​មុនថ្ងៃទី២៤កុម្ភៈ ខួប១ឆ្នាំនៃសង្គ្រាមរុស្ស៊ីនៅអ៊ុយក្រែន ថ្នាក់ដឹកនាំពិភពលោកសុទ្ធតែនាំគ្នា ថ្លែង​សុន្ទរកថា នៅថ្ងៃអង្គារ​ ទី​២១កុម្ភៈ​​។ ​ប្រធានាធិបតីរុស្ស៊ី វ្ល៉ាឌីមៀរ​ ពូទីន ថ្លែងសុន្ទរកថាពីក្រុង​ម៉ូស្កូ ខណៈ​ប្រធានាធិបតីសហរដ្ឋ​អាមេរិក ចូ បៃដិន ​មានប្រសាសន៍  ពីប្រទេស​ប៉ូឡូញ។ ប៉ូឡូញ ជាទី​ដែល