​​​ជា​ប្រទេស​​​ដ៏​តូច​ក្រីក្រ​ជាង​គេ​មួយ​នៅអឺរ៉ុប ម៉ុលដាវី ដែល​មាន​​ព្រំដែនដ៏​វែង​ជាប់​​អ៊ុយក្រែន​ និង​​រស់​ក្នុងការ​​គំរាមកំហែង​ពី​រុស្ស៊ី​ដែរ។ តែ​នៅថ្ងៃ​ព្រហស្បតិ៍​ទី ១​ មិថុនា ២០២៣នេះ ​ម៉ុល​ដាវី បាន​ធ្វើ​ម្ចាស់​ផ្ទះ ទទួល​ស្វាគមន៍​ប្រមុខ​រដ្ឋ-រដ្ឋាភិបាល​អឺរ៉ុប ជិត​៥០ប្រទេស ដែល​មក​ជួប​​​ជុំ​គ្នា​ បើក​ជំនួប​កំពូល​សហគមន៍នយោបាយ​អឺរ៉ុប​ជា​លើកទីពីរ។ ប្រធានាធិបតី​អ៊ុយក្រែន លោក ហ្សេឡេនស្គី​ ក៏​ធ្វើ​ដំណើរ​មក​ចូល​រួម​ដោយ​ផ្ទាល់​​ដែរ។