Andreas ille "PlusDomus" (vulgo 'Morehouse') ad nos taeniolam misit et rogat quid coquis imperitis persuaderemus ut initium coquendi bene facerent.  Catherina Andreae suadet ut holera in fornace assare debeat.  Haec sunt praecepta:  Ut laves batatas (rubras, albas, 'russet', vel aureas) carotas betasque.  Decet putamina e betis deglubere sed non necesse est putamina e batatis nec carotis removere nisi velis.  Seces holera in frusta magnitudine ut uno morsu edere possis (ne frusta nimis magna sint et non in ore tuo conveniant.)  Misceas batatas cum oleo olivae et sterne batatas in magno ferculo sive sartagine.  Sparge cum sale, pipere, et herbis (e.g. thymum, rosamarium, basilicum)  Ponas in fornace (400 F) decem minutas.  Misce interea betas et carotas cum oleo olivae, sale, pipere, et herbis selectis.  Deinde removeas ferculum ex fornace et addas betas et carotas.  Reponas in fornacem et asses decem plus minutas.  Si vis, iterum removeas ferculum et farcimina addas.  Totum ferculum assare debet semis horae, dum holera et carnes bene cocta sint et  in fines brunnescant.  Removeas ferculum e fornace et bene cenabis!

Hoc in episodio, de semesis piscibus, semesis leporibus, et semesis panibus fartis loquimur.

Hoc in episodio, Timotheus et Catherina garriuntur de cibis nocte peracta coctis, qui iam bene sapiunt.

Aestas finem appropinquat sed plantae multae poma producunt.  Hac in sermone, Catherina et Timotheus de lycopersicis ex horto proprio et ex hortis publicis colloquuntur et de variis modis coquendis.  

Hoc in episodio, amica nostra Annula nos docet de glacie edibili- ubi vendat, quomodo sapiat, qualis sit mixtura optima saporum.

Aestate paene confecta, Timotheus et Catherina ad Secundam Mensam revenerunt.  Hoc in primo episodio seriei secundae, de cibis aestatis loquuntur, praecipue de cenis in Cenomania (quae est civitas in America Septentrionali inter Canadam et Oceanum Atlanticum.)

Hac in altera parte sermonis de piscibus crudis et coquina Iaponica, Timotheus et Catherina etiam colloquimur de moribus aestivis, de aquis, de caelo et sideribus, et nuntiamus pausam brevem huius seriei.

Aestas adest et animae nostrae ad aquam et pisces vertunt.  Hac in prima parte sermonis, de piscibus crudis colloqui coepimus sed quoque de condimento - id est ius soiae - garrimus.  Habesne ius soiae in paenario vel in frigidario?

Hoc in episodio, Timotheus et Catherina de Malis Persicis sapidissimis, et de quodam 'pseudocibo' horribili loquuntur.

Hoc in episodio, Timotheus et Catherina de pomis veris (fragum), de holeribus veris (reubarbarum), et de bestiis aquatilibus (murenae) loquuntur.