SBS Tigrinya - ኤስ.ቢ.ኤስ ትግርኛ

ኣብዚ እዋን ክብሪ መነባብሮ ሰማይ ዓሪጉ፡ ህዝቢ በብመዓልቲ ንናብራኡ ንምክያድ ኣጸጋሚ ኩነታት ይርክአብ። ኣብ ነዳዲ፡ ኣስቤዛን ገዛን ካልእን ዝግበር ወጻኢታት ንምጉዳል እንታይ ክግበር ይከኣል ነዚ ዝምልከት ኣብዚ ቀሪቡ ኣሎ።

ኣብዝተፈላለዩ ሃገራት፡ ምስ ሃገር ዝተሓሓዙ በዓላት ብምቛም፡ ብኣንጸባራቒ ባንዴራታትን ባህላዊ ፍጻመታትን ሃገራዊ ስሞዒት ዘለዓዕሉ ጎስጓሳትን መደረታትን ሃገራዊነት ይንጸባረቕ እዩ። ሃገራዊነት፡ ሕሉፍ ሃገራዊነት፡ ተወፋይነት ዝብሉን ካልእ ኣምራትን ብኸመይ እዮም ዚግለጹ፧ ጥቕሞምን ጉድኣቶምን እንታይ እዮ፧ ነዚን ተመሳሳሊ ሕቶታትን፡ ዝምልከት ኣብ ዲክን ዩኒቨርሲቲ ተመራማሪ ስነ ሕብረተሰብን ቁጠባን ዶ/ር ኣማኑኤል ኤልያስ መሊሱ ኣሎ። ኣብዚ ቀዳማይ ክፋሉ ቀሪቡ ኣሎ።

መጽናዕታት ከምዝሕብሮ ብዙሓት ኣውስትራሊያዊያን ቅድሚ ምማቶም ለበዋ ኣይገድፉን ። ክኢላታት ግና ዕድመ ፡ ማሕበረ ኢኮኖምያዊ ደረጃን ዓሌትን ብዘየገድስ ፡ ንመጻኢ ናይቶም እተፍቅሮም ሰባት ኣቐዲምካ መደብ ምውጻእ ቀዳምነት ክወሃቦ ከም ዝግባእ ይምዕዱ።

ሎሚ ሰኑይ 6 ሰነ 2022 ብናይ ኣቆጻጽራ ሰዓት ስቱድዮና ስቱድዮ መልበርን አውስትራሊያ ልክዕ ሰዓት 6 ናይ ሚሸት እዩ፡ ድሕሪ ዜና ዝህልዉና መደባት እዞም ዝስዕቡ እዮም፡ ልኡኽና ካብ ዝለኣኸልና ጸብጻብ ኣርእስታት፦ መንግስቲ ኢትዮጵያ ምስ ትግራይ ከይዕረቕ መንግስቲ ኤርትራ ዕንቅፋት ኮይኑዎ ከም ዝበለ ተሰሚዑ። ኣሜሪካ ብወገና ነቲ ኣብ ሞንጎ መንግስቲ ክልል ትግራይን ፈደራል መንግስቲ ኢትዮጵያ ዝተጀመረ መስርሕ ሰላም ንዝዕንቅፍ ኣካል ከም ትኹንን ሓቢራ ኣላ። መጠን ዕቤት ሆቴል ቱሪዝም ኢትዮጵያ ብ29 ሚኢታዊት ነክዩ። ክብሪ መነባብሮ ንሂርሉ ኣብዘሎ እዋን፡ ወጻኢታት ናብራ ንምጉዳል ዝሕግዙ ምኽሪታት ዝሓዘ መደብን፡ ዉዕሎ ኩናት ዩክሬን ዝገልጽ ኲናት ዩክሬን ቀጺሉ፡ ድሕሪ ብዙሕ ሳምንታት ኬቭ ተጠቒዓ፡ ዝብል ኣርእስቲ ናይ ዜና ትንታነ ኣለና ሰሙናዊ መደብ ስፖርት ናይ ኢብራሂም ዓሊ ካልእ ትሕዝቶታትንውን ኣለዉ። ኣርእስታት ዜና፥ ** መራሒ ተቓዋሚ ሰልፊ ኣውስትራሊያ ፒተር ዳተን ፡ ናይ ተቓውሞ/ጽላሎት ካቢነ ሚኒስተራቱ ኣፍሊጡ። ** ኣብ ናይጀርያ ዕጡቓት ኣብ ግዝኣት ኦንዶ ዝርከብ ቤተ ክርስትያን ኣብ እዋን ቅዳሲ ብጃምላ ድሕሪ ምጥቃዖም ፡ ብውሕዱ 50 ሰባት ቐቲሎም ፡

