SBS Tigrinya - ኤስ.ቢ.ኤስ ትግርኛ

ካብ ኣርእስታት ዜና፥ ** መጠን ሽቕለት ኣልቦነት ኣውስትራሊያ ካብ ነሓሰ 1974 ጀሚሩ ዝተሓተ ሽቕለት ኣልቦነት ናብ 3.9 ሚኢታዊት ወሪዱ ኣሎ ። ** ው/ሕቡራት ሃገራት ፡ እቲ ኣብ ዩክረይን ዘሎ ውግእ ፡ ዓለምለኻዊ ፊናንሲያዊ ትካላት ኢዶም እንተ ዘየእትዮም ፡ ዓለማዊ ቅልውላው ምግቢ ኸለዓዕል ከም ዝኽእል ኣጠንቂቑ ። ካብ ኣርእስታት ጸብጻብ፡ ካብ ግንባራት መኸተ ዝነቐለት ሽግ ናጽነት ኤርትራ፡ ኣብ ሰፈር ልምዓት ድሙቕ ኣቀባብላ ከም ዝተገብረላ ተሓቢሩ። ኢትዮጵያ ንውዕል ኣልጀርስ ቀጻሊ ረብሓታት ንከውሕስ ትፍትሾ ከም ዘላ ሚንስተር ጉዳይ ወጻኢ ደመቀ መኮነን ተዛሪቡ። ሰሙናዊ መደብ ምንባር ኣብ ኣውስትራሊያ “ ናይ ካልኣይ ደረጃ ቤት ትምህርቲ ምምራጽ” ዝብል ኣርእስቲ ዝሓዘ እዩ ክኸውን። ብዛዕባ ምርጫ ኣውስትራሊያ ዝተሓሓዝ ንሰልፊ ሓምላይ ወይ ግሪንስ ዘፋልጥ መደብ ኣለና።

ኣርእስታት ጸብጻብ፥ ካብ ግንባራት መኸተ ዝነቐለት ሽግ ናጽነት ኤርትራ፡ ኣብ ሰፈር ልምዓት ድሙቕ ኣቀባብላ ከም ዝተገብረላ ተሓቢሩ። ኤርትራ: ኣብቲ ውዕሊ ዝርከብ ብይን ዶብ ብዘይቅድመ ኩነት ክትግበር ክትሓተሉ ዝጸንሐት ምዃና ይፍለጥ። ኤርትራ፡ ክሳዕ ሕጂ ንህዝባ፡ ክታበት ኮሮናቫይረስ ምሃብ ብዘይምጅማራ ከም ዝተሻቐለ ውድብ ጥዕና ዓለም ኣፍሊጡ። ንዝሓለፉ ክልተ መዓልታት ካብ ገዝኡ ምስ ወፅአ ዘይተመለሰ ብርጋዴር ጀነራል ተፈራ ማሞ፡ ኣብ ባህርዳር ከም ዝተኣስረ ተፈሊጡ።

መንግስቲ ኤርትራ “ሓድሽ ወተሃደራዊ ዕንደራ ወያነ ስለምንታይ? ንምንታይ ዕላማኸ?” ብዝብል ኣርእስቲ፡ ህወሓት ን ኤርትራ ወሪሩ ዓባይ ትግራይ ንምምስራት ዉግእ ክኸፍትዩ ዝደሊ ኢሉ ከሲሱ። ወሃብ ቃል ትግራይ ኣቶ ጌታቸው ረዳ ድማ መልሲ ሂቡ ኣሎ።

ካልኣይ ደረጃ ቤት ትምህርቲ ምምራጽ ንወለድን ውሉዳትን ዘይተጸበይዎ ውጥረት ከስዕበሎም ይኽእል እዩ ። ስድራ ቤታት ገለ ኣገዳሲ ዝዀኑ ነገራት ብምሕሳብ ፡ ንውሉዶም ይኸውንዩ ዝብልዎ ንዅነታቶም ዝሰማምዖም እንታይ ምዃኑ ንምፍላጥ ፡ ሓበሬታ ንምርካብ ላዕልን ታሕትን ክብሉ ይኽእሉዮም።

ኣውስትራልያዊ ሓምላይ ሰልፊ/ዘ ግሪንስ ካብ ኣብ ግዝኣታት ዝመደበሮም ብነጻ/በበይኖም ዝንቀሳቐሱ ወከልቲ ሓምላይ/ግሪን ሰልፍታት ኣብ ሲድኒ ተራኺቦም ሓድሽ ፌደራላዊ ሰልፊ ምስ ኣቖሙ ብወግዒ 30 ነሓሰ 1992 ተበጊሱ። ዕብየትን ዓወትን ናይ’ቲ ሕጂ ኣብ ፖለቲካ ኣውስትራልያ ጸላዊ ኮይኑ ዘሎ ሰልፊ ሳላ ስራሕ ተጣባቒ ከባብን መራሒ ሰልፊ ግሪን ነበርን ቦብ ብራውን’ዩ ክበሃል ይከኣል።

