ ኢትዮጵያ ሎሚ መዓልቲ ብሓድሽ ስርዓተ ትምህርቲ ክወሃብ ጀሚሩ: ፕረዚደንት ሶማልያ ወተሃደራቱ ናብ ሃገሮም ዘይተመልሱሉ ምኽንያት ንፖለቲካዊ ፍልልያት ሃገሩ ምኽንያት ጌሩ ፕረዚደንት ኤርትራ ክመልሶም ፈቓደኛ ብዘይምዃኑ’ዩ ምባሉ ዝብሉ ጸብጻባት ንሎሚ ዘለውና’ዮም

ፕረዚደንት ሶማልያ ሓሰን ሸነኽ መሓመድ እቶም ወተሃደራት ኣቐዲሙ ናብ ሃገሮም ዘይተመልሱሉ ምኽንያት ክገልጽ ከሎ ኣብታ ሃገር ዘሎ ፖለቲካዊ ኣፈላላይ ስዒቡ ፕረዚደንት ኢሳይያስ ኣፈወርቂ እቶም ወተሃደራት ንምምላስ ፈቓደኛ ብዘይምዃኑ ከም ዘይተመልሱ ኣረዲኡ።

ኣብ ከተማ መልበርን ኣብዚ ቅሩብ እዋን ንብስደት ዝመጻ ደቂ ኣንስትዮ ስራሕ ኣብ ምርካብን ኣብ ምሕያልን ዝሰርሕ ማሕበራዊ ትካል ተኸፊቱ ኣሎ። ብዛዕባ እቲ ትካልን ዕላማኡን ዝምልከት ምስ መስራቲት እቲ ትካል ወ/ሮ ነጅዋ ያሲን ዝተገብረ ዕላል።

ናይ ሎሚ ሓሙስ 15 መስከረም 2022 ናይ ሓደ ሰዓት መደብና እዞም ዝስዕቡ ትሕዝቶታት ኣለዉዎ፡ ካብ ዕለታዊ ዜና፥ ** ለበዳ ኮቪድ-19 ንምጥፋእ ዓለም ካብ ዝሓለፈ ኣብ ዝሓሸ ኩነታት ከም ዘላ ሓላፊ ዉድብ ጥዕና ዓለም ገሊጹ ። ** ብኣሽሓት ዝቝጸሩ ሰባት ንንግስቲ ኤልሳቤጥ ዳግማይ ኣብ ዌስትሃም ኣብ ዝርከብ ኣዳራሽ ኣኽብሮቶም ክገልጹ ጀሚሮም ካብ ኣርእስታት ጸብጻብ፥ ሚንስትር ጉዳይ ወጻኢ ህንዲ ቨላመቨልይ ሙራሊድርሃን ኣስመራ ኣትዩ። ካብ ሸራሮን ካባቢኡን ልዕሊ 210,000 ህዝቢ ከም ዝተመዛበለ ተገሊጹ ቃለ መሕትት፥ ወ/ሮ ሳባ ኣብርሃም ካብቶ 10 ነናይ መዓልቱ ኣውስትራሊያዊያን ተባሂሎም ምስ ቀዳማይ ሚኒስተር ኣንተኒ ኣልባኔስ ናብ ለንደን ከይዳ ኣብ ስነ ስርዓት ቀብሪ ንግስቲ ኤልዛቤጥ ክትሳተፍ ዕድመ ቀሪቡላ ኣሎ። ኣብ መደብ ምንባር ኣብ ኣውስትራሊያ ተራ ብሪጣንያዊ ንግስነት ኣብ ኣውስትራሊያ እንታይ እዩ፧ ዝብል ኣርእስቲ ዝሓዘ እዩ።

ኣርእስታት ጸብጻብ፥ ሚንስትር ጉዳይ ወጻኢ ህንዲ ቨላመቨልይ ሙራሊድርሃን ኣስመራ ኣትዩ። ካብ ሸራሮን ካባቢኡን ልዕሊ 210,000 ህዝቢ ከም ዝተመዛበለ ተገሊጹ ሕብረት ኣውሮጳ ኣብ ትግራይ ንዝቐጸ መጥቃዕቲ ኣየር፣ ተሳትፎ ኤርትራን ምዕጻው ሰብኣዊ ረድኤትን ኮኒኑ። ኣብ ዝሓለፉ 20 ዓመት ብ14 ዓመታት ወሲኹ ዝነበረ ዕምሪ ምንባር ኢትዮጵያውያን ምጉዳሉ ሕቡራት ሃገራት ኣፍሊጡ። ኢትዮጵያ ንሃገራዊ ጸጥታ ኣመሪካ ኣስጋኢት ኣብ ዝብል መዝገብ ክትቅጽል ፕረዚደንታዊ ትእዛዝ ኣሕሊፎም።