ብልጽግና ዝርከበሉ ባይቶ ውድባት ፖለቲካ ኢትዮጵያ ኲናት ጠጠው ክብል ጸዊዑ ተባሂሉ። ን12 ኣዋርሕ ብዘይፖሊስ ዝጸንሓት ትግራይ ሓደስቲ ዕሉማት ኣመሪቓ። መጠን ዕቤት ሆቴል ቱሪዝም ኢትዮጵያ ብ29 ሚኢታዊት ነክዩ።

ቭላድሚር ፑቲን ሃገራት ምዕራብ ንዩክረይን ኣጽዋር ብምዕጣቕ ዝገብራኦ ዘለዋ ከጠንቅቐን ከሎ ፡ ሓይልታት ሩስያ ኣብ ውሽጢ ሰሙናት ንፈለማ ግዜ ንክየቭ ኣጥቂዖምዎ ። ዩክረይን ፡ ሩስያ ክሳዕ እትስዓር ፡ እቲ ሓገዝ ኣጽዋር ከም ዘድሊ ብምግላጽ ዝያዳ ሓይሊ ዝህብ ኣጽዋር ኺውሃባ ሓቲታ ኣላ ።

ሰሙናዊ መደብ ስፖርት (06/06/2022) * ኣብ ውድድራት ኣልማዛዊ ሊግ ራባት ኣብ ጉያ እግሪ 1500ሜ ኢትዮጵያዊያን ሂሩት መሸሻ፣ ፍረወይኒ ሃይሉን ኣክሱማዊት እምባየን ተመራሪሐን ተዓዊተን፣ * ኣብ ካልኣይ መድረኽ ራብዓይ ቅድድም ብሽግለታ `ኣድሪያቲካ ኢዮኒካ ረይስ` ኤርትራዊ ናትናኤል ተስፋጽዮን ተዓዊቱ፥ * ኣብ ግጥማት ሻምፒዮና ሴካፋ ዓበይቲ ደቀንስትዮ 2022 ኢትዮጵያ ብገፊሕ ውጽኢት ጉዕዝአን ጀሚረን ምረሽአን ክቕጽላ እንከለዋ መንእሰያት ት17 ግን ኣብ ናይጀርያ ማዕረ ድሕሪ ምፍልላየን ጉዕዞአን ኣብቂዑ፣ * ብወገን ደቂባዕትዮ ሃገራዊት ጋንታ ኢትዮጵያ ቀዳማይ ምድባዊ መጻረዪ ግጥማ ኣካይዳ ብማላዊ ተሳዒራ ከቢድ ግጥም ኣንጻር ግብጺ ኸኣ ይጽበያ፣ * ኣብ ግጥም ባይታ ቴኒስ ፍሬንች ኦፕን ሓያል ደገፍ ዘለዎ ራፋኤል ናዳል ሓድሽ ክብረወሰን ብምምዝጋብ ክዕወት እንከሎ ደገፍቲ ኣንጻሮም ብምቕንዖም ዘይተሓጎሱ ተጻወቲ ግን መረረኦም ይገልጹ፣

ዩክረይን ምስ ሩስያ ውግእ ካብ እትጅምር 100 መዓልቲ መሊኣ ኣላ ። ወደባት እታ ሃገር ብሓይልታት ሩስያ ተዓጊቱ ኣብዘለወሉ ፡ ምብራቓዊ ሸነኽ ናይታ ሃገር ብኸቢድ ብረት ምድብዳቡ ይቕጽል ኣሎ

ኣርእስታት ጸብጻብ፥ ኣመሪካ ሓድሽ ፍሉይ ልኡኽ ኣብ ቀርኒ ኣፍሪቃ ተኪኣ። ፍሉይ ልኡኽ ልኡኽ ሕብረት ኣፍሪቃ ኦሊሰጉን ኦባሳንጆ ኲናት ትግራይ ንምፍታሕ እወታዊ ለውጥታት ከም ዘለዉ ተዛሪቦም። ሚኒስትሪ ጥዕና ኤርትራ፡ መድሃኒትን ናውቲ ሕክምናን ዘጠቓልል ሓገዝ፡ ካብ ቻይና ከም ዝረኸበ ሓቢሩ። ኣብ ትግራይ ዝዓበየ ሆስፒታል ዓይደር ስርሑ ኣቋሪጹ።