殺人魔MORE查

By 阿珍 & 阿崔True Crime

殺人魔MORE查 episodes

January 20, 2024 #94 汐止世紀賤男密室殺人案 - 張鶴齡
今日講一單看似係密室殺人，好似好懸疑，但實際上係一個世紀大賤+大廢男，令人勁嬲嘅故事🤬
兇手將環境精心佈置，輕鬆呃咗當時只想扮工嘅警方，係咩原因令成班汐止警員無視法醫報告，exclude他殺可能？又係點解佢哋會「咁醒」，第一時間排除死者老公？
好彩案發後兩年後有正直二人組，佢哋唔肯放棄，只想畀個交代死者家人，最後案件經歷咗十年先正式畫上句號。除咗因為搜證好難，仲因為嫌疑人一直身在外地，令警方無能為力。。。。
到底佢哋點樣逐個逐個難題解決？點樣抽絲剝繭搵到真兇？真兇又係唔係得一個？
請即收聽！👂🏻👂🏻
47 min
January 06, 2024 #93 虎毒吃子倫常慘劇 - 花蓮劉家五子命案
今次要同大家分享一單台灣好好好好好出名嘅倫常慘劇 — 花蓮五子命案🥶
五個小朋友喺屋企嘅廁所慘死，死狀恐怖，屍體一具疊一具……
究竟一直唔現身嘅父母去咗邊？
呢單案嘅「真相」喺案發後9年先被揭曉，你又覺得會唔會另一個可能……？😵‍💫
想講prep呢單案嘅時候真係搞到我勁心寒，所以如果大家邊聽邊睇相，向左碌嘅時候要有心理準備🙏
49 min
December 30, 2023 #92 台北計程車之狼連環姦殺案 - 張正義
2023年嘅尾聲，為大家帶來台灣系列第三集！
台北一個月內發生咗3單強姦殺人案，三個受害人被人由車扔出，棄屍喺大街😖兇手看似target咗特定嘅女性，令當時個個都隨身攜帶防狼噴霧，學定防狼術😨😨
當年冇乜CCTV，科技又冇咁發達，警方費盡心思都冇乜進展，最後係靠咩搵到兇手？
因為案件鬧得沸沸揚揚，兇手被捕後被速審速決，都冇深入研究佢嘅背景，同埋心理狀況☹️如果唔係發生係1988年，相信一定會有更加多關於環境同埋心理嘅描寫🤔
36 min
December 17, 2023 #91 台北捷運隨機殺人事件 - 鄭捷
今集阿珍為大家帶嚟一單震驚台灣嘅無差別殺人事件 — 台北捷運隨機殺人事件⚠️
呢單案絕對係無人不知，相信當年嘅香港人都緊貼事態發展！👀
兇手鄭捷喺短短3分幾鐘嘅車程同埋落車後嘅半分鐘內，用短刀無差別咁連續襲擊陌生嘅乘客，最後造成4死24傷😔
鄭捷嘅成魔之路係點？除咗案發過程之外，事前同事後究竟發生咗咩事？😵‍💫
快啲趁熱聽吓啦☝🏼
P.S. 最後有阿珍開心share喺地鐵遇到醉酒佬嘅事😂嗰part完全係一刀不剪㗎！小心爆咪！
1 hr
December 09, 2023 #90 呃保險連環殺人魔 - 陳瑞欽
轉眼間我哋去到第七季，踏足台灣了！
打響頭炮為大家帶來一單呃保險連環殺人案🥶🥶每次佢等錢洗，佢嘅屋企人就會意外身亡… 戲子殺人犯殺咗五個親人，親生仔都照落手，仲可以哭腔話自己好委屈！？
被警方盯上仍然作案，將魔爪伸向朋友😨同佢有聯繫嘅人都會離奇失蹤…
點解咁多單佢都暪得過，呃咗幾千萬保險金，但去到2003年就畀人捉到？到底佢咩事要咁多錢呢？
即刻聽下最新一集🫶🏻
49 min
November 26, 2023 #89 聽眾提案：真兇總是老公嗎? - Pamela Hupp
登登登凳！

今集係史上第一集不限題材不限地區嘅聽眾提案！佢將會存在於澳洲系列同下個系列嘅中間👀

搞呢次提案嘅時候，我哋收到接近80個唔同嘅提案，喺呢度再次多謝各位嘅參與💛love u guys🙌

今集係一單「一反常態」、估佢唔到嘅案件🤯

’It’s always the husband.’
當全世界都以為兇手就係個老公，真兇仲會唔會得到佢應得嘅懲罰？

因為ig相片有限🙏po唔到最後嗰位受害者俾大家睇🙏

另外後半集唔知點解回音比較大，將就吓啦😚
1 hr 7 min
November 21, 2023 #88 Leigh Leigh 性侵謀殺案 - Matthew Webster, Guy Wilson, NC1
來到真。澳洲系列最後一集！今集嘅離譜程度係令我同珍姐都唔敢相信佢係一單澳洲case🥲
14歲Leigh Leigh出門去同學嘅生日party，但冇按時番屋企… 手提電話又未普久，屋企人擔心但冇計可施☹️ 失去聯絡嘅Leigh Leigh 第二日喺沙灘被發現，可惜佢已經失去生命體徵… 而且佢嘅身體有多處受傷，衫褲都被除咗，仲受過暴力對待🥺
到底係咩人要對一個小妹妹狠下毒手，重手地攻擊佢之除仲要性侵佢。明明兇手留底好多證據，點解單案仲有咁多疑點？點解惹起公憤？點解拖咗三個月先起訴嫌疑人？
想一齊嬲就快啲收聽啦！🔥
PS: 46:15應該係Kerry唔係Leigh Leigh🙏🏻
52 min
November 11, 2023 #87 澳洲冷血黑寡婦殺手 - Patricia Byers
今集因為技術問題遲咗出，不過幾經辛苦終於搞返掂🥳
今集嘅主角係人稱澳洲黑寡婦嘅Patricia Byers👿
凌晨3點鐘，有一架私家遊艇喺摩頓灣海域發出咗幾次求救訊號，救援人員上船之後，發現一男一女頭部受傷……中間究竟發生咗咩事？
遊艇事件有定案之後，犯人仲被揭發有謀殺前夫嘅嫌疑！🥶
當中嘅案情都相當曲折離奇，想知中間發生過咩事就快啲聽新一集啦！🎙️
P.S. sorry今集有啲位係補錄嘅，所以聽落會有啲突兀，已經盡力補救了唔好意思🫡
52 min
October 28, 2023 #86 戲子殺害妻女 Sharpe Family Murders - John Myles Sharpe
話咁快嚟到澳洲系列嘅尾二嘅一集了！懷孕嘅Anna同20個月大嘅女女離奇失蹤，但冇幾耐之後朋友同屋企人都紛紛收到嚟自「Anna」嘅訊息？
Anna老公看似係悲劇主角，仲喺鏡頭面前情深款款，表現得十分傷心，點知佢只係一個戲子！自編自導自演，極殘忍咁殺害咗最親嘅身邊人… 仲精密咁諗過棄屍地點🥶
點解佢要咁做？到底發生咩事令佢對住個女都落到手😢 小妹妹短暫嘅生命都過得不容易☹️
想知呢家人發生咩事，即刻聽聽啦！
43 min
October 21, 2023 #85 兇手收養了倖存者：林家血案 - 謝連斌
今集又係一單喺澳洲超級出名嘅華人案件 — 林家血案🩸🔨
受害者一家先後移民到澳洲展開新生活，家庭生活美滿又充實🏡
但就喺一次平常嘅家庭聚會後，大哥林暋一家被人無聲無色咁殺害，全家只係剩低長女林珺一個！😱
倖存嘅長女竟然仲俾兇手收養咗？！
案件喺多年後更被爆出更多內情，竟然係案中案？？！
究竟係咩案情會令崔姐聽到想嘔？🤢
立即收聽啦👉🏻
1 hr 10 min