Die Federasie van Beheerliggame van Suid-Afrikaanse Skole (FEDSAS) sê 'n openbare skool se uitgawes aan munisipale dienste is meer as die staat se bydrae tot 'n skool se bedryfsbegroting. Fedsas het onlangs 'n opname oor skoolfinansies by 561 openbare skole gedoen. Die organisasie se adjunkhoof, dr. Jaco Deacon, sê skole bestee ook baie geld aan beheerligaamposte en die vrystelling van skoolgeld.