ጀላል ያሲን ኣበራ፡ ብዙሕ ቋንቋታት ዝፈልጥ፡ ኣብ ማሕበራዊ መራኸቢ ዝዝርግሖም ዘይርከቡ ሰነዳትን ስእሊታትን፡ ኣብ ኲናት ሰሊና ኣፍ ሞት ጥዒሙ ክምለስ ዝገበረ ምሉእ መዓናጥኡ ዘውጽአ መውጋእቲ ዝደሓነ፡ ኣብ ኖርወይ ንነዊሕ ዓመታት ክነብር ድሕሪ ምጽናሕ ዓሪፉ። ብዛዕባኡ ብዙሕ ሰብ ሓዘኑ ይገልጽ ኣሎ። ተጋዳላይ ዯህንስ ጸጋይ ኣብ ሜዳ ወዲ ጋንታኡ ዝነበረ ብፍላይ ኣብቲ ከቢድ መውጋእቲ ጀላል ያሲን ካብቶም ዘልዓልዎን ዝሓከምዎን እዩ ኔሩ። ዝኽሪታቱ ኣካፊሉና ኣሎ።

ሰሙናዊ መደብ ስፖርት (16/05/2022) * ካፍ ስታድየም ባህር ዳር ኣህጉራዊ ግጥማት ከአንግድ ብቑዕ ኣይኮነን ኢሉ ክእግዶ ድሕሪ ምውሳኑ ኢትዮጵያ ኣብ ሃገራ ተካይዶም ግጥማት ኣብ ማላዊ ሃገራዊ ስታድየም ቢንጉ ከተካይዶም ምዃና ተፈሊጡ፣ * ኮኾብ ኤርትራዊ ተቐዳዳማይ ቢንያም ግርማይ ኣብ ዙር ኢጣልያ ዝነኣድ ምንቅስቓሳቱ ብምቕጻል ክሳብ ሕጂ ኣብ ሓሙሽተ መድረኻት ኣብ ዝለዓሉ ሓሙሽተ ቦታታት ቅድድሙ ፈጺሙ፣ * ኣብ ፈረንሳ ኣብ ዝተኻየደ ቅድድም ብሽግለታ ግራንድ ፕሪ ዱ ሞርቢሃን ኤርትራዊ ዳዊት የማነ ዝነኣድ መበል 22 ወጺኡ፣ * ጋንታ ማንቸስተር ሲቲ ዝለዓለ ብዝሒ ሽቶታት ዘመዝገበላ ገዲም ተጻዋታያ ሰርጂዮ ኣጒሮ ሓወልቲ ትሰርሓሉ፣ እታ ሓወልቲ ግን ምስ’ቶም ብጽቡቕ ዝተሰርሑ ድያ ትስራዕ፧

ኣብ ሶማል ኣብ ዝተገብረ ፕረሲደንታዊ ምርጫ ፡ ወዲ 66 ዓመት ሓሰን ሸኽ ማሕሙድ ፕረዚደንት ኰይኑ ተመሪጹ ፡ ቃለ ማሕላ እውን ፈጸሙ ። እቲ ኣብ ስልጣን ዝጸንሐ ፕረዚደንት ፎርማጆውን ስዕረቱ ተኣሚኑ፡ ህዝቢ ሶማል ነቲ ተመሪጹ ዘሎ ክድግፎ ጸዊዑ። እዚ ሓደ ካብ ናይ ሎሚ ትሕዝቶ ዜናና እዩ። ካልኦት ዜናታትን ካብ ጸብጻብ ልኡኽና ፥ ኣብ ኢትዮጵያ ዳግም ኲናት ከይጅመር ጻዕርታት ክግበር ኮምሽን ሰብኣዊ መሰላት ኢትዮጵያ ኣተሓሳሲቡ። ቀዳማይ ሚንስተር ኢትዮጵያ ኣብይ ኣሕመድ ቀጻሊ ቀንዲ ቆላሕትኦም ትግራይ ዘይኮነትስ ወደብ ዓሰብ ምዃና ምዝራቦም ይግለጽ ኣሎ። ኣስመራ፡ ኣገልግሎት ረሳሕ ፈሳሲ ንምስፋሕ ኣድማዒ ዕማም ተሳልጥ ኣላ።። ቃለ ምሕትት፥ ሰሙናዊ መደብ ስፖርት ናይ ኢብራሂም ዓሊ’ውን ቀሪቡ ኣሎ።

ኣርእስታት ጸብጻብ፥ ኣብ ኢትዮጵያ ዳግም ኲናት ከይጅመር ጻዕርታት ክግበር ኮምሽን ሰብኣዊ መሰላት ኢትዮጵያ ኣተሓሳሲቡ። ኣብ ኢትዮጵያ 300 ሚልዮን ዶላር ተሰሊዑሎም ዝነበረ ፕሮጀክትታት ልምዓት ተቛሪጾም። ኣስመራ፡ ኣገልግሎት ረሳሕ ፈሳሲ ንምስፋሕ ኣድማዒ ዕማም ተሳልጥ ኣላ። ኮንግረስ ፌደራሊስት ኦሮሞ ኲናት ትግራይ ምብትታን ሃገር ዝርከቦም ኣርባዕተ ሳዕቤን ዝወልድ እዩ ክብል ኣጠንቂቑ።

ሰበ-ስልጣን ሕቡራት መንግስታት ኣመሪካ ከምዝሕብርዎ ፡ እቲ ኣብ ግዝኣት ኒው ዮርክ ኣብ ዝርከብ ሓደ ሱፐር ማርኬት 10 ሰባት ዝቐተለ ዕጡቕ ፡ ብብዝሒ ጸለምቲ ተኣኪቦሙሉ ዝነበሩ ከባቢ ደልዩ እዩ ተኲሱ ። እቲ ጃምላዊ ቅትለት ብዓሌታዊ ጽልኢ እተለዓዓለ ሃቐና ከም ዝዀነ ይዛረቡ ።