ብሃገርካ ሕጉስ እንተዘይኴንካ ፡ ብኸመይ ናይ ገዛእ ርእስኻ ሃገር ክትፈጥር ትኽእል? ን ኡሳን ሃገራት (Micronations) ነተን ብውልቀ-ሰባት ዝፍጠራ ናይ ይምሰል ሃገራት ዝወሃብ ስም ክኸውን ከሎ: ኣውስትራልያ ኣብ ዉሽጣ ሓያሎ ሃገራት ብምእንጋድ ካብ ዝፍለጣ ሃገር እያ ። እዚ ተርእዮ እዚ ከም ዘይመስል ተጌሩ እንተራእየ ፡ ኣብዚ ቀረባ ዓመታት ግና ኣቓልቦ ምሁራት ዝሰሓበ ናይ ምንቕቓሕ ተግባር ኰይኑ ኣሎ ።

ኣውስትራሊያ ምስናይ ብሪታኒያ ንግስነታዊ ስርዓት ወግዓዊን ስምዒታውን ርክብ ኣለዋ ፤ እዚ ድማ ሓደ ውርሻ ናይ ብሪጣንያ ግዝኣት እዩ ። ብኣንጻሩ ግን ፡ እታ ኣብ ካሪበያ እትርከብ ደሴት ባርባዶስ ፡ ንንግስነት ብሪጣንያ ከም ርእሰ ብሄር ሃገራ ከይከውን ደው ኣቢላ ፡ ኣብ ሕዳር 2021 ድማ ሪፓብሊክ ኰነት ። ንግስቲ ኤልሳቤጥ ዳግማይ ኣብ 96 ዓመት ዕድሚኣ ብ8 መስከረም 2022 ድሕሪ ምሕላፋ ዝለዓል ዘሎ ሕቶታት ፦ ኣብዚ ዘመናዊ ኣውስትራልያ ንጉሳዊ ስርዓት ብሪጣንያ እንታይ ግደ ኣለዎ ?

ናይ 2022 ናይ ኲንስላንድ ጀግና ተባሂላ ዝተሸለመት ወ/ሮ ሳባ ኣብርሃም ካብቶ 10 ነናይ መዓልቱ ኣውስትራሊያዊያን ተባሂሎም ምስ ቀዳማይ ሚኒስተር ኣንተኒ ኣልባኔስ ናብ ለንደን ከይዳ ኣብ ስነ ስርዓት ቀብሪ ንግስቲ ኤልዛቤጥ ክትሳተፍ ዕድመ ቀሪቡላ ኣሎ። ነዚ ኣመልኪትና ምስኣ ዝገበርናዮ ዕላል ቀሪቡ ኣሎ።

ናይ ሎሚ ሰኑይ 12 መስከረም 2022 ምሉእ ትሕዝቶ ኤስ ቢ ኤስ ትግርኛ፡ ካብ ኣርእስታት ጸብጻብ፥ ጀነራል ፃድቃን ገብረትንሳኤን ኣቶ ጌታቸው ረዳን ሰላማዊ ዝርርብ ኲናት ትግራይ ክመርሑ ተመዚዞም። ሕብረት ኣፍሪቃ ብወገኑ መንግስቲ ትግራይ ዘቕረቦ ጻውዒት 'ፍሉይ ዕድል' ብምባል ከም ዝተቐበሎ ኣፍሊጡ። ሚንስትሪ ሰላም ኢትዮጵያ ንመጸዋዕታ ሰላም ኲናት ትግራይ ተቓዊምዎ። ብምኽንያት ምውዳእ ዓመት 2014ን ምጅማር ሓድሽ ዓመተ 2015 (ካብ ዘመነ ማርቆስ ናብ ዘመነ ሉቃስ) መልኣከ ጸሃይ ቆሞስ ኣባ ዮሃንስ ከበደ ኣመሓዳሪ ሃመረ ኖህ ኪዳነ ምህረት ቤተ ክርስትያን ኣደላይድ ደቡብ ኣውስትራሊያ ዘመሓላለፍዎ መልእኽቲ። ቃለ መሕትት፥ ምስ ዶ/ር ተስፋማሪያም መሓሪ ካብ ዓዲ እንግሊዝ ከምኡ'ውን ምስ ዶ/ር ኣደራጀው ሓድሽ ካብ ካንቤራ ኣውስትራሊያ ሰሙናዊ መደብ ስፖርት ናይ ኢብራሂም ዓሊ

ኣርእስታት ዜና ጀነራል ፃድቃን ገብረትንሳኤን ኣቶ ጌታቸው ረዳን ሰላማዊ ዝርርብ ኲናት ትግራይ ክመርሑ ተመዚዞም። ሕብረት ኣፍሪቃ ብወገኑ መንግስቲ ትግራይ ዘቕረቦ ጻውዒት 'ፍሉይ ዕድል' ብምባል ከም ዝተቐበሎ ኣፍሊጡ። ሚንስትሪ ሰላም ኢትዮጵያ ንመጸዋዕታ ሰላም ኲናት ትግራይ ተቓዊምዎ። መንግስቲ ኤርትራ: "ወያነ ሓሶት፡ ጥልመትን ምትላልን ከም ጥበብ ፖለቲካ" ይጥቀምሉ ኣሎ ክብል ከሲሱ። ፕረዚደንት ትግራይ ብወገኑ "ሰራዊት ኤርትራ ኣብ ዘይመልከተካ ኲናት ንከንቱ ካብ ትመውት ኢድካ ብምሃብ ህይወትካ ኣድሕን" ክብል ፀዊዑ።