SBS Tigrinya - ኤስ.ቢ.ኤስ ትግርኛ

ቀንዲ ነጥቢታት ዜና፡

*** ኣብ ኒው ሳውዝ ዌልስ ተወሳኺ 283 ብኮሮናቫይረስ ዝመሓላለፉ ሰባትን ካልእ ሞትን ከምዘጋጠመ ተረጋጊጹ።

**** ብዙሕ ከባቢታት ሱዳን ብማይ ኣጥለቕሊቑ።

***** ዉድድራት ኦሎምፒክ ተዛዚሙ

ሓጸርቲ ጸብጻባት፥

ሱዳን ኣብ ኢትዮጵያ  ዝነበረ ኣምባሳደራ ንምምይይጥ ስሒባ።

ዋጋ ዶላር ኣብ ኢትዮጵያ ብ5 ዕጽፊ ወሲኹ ተባሂሉ።

ትካላት ጥዕና ኢትዮጵያ ብውጉኣት ኩናት ከም ዘዕለቕለቓ ተገሊጹ።

ኣብ ምዕራብ ትግራይ መቕተልቲን ምድጓንን ተጋሩ ገዲዱ ከም ዘሎ ተገሊጹ። ዝብሉ ኣርእስታት ዝሓዘ ሓጸርቲ ጸብጻባት ልኡኽና።

ብሰንኪ ብዝሒ መልከፍቲ ኮቪድ-19 ዳርጋ ርብዒ ከተማ ሜክሲኮ ሲቲ ኣብ ዝለዓለ ደረጃ ንቕሓት ይርከብ ።

እዚ ኣብ ቱኒዝያ ፡ ክታበት ኣስትራዘነካ ዘጠቓልል ጽዑቕ ናይ ክታበት ወፍሪ ጀሚሩ ኣሎ።

 ጸብጻብ...

ሰሙናዊ መደብ ስፖርት (09/08/2021)

* ወናኒት ክብረወሰን ዓለም 10000 ሜ ኢትዮጵያዊት ለተሰንበት ግደይ ኣብ ኦሎምፒክስ ቶክዮ 2020 ኣብ’ቲ ክትዕወተሉ ብዙሕ ትጽቢት ተገይሩላ ዝነበረ ውድድር 10000 ሜ ሳልሰይቲ ብምውጻእ ነሓስ መዳልያ ተሰሊማ፡

* ኤርትራዊ ተቐዳዳማይ ብሽግለታ ቢንያም ግርማይ ብደረጃ ዙር ዓለም ምስ ትወዳደር ጋንታ ኢንተርማርች-ዋንቲ-ጎቤር ክወዳደር ውዕል ከምዝፈረመ ተፈሊጡ፡

* ኦሎምፒክስ ቶክዮ 2020 ብዓወት ተዛዚሙ፡ ሱታፌ ኢትዮጵያን ዘመዝገበቶ ውጽኢትን ብብዙሓት ነቐፌታት ይዘንቦ፡ ኣብ መሪሕነት ለውጥታት ክተኣታተውን ስፖርት ዝያዳ ቆላሕታ ክግበረሉን መጸዋዕታታት ይቐርቡ፡

* ኦሎምፒክስ ቶክዮ ስደተኛታት ዓለም ዝተሓበንሉ ኮይኑ ሓሊፉ፣ ኣብ ኣውስትራልያ ደቡብ ሱዳን መበቆል ዘለዎ ፒተር ቦል ቀልቢ ሃገር ስሒቡ፡

ካብ ብዙሕ ሃገራት ዓለም ኤርትራዊያን እተሳተፍዎ ናይ ዙም ዝኼባ ብምግባር "ዓለም ለኻዊ ምንቅስቓስ ይ ኣክል ኤርትራዊያን" ከምዝቖመን ነቲ ምንቅስቓስ ዝመርሑ ከምተመርጹን ክግለጽ ቀኒዩ ኣሎ። ብዛዕባ'ቲ ተመስሪቱ ዘሎ ምንቅስቓስ ዕላማኡን ግብራዊ ንጥፈታቱን እንታይ ከምዝኾነ ኣቦ መንበር ናይቲ ምንቅስቓስ ኣቶ ሰገድ ሓጎስን ምክትል ኣቦ መንበር ኣቶ ሓምድ ሳልምን መብርሂ ሂቦም ኣለዉ። ኣብዚ ብምጥዋቕ ምሉእ ትሕዝቶ እቲ ቃለ መሕትት ክትሰምዕዎ ትኽእሉ ኢኹም።

ያረድ ኤልሳእ፡ በዓል ቤታ ንወ/ሮ ኣን፡ ኣቦኦም ንሚካኤል፡ ኤልሳቤጥን ፍረወይኒን፡ ብክእለቱን ዓቕሙን እተመስከረሉን እተኸብረን ኢንጂኔር፡ ካብ ኤርትራዊያን ንፈለማ ናብ ኣውስትራሊያ ብስደት ዝመጸ፡ ድሕሪ ናይ ሒደት መዓልታት ሕማም ብዕለት 31/07/2021 ካብ'ዚ ዓለም ብሞት ተፈልዩ። ስድራቤት ያረድ፡ ንሓኻይምን ሰራሕተኛታትን ሆስፒታል ሞልግሬቭ ንያረድ ዘር ኣይዎ ክንክን ኣመስጊኖም ኣለዉ።

ንሕና’ውን ን ኢንጂኔር ያረድ ዕረፍቲ፡ ንምሉእ ስድራቤት ድማ ምጽንናዕ እናተመነና፡ ቅድሚ ሕጂ ምስ ኢንጂኔር ያረድ ኤልሳእ ዝገበርናዮ ቃለ መሕትት ደጊምና ነቕርቦ ኣለና።

ኣርእስታት ዜና፥

** ኒው ሳውዝ ወልስ ሎሚ  262 ሓዲሽ መልከፍቲ  COVID-19 ኣመዝጊባ ሓሙሽተ ሰባት ድማ በዚ ሕማም ሞይቶም።

**ኣውስትራሊያዊ ፒተር ቦል ኣብ ናይ 800ሜ ናይ መወዳእታ ዉድድር ራብዓይ ደረጃ ሒዙ ወዲኡ

** ሰራዊት ኤርትራ ካብ ኢትዮጵያ ጠቕሊሉ ክወጽእ፣ ዕጡቓት ኣምሓራ ካብ ምዕራባዊ ትግራይ ፤ ሓይልታት ትግራይ ካብ ክልላት ዓፋርን ኣምሓራን ክወጹ ኣሜሪካ ጸዊዓ።

ዓለማዊ ውድብ ጥዕና ፡  ሃብታማት ሃገራት  ተወሳኺ መደንፍዒ ክታበት ኮቪድ-19 ምሃብ ደው ክብል ጸዊዑ ።

ሓጸርቲ ጸብጻብ፥

ሓላፊ ትካል ረድኤት ሕቡራት ሃገራትን ማርቲን ግሪፍቲዝ ኣብ ትግራይ ኣብ ዝጸንሐለን መዓልታት  ቤቶም ብምዕናዉ መጽለሊ፣ እኽሎም ብምዝማቱ ዝብላዕ ዘይብሎም ሰባት ርእዮ ከም ዝሓዘነ ገሊጾም።

ኣብ ትግራይ ዝርከቡ ኤርትራውያን ስደተኛታት ናብ ካልእ ቦታ ክግዕዙ ይሰርሕ ከም ዘሎ ላዕለዋይ ኮሚሽነር ስደተኛታት ውድብ ሕቡራት ሃገራት ኣፍሊጡ።

ሚንስተር ጉዳይ ወጻኢ ኣሜሪካ ኣንቶኒ ቢሊንከን ምስ ቀዳማይ ሚንስተር ሱዳን ዓብደላ ሓምዶክ ኣብ ኢትዮጵያ ዘሎ ውግእ ደው ኢሉ ሰብኣዊ ረድኤት ናብ ትግራይ ብዛዕባ ዝኣትወሉ ናይ ስልኪ ዘተ ከም ዘሳለጡ ኣፍሊጦም።

ሓላፊት ዓለምለኻዊ ትካል ረድኤት ኣሜሪካ ሳማንታ ፓወር ምስ ቀዳማይ ሚንስተር ኢትዮጵያ ኣብይ ኣሕመድ ክትዘራረብ ዝተትሓዘ መደብ ከም ዘይሰለጠ ብምግላጽ መንግስቲ ኢትዮጵያ ኣንጻር ተጋሩ ዘቕንዑ ጎስጓሳት ጽልኢ ከም ዝተጸምደ ከሲሳ። ዝብሉ ኣርእስታት ዝሓዘ ጸብጻብ ልኡኽና ኣብዚ ቀሪቡ ኣሎ።

ቫይረስ ኮሮና ኣብ ግዝኣታትን ክልላትን መዓልታዊ ንጥፈታት ህይወት ሰባት ዓናቒፉ ክኸውን ይኽእል እዩ: ይኹን እምበር ለበዳ ኮቪድ-19 ነቲ ኣብ ዝመጽእመዓልታት  ዝግበር ቆጸራ ህዝቢ መደባት ካብ ምትግባር ንድሕሪት ኣይከብልን ኣዩ ።

ቤት ፅሕፈት ስታቲስቲክስ ኣውስትራልያ ፡ ዋላ'ኳ ለበዳታት ዕጽዋን ኮቪድ-19ን እንተሎኳ፡ ዛጊት ካብተራእየ እቲ ዝዓበየ ቈጸራ ህዝቢ ንምክያድ ዘኽእል ቅኑዕ መስርሕ ከምዘዳለወ ይተኣማመን።

ሓጸርቲ ጸብጻብ፥

ሓላፊ ትካል ሰብኣዊ ረድኤት ውድብ ሕቡራት ሃገራት ኣብ ልዕሊ ወሃብቲ ሰብኣዊ ረድኤት ዝግበር ጠቐነ ደው ክብል ኣለዎ ኢሎም።

ሓይልታት ትግራይ ካብ ክልላት ዓፋርን ኣምሓራን: ሰራዊት ኤርትራ ካብ ኢትዮጵያ ጠቕሊሉ ክወጽእ፣ ዕጡቓት ኣምሓራ ካብ ምዕራባዊ ትግራይ ፤ ክወጹ ኣሜሪካ ጸዊዓ።

ጉጅለ ዶብ ኣልቦ ሓካይም ዝርከቡዎም ኣብ ትግራይ ሰብኣዊ ረድኤት ዘቕርቡ ዝነበሩ ትካል ብመንግስቲ ኢትዮጵያ ከም ዝተኣገዱ ገሊጾም።

ዝሓለፈ ሰሙን ጁቡቲ ምስ ኢትዮጵያን ኤርትራን ኣብ ትዋሰነሉ ከባቢ ኣብ ሞንጎ ዓፋርን ሶማልን ብዝተወለዐ ጎንጺ ሰለስተ ሰባት ከም ዝተቐትሉ ዓቃቢ ሕጊ ጁቡቲ ተዛሪቡ።