​​រដ្ឋាភិបាល​កម្ពុជា កាល​ពី​ថ្ងៃ​ទី​០៨​ខែ​តុលា បាន​សម្រេច​តែងតាំង​សមាសភាព​គណៈកម្មាធិការ​គ្រប់គ្រង់ និង​អភិវឌ្ឍ​សហគមន៍​ទេសចរណ៍ និង​អេកូ​ទេសចរណ៍​នៅ​កម្ពុជា​។ ការ​សម្រេច​នេះ ធ្វើ​ឡើង​បន្ទាប់​ពី​រដ្ឋាភិបាល​បាន​មើល​ឃើញ​ពី​សក្ដានុពល​នៃ​តំបន់​អេកូ​ទេសចរណ៍ ដែល​អាច​ផ្ដល់​ផល​ចំណេញ​ដល់​សេដ្ឋកិច្ច​ជាតិ នៅ​ក្នុង​បរិបទ​កូវីដ​១៩​។ ក្រៅ​ពី​ផល​ចំណេញ​ផ្នែក​សេដ្ឋកិច្ច​ជាតិ សហគមន៍​ទេសចរណ៍​និង​តំបន់​អេកូ​ទេសចរណ៍ ក៏​ជា​​​ប្រភព​ចំណូលដ៏​សំខាន់​របស់​​ពលរដ្ឋ​នៅ​ក្នុង​តំបន់ និង​ពិសេស​ជាង​នេះ វាអាច​រួម​ចំណែក​ថែ​រក្សា​ធនធាន​ធម្មជាតិ​នៅ​កម្ពុជា​បានប្រកប​ដោយ​ប្រសិទ្ធភាព​។