ថ្ងៃសុក្រទី​២៨មេសា សម្តេចប៉ាប ហ្វ្រង់ស្វ័រ ប្រមុខសង្ឃកាតូលិក បាន​យាងទៅដល់​ទីក្រុង​ប៊ូដាប៉េសត៍ ប្រទេសហុងគ្រី ក្នុងដំណើរ​ទស្សនកិច្ច​រយៈពេល​៣ថ្ងៃ។ កន្លងមក យើងបាន​សង្កេតឃើញថា សម្តេចប៉ាបហ្វ្រង់ស្វ័រ និង​លោកវិកទ័រ អកបាន នាយករដ្ឋមន្ត្រីហុងគ្រី មានទំនោរមិនស្របគ្នាទេ ទាក់ទិននឹងសំណុំរឿងជនភៀសខ្លួន។ តែយ៉ាងណា អ្នកវិភាគជឿថា តាមរយៈ​ទស្សនកិច្ចនាពេលនេះ គឺ​សម្តេចប៉ាប ទំនងជាចង់រួមកម្លាំងជាមួយ​លោក​នាយករដ្ឋមន្ត្រីហុងគ្រី ដើម្បីអំពាវនាវ ឲ្យ​មានការស្តារសន្តិភាពនៅអ៊ុយក្រែន ជាជាងការប្រគល់អាវុធឲ្យអ៊ុយក្រែនបន្តធ្វើសង្គ្រាម ដូចអ្វីដែលក្រុម​ប្រទេសស​ម្ព័ន្ធមិត្ត​លោកខាងលិច​កំពុងតែធ្វើនោះ​។