ចាប់ពីថ្ងៃទី២៩ ខែឧសភា ដល់ថ្ងៃទី០១ ខែកក្កដា ឆ្នាំ២០២៥ មានព្រះសង្ឃ និងគ្រហស្ថចំនួន ៣០អង្គ/នាក់ នឹងធ្វើធម្មយាត្រាថ្មើរជើងនៅលើជួរភ្នំក្រវាញដោយឆ្លងកាត់ខេត្តកោះកុង កំពង់ស្ពឺ និងពោធិ៍សាត់។ ធម្មយាត្រានេះធ្វើឡើងក្រោមប្រធានបទ «ដំណើរអភិរក្ស (Wolk To Preserve)» ដែលមានចម្ងាយ ២៧០គីឡូម៉េត្រ។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី២៨ ខែឧសភា ឆ្នាំ២០២៥ នេះ សម្តេចព្រះមហាអរិយវង្ស យ៉ន សេងយៀត ព្រះសាកលវិទ្យាធិការនៃពុទ្ធិកសាកលវិទ្យាល័យព្រះសីហនុរាជ និងជាព្រះចៅអធិការវត្តឧណ្ណាលោម បានមានសង្ឃដីកាថាការធ្វើធម្មយាត្រានេះ គឺដើម្បីលើកកម្ពស់ការយល់ដឹងពីសារៈសំខាន់នៃព្រៃឈើ រួមនឹងការការពារ និងអភិរក្សព្រៃឈើខ្មែរ៕