SBS Tigrinya - ኤስ.ቢ.ኤስ ትግርኛ

ቀንዲ ነጥቢታት ዜና፡

*** ኣብ ቪክቶሪያ ዘሎ ናይ ኮቪድ ዕጽዋ ክሳብ ክልተ መስከረም ተናዊሑ።

**** ከተማ ካቡል ኣብ ትሕቲ ጣሊባን ኣትያ።

***** ብሉጽ ተጻዋቲ ኲዕሶ እግሪ ጀርመን ዓሪፉ

ሓጸርቲ ጸብጻባት፥

ኣብ ኣርባዕተ ዩኒቨርሲታት ትግራይ ዝጸንሑ ልዕሊ 10 ሽሕ ተምሃሮ ካልኦት ክልላት ብሰላም ነናብዓዶም ከም ዝተፋነዉ ሚንስትሪ ትምህርቲ ኢትዮጵያ ኣፍሊጡ።

ዩኒቨርሲቲ ደብረማርቆስ ወተሃደራዊ ታዕሊም ከህብ ከም ዝጀመረ ገሊጹ።

ርእሰ ከተማ ኣምሓራ ባህርዳር ሓዊሱ ብዙሓት ዓበይቲ ከተማታት ክልል ኣምሓራ ሰዓት እቶ እቶ ኣዊጀን።

ፍሉይ ልኡኽ ኣሜሪካ ኣብ ቀርኒ ኣፍሪቃ ዝኾኑ ጀፍሪ ፌልትማን ኢትዮጵያ ሓዊሱ ኣብ ሰለስተ ሃገራት ዘሳልጥዎ ናይ 10 መዓልታት ምብጻሕ ሎሚ ሰኑይ ይጅምር።

ኣብ ኢትዮጵያ ለበዳ ቫይረስ ኮቪድ 19 ይገድድ ከም ዘሎ ሚንስትሪ ጥዕና ኣፍሊጡ። ዝብሉ ኣርእስታት ዝሓዘ ሓጸርቲ ጸብጻባት ልኡኽና።

ጣሊባን ንርእሰ ከተማ ኣፍጋኒስታን ካቡል ተቘጻጺሩ ፡ ድሕሪ ናይ ዕስራ ዓመታት ኣመሪካን ኩሎም ሓይሊታትን ወተሃደራዊ ህላወኦም ምስኣኽተመ ኣብ ልዕሊ መንግስቲ ኣፍጋኒስታን ዓወት ከም ዘመዝገበ ተገሊጹ ።

ናይ ኣውስትራሊያ ፈደራል መንግስቲ ብዛዕባ ወተሃደራዊ ጻዕርታት ንምዝርራብ ፤ ናይ ኣውስትራሊያ ዜጋታት ካብታ ሃገር ናይ ምውፃእ ስራሕ ንምውዳእን ናይ ኣፍጋኒስታንን ሰራሕተኛታት ዝነበሩ ሰባት ንምውጻእ ዝምልከት ክእከብ እዩ ።

ሰሙናዊ መደብ ስፖርት (16/08/2021)

* ኣሰልጣኒ ሃገራዊት ጋንታ ኩዕሶ እግሪ ኢትዮጵያ ውበቱ ኣባተ ኢትዮጵያ ኣንጻር ጋናን ዚምባብወን ንእተካይዶም መጻረዪ ግጥማት ንዋንጫ ዓለም 2022 28 ተጻወቲ ልምምዶም ክጅምሩ መሪጹ፡

* ኣብ መባእታዊ መጻረዪ ግጥማት ናብ’ቲ ኮስታሪካ ተአንግዶ ዋንጫ ዓለም ኩዕሶ እግሪ ፊፋ ደቀንስትዮ መንእሰያት ት20 ኤርትራ ንጂቡቲ ኣብ ቀዳማይ እግሪ ግጥም 3-1 ስዒራታ፡

* ኤርትራዊ ተቐዳዳማይ ቢንያም ግርማይ ኣብ ቅድድም ብሽግለታ ዙር ፖሎኝ ጽቡቕ ምንቅስቓስ ኣርእዩ፡ ዳዊት የማነ ከኣ ምስ ጋንታ ባይክ ኤይድ ተጸንቢሩ፡

* ሰለስተ መዳልያታት ብምዕታር ኣብ’ቲ ኣብ ቀረባ ግዜ ዝተዛዘመ ግጥማት ኦሎምፒክስ ቶክዮ 2020 ቅያ ዝሰርሐት ኢትዮጵያ ዝመበቆላ ነዘርላንዳዊት ሲፋን ሓሰን ንኢትዮጵያ ወኪላ ከይትወዳደር ምውሳና ከምዘየጣዕሳን ኣብ’ታ ሃገራ ሰላም ክወርድ ከምእትደልን ገሊጻ፡

ኣብ ማሕበረሰብ ኤርትርትራዊያን ኣዚዮ ኣዛራረብቲ ዛዕባታት ዝኾኑ ሓሳባትን ሓባራዊ ፍታሓትን ኣልዒልና ምስ ኣቶ መዝሙር ፍስሃየ ካብ ምዕራብ ኣውስትራሊያ ከተማ ፐርዝ ከምኡ'ውን ኡስታዝ ሑሴን ዓብደልዋስዕ ካብ ቪክቶሪያ ከተማ መልበርን ዝገበርናዮ ዝርርብ ቀዳማይ ክፋል ኣቕሪብና ኔርና፡ ሎሚ ካል ኣይን ናይ መወዳእታን ክፋሉ ቀሪብና ኣለና።

ኣርእስታት ዜና፥

** New South ሎሚ 345 ሓደሽቲ መልከፍቲን ክልተ ሞትን ኣመዝጊባ

*** ሰራዊት ኢትዮጵያን ኤርትራን ኣብ እዋን ኲናት ትግራይ ብኣማኢት ንዝቑጸራ ኣንስትን ኣዋልድን ዓሚጾም ፣ ክብል ኣምነስቲ ኢንተርናሽናል ትማሊ ኣፍሊጡ ።

** ሊዮነል መሲ፡ ምስ ፓሪስ ሰይንት ጀርመይን ንምፍራም ዝገበሮ ውሳነ ነይማር  ቀንዲ ረቛሒ ምንባሩ ገሊጹ ።

ኣርእስታት ጸብጻብ፥

ኣምነስቲ ኢንተርናሽናል ኣብ ትግራይ ጾታዊ ዓመጽን ባርነትን ዝፈጸሙ ወተሃደራት ኢትዮጵያን ኤርትራን ከምኡ’ውን ዕጡቓት ኣምሓራ ክሕተቱ ሓዱሽ ኣብ ዘውጽኦ ጸብጻብ ሓቲቱ።

 ሓይልታት ትግራይን ሰራዊት ግንባር ናጽነት ኦሮሞን ብሓንሳብ ኮይኖም ንመንግስቲ ኢትዮጵያን መሻርኽትን ክወግኡ ተሰማሚዖም።

መንግስቲ ኢትዮጵያ ን9 ዓበይቲ ሚድያታት ዓለም ኣጸባጽባ ኣዛቢዐን ኢሉ ከሲሱ።

ሃገራዊ ባንኪ ቀጠር ኤርትራ ዘይከፈለቶ ልቓሕ 300 ሚልዮን ዶላር ክትከፍል ንምግዳድ ንቤት ፍርዲ ኣሜሪካ ሓቲቱ ዝብሉ ኣርእስታት ዝሓዘ ጸብጻብ ልኡኽና ክቐርብ እዩ።

ዉድብ ጥዕና ዓለም ሰለስተ ሓድሽ ናይ ኮቪድ-19  መድሓኒታት ይምርምር ኣሎ ።

እዚ ሓድሽ ናይ ክታበት ተበግሶ ኣብ ሰሜን ኣመሪካ ን ቺለ ነቲ ኣብ  ናይ ሳልሳይ ክታበት ፕሮግራም ተጀሚሩ ኣብዘሎ እዋንዩ ።

ኣብ ማሕበረሰብ ኤርትርትራዊያን ኣዚዮ ኣዛራረብቲ ዛዕባታት ዝኾኑ ሓሳባትን ሓባራዊ ፍታሓትን ኣልዒልና ምስ ኣቶ መዝሙር ፍስሃየ ካብ ምዕራብ ኣውስትራሊያ ከተማ ፐርዝ ከምኡ'ውን ኡስታዝ ሑሴን ዓብደልዋስዕ ካብ ቪክቶሪያ ከተማ መልበርን ዓዲምናዮም ኣለና። ኣብዚ ቀዳማይ ክፋል ኣረኣያታት ኤርትራዊያን ምስቲ ኣብ ኢትዮጵያ ዘሎ ኲናትን ተተሓሒዙ ዝቐረበ'ዩ።

ትማሃሩ ወይ ትሰርሑ እንተኾይንኩም፡ ኣብ ገዛኹም ድማ ቆልዑ እንተሃልዩኩም ፤ ኣብ ኣውስትራሊያ ብመንግስቲ ዝድጎም ናይ መውዓሊ ህጻናት ኣገልግሎት  ክትረኽቡ ትኽእሉ ። ነቲ ናይ ንጥፈታት መርመራታት እንተዓጊብካዮ ፣ እቲ መጠን ናይ መንግስቲ ድጎማ ድማ ኣብቲ ናይ ስድራቤት እቶት ይምርኮስ ።