SBS Tigrinya - ኤስ.ቢ.ኤስ ትግርኛ

ሩስያ ኣብ ልዕሊ ዩክረይን ወራር ድሕሪ ምፍጻማ ፡ ንሓድነት ኤውሮጳውያን ፡ ምስ እገዳ ፡ ከምኡ ‘ውን ብዛዕባ ነዳዲን ቀረብ ጋዝን ዝምልከት ፈቲንዎ እዩ ። ክሳብ ሕጂ ኤውሮጳዊ ኅብረት ብሓደ እዩ ዘሎ ። ብዛዕባ እታ ኣባል ሕብረት ኤውሮጳ ዘይኮነት ኣብ ማእከል ኣውሮጳ ትርከብ ዘይወገናዊት ተባሂላ ትጽዋዕ ስዊዘርላንድከ እንታይ ክበሃል ይከኣል ? ስዊዘርላንድ ካብ ክልቲኡ ውግኣት ዓለም ጸግዒ ብዘይምሓዛ ነቲ ፈተና ሓሊፋቶ'ያ: እንተዀነ ግን እዚ ኣብ ገለልትነት መትከላ ከጽንዓ ድዩ? ኣብ ምልክት ሕቶ ኣትዩ ዘሎ ጉዳይ እዩ።

ምሉእ ትሕዝቶ ፖድካስት ኤስቢኤስ ትግርኛ * ዕለታዊ ዜና፣ * ዕለተ ምርጫ ኣውስትራልያ ክልተ ሰሙን ምስ ተረፎ ኣቐዲምኩም ድምጽኹም ትህቡሎም ነቑጣታት ተኸፊቶም ኣለዉ- ትሕዝቶ * ጸብጻባት ዜና * ቃለመሕትት ምስ ዶ/ር ጽጋቡ ኣስመላሽ (ቀዳማይ ክፋል) * ምንባር ኣብ ኣውስትራልያ (ዓለምለኻዊ ሕግታትን ሓለዋ ህጻናትን)

ሎሚ ጉግል ንትግርኛ ወሲኹ ናይ 24 ቋንቋታት ክትርጎም ከፊቱ ኣሎ። እዚ ስራሕ ክሰልጥ ምስካልኦት ኮይኑ ክነጥፍ ዝጸንሐ ኢንጂኔር ክፍላይ ተወልደብርሃን፡ ብዛዕባ ኣገዳስነትን ኣጠቓቕማን እዚ ዓወት ኣብሪሁልና ኣሎ።

ጸብጻባት ዜና: * ህዝቢ ትግራይ ኣብ ወሳኒ መድረኽ ይርከብ ክብል ዶክተር ደብረጽዮን ገብረሚካኤል ገሊጹ: * ኩሎም ሓይሊታት ፀፅታ ኣብ ዝሓሸ ቅዋምን ብቕዓትን ይርከቡ ክብል ከኣ ዶክተር ኣብይ ኣሕመድ ገሊጹ: * ኣብ ኢትዮጵያ ብሰንኪ ደርቂ ልዕሊ 600 ሽሕ ተማሃሮ ትምህርቲ ኣቋሪጾም * ኤርትራዊት-ኣመሪካዊት ፕሮ. ኣስመረት ኣሰፋው ዳይረክተር ሳይንስ ሕቡራት መንግስታት ኣሜሪካ ኰይና

ከባቢ 500 ቅድሚ መዓልቲ ምርጫ (21 ግንቦት 2022) ድምጺ ዝወሃበሎም መድመጺ ነቑጣታት ካብ ዝሓለፈ ሶኑይ ጀሚሮም መዓጹኦም ኣርሕዮም ኣለዉ። ኣብ’ዚ ዓመት ኮሚሽን ምርጫ ኣውስትራልያ ዳርጋ ፍርቂ ዝኾኑ ምዝጉባት ኣድመጽቲ 21 ግንቦት መዓልቲ ምርጫ ቅድሚ ምእኻሉ ንመን ከምዝመርጹ ድሮ ወሲኖም ኣለዉ ክብል ግምቱ ይህብ።

ዶ/ር ጽጋቡ ኣስመላሽ ኣብ ዝተፈላለዩ ምንቅስቓሳት ተቓወምቲ መንግስቲ ኤርትራ (ደለይቲ ፍትሒ) ክነጥፍ ዝጸንሐ እዩ። ኣባል ናይቲ ኣብዚ ቅሩብ ዝተመስረተ “ፈልሲ ደሞክራስን ሰላምን ኤርትራ” ኮይና ብዛዕባ ሓፈሻዊ ደምበ ተቓዉሞ ኤርትራን ኣብዚ ሎሚ ዘለዎ ኩነታትን ዝኽተሎ ዘሎ ዕላማታትን ገሊጹልና ኣሎ።

እቲ ናይ ሕቡራት ሃገራት ውዕል መሰላት ናይ ህጻናት፡ ሓደ ካብ ኣህጉራዊ ስምምዕ ሰብኣዊ መሰላት እዩ። እዚ ውዕል ሰብኣዊ መሰላት ተባሂሉ እውን ዝፍለጥ ኰይኑ ፡ ቈልዑን መንእሰያትን እንታይ መሰላት ክሓቱ ከም ዝኽእሉ ድማ ዝገልጽ እዩ ። ዳርጋ ኣብ መላእ ዓለም ዝርከባ ኵለን ሃገራት ፡ እንተላይ ኣውስትራልያ ፡ ነዚ ውዕል እዚ ከተግብራ መብጽዓ ኣትየን እየን። በዚ ድማ ኣብ ሰብኣዊ መሰላት ካብ ኵሉ ንላዕሊ ደገፍ ዘለዎ ውዕል እዩ ። ናይዚ ሰሙን "ምንባር ኣብ ኣውስትራሊያ ንቆልዑ ኣብ ኣውስትራሊያ እንታይ መሰላት ከምዘለዎም ከምኡ" ውን ብኸመይ ብናይ ኣውስትራሊያ ሕጊታት ከምዝሕለዉ ዝገልጽ እዩ ።

ሰሙናዊ መደብ ስፖርት (09/05/2022) * ብሃንቀውታ ትጽቢት ክግበረሉ ዝጸንሐ ቅድድም ብሽግለታ መበል 105 ዙር ኢጣልያ ወይ ጂሮ ድ’ኢታልያ ዝሓለፈ ዓርቢ ተጀሚሩ ኤርትራዊ ኮኾብ ተቐዳዳማይ ቢንያም ግርማይ ካልኣይ ወጺኡ፣ ተሳትፎኡ ብዝለዓለ ብቕዓት ይቕጽሎ‘ሎ፣ * መርሃዊ ቅዱስን ናትናኤል ተስፋጽዮንን ከኣ ጋንታታቶም እናሓገዙ ይምርሹ፣ * ኮንፈደረሽን ኩዕሶ እግሪ ኣፍሪቃ ስታድየም ባህር ዳር ዓለምለኻውያን ግጥማት ደጊሙ ከአንግድ ዝኽእል እንተኾይኑ ንምምልካት ናብ ኢትዮጵያ ዑደት ክገብር ምዃኑ ተፈሊጡ፣ ፈረንሳዊ ተዓዋቲ ዋንጫ ዓለም ደይቪድ ትሪዘገ ምስ ዋንጫ ዓለም ብሓባር ናብ ኢትዮጵያ ዑደት ክገበር’ዩ፣ * ንተዓወትቲ ጋንታታት ወይ ኣትሌታት ዝወሃብ ናይ ክብሪ ምዕጃብ ብድሌት ዝካየድ ክንሱ ንምንታይ’የን ገለ ጋንታታት ዘይደልይኦ፧

ካብ ኣርእስታት ዜና፥ ** ኣውስትራልያዊያን ተመራመርቲ ስነ ፍልጠት ፡ ንሕሙማት መንሽሮ ደም ፡ ካብ ተጻዋርነት መድሃኒት ዝከላኸል ሓድሽ ሕክምና ብምርካቦም ፡ ንሕሙማት ካንሰር ተስፋ ዝህብ ርኽበት ተባሂሉ ። ** ቀዳማይ ሚኒስተር ስኮት ሞሪሰንን መራሒ ተቓዋሚ ሰልፊ ኣንቶኒ ኣልባነስን ኣብቲ ብ 9 ኔትዎርክ እተወደበ ናይ ምርጫ ክትዕ ፡ ንኻልኣይ ግዜ ተራኺቦም ተኻቲዖም። ልኡኽና ዝሰደደልና ጸብጻባት ኣርእስታቶም፥ ኣማኻሪ ፕረዚደንትን ሓላፊ ፖለቲካዊ ጉዳያት ህግደፍን ኣቶ የማነ ገብረኣብ፡ ምስ ኤርትራውያን ነበርቲ ጁባን ከባቢኣን ሰሚናር ኣካይዱ። ኣብ ምዕራብ ትግራይ ንዝተፈጸመ ምጥፋእ ዓሌት መርትዖታቱ ንምስዋር ኣስከሬናት ይቃጸሉ ኣለዉ ተባሂሉ። ውድብ ሕቡራት ሃገራት፡ ኣብ ኢትዮጵያ ዘጋጠሙ ሃይማኖታዊ ጎንጺታት ብዘይወገናዊ ኣካል ክምርመሩ ሓቲቱ። ቃለ ምሕትት፥ ኣቶ ግርማይ ገብረመድህን ኣብ ማሕበረሰብ ኲንስላንድ ብዘበርከቶ ወለንታዊ ስራሕን ናይ ኮሙዩኒትይ ኣገልግሎትን ብ Afriqueensland ክሽለም በቒዑ ኣሎ። ብዛዕባቲ ዝረኸቦ ሽልማትን ዝገብሮም ንጥፈታትን ኣዕሊሉና ኣሎ።ኣብ ናይ ቃለ መሕትት መደብና ክቐርብዩ። ሰሙናዊ መደብ ስፖርት ናይ ኢብራሂም ዓሊ’ውን ቀሪቡ ኣሎ።

ኣርእስታት፥ ኣማኻሪ ፕረዚደንትን ሓላፊ ፖለቲካዊ ጉዳያት ህግደፍን ኣቶ የማነ ገብረኣብ፡ ምስ ኤርትራውያን ነበርቲ ጁባን ከባቢኣን ሰሚናር ኣካይዱ። ኣብ ምዕራብ ትግራይ ንዝተፈጸመ ምጥፋእ ዓሌት መርትዖታቱ ንምስዋር ኣስከሬናት ይቃጸሉ ኣለዉ ተባሂሉ። ውድብ ሕቡራት ሃገራት፡ ኣብ ኢትዮጵያ ዘጋጠሙ ሃይማኖታዊ ጎንጺታት ብዘይወገናዊ ኣካል ክምርመሩ ሓቲቱ። ኢትዮጵያ ሕጂ ውን ዋጋ ነዳዲ ኣብ ሊትሮ 5 ቅርሺ ክውስኽ መምርሒ ኣውጺኣ። እዚ መምርሒ ኣብ ሊትሮ ክሳብ 121 ሚእታዊት ወሰኽ ዋጋ ከም ዘስዓበ ውን ተገሊጹ ኣሎ።ዝብሉን ካልኦትን ኣርእስታት ዝሓዘ ጸብጻብ ኣለና ከነቕርቦ ኢና፣