ព្រះ​សព​សម្ដេច​ក្រុម​ព្រះ នរោត្តម រណឫទ្ធិ បាន​យាង​ដង្ហែ​មក​ដល់​ប្រទេស​កម្ពុជា​វិញ​ហើយ នៅ​ថ្ងៃ​អាទិត្យ ទី​០៥​ខែ​ធ្នូ​ម្សិលមិញ ពោល​គឺ​មួយ​សប្ដាហ៍​បន្ទាប់​ពី​ទ្រង់​យាង​សោយ​ទិវង្គត នៅ​ប្រទេស​បារាំង​ ​កាល​ពី​ថ្ងៃ​ទី​២៨​វិច្ឆិកា។  ការ​យាង​សោយ​ទិវង្គត​របស់​សម្ដេច​ក្រុម​ព្រះ គឺ​ជា​ការ​បាត់​បង់​តួ​អង្គ​នយោបាយ​មួយ​រូប ដែល​ធ្លាប់​លោត​លេង​យ៉ាង​សកម្ម​នៅ​លើ​​ឆាក​នយោបាយ​កម្ពុជា​ កាល​ពីជាង​​៣​ទសវត្ស​មុន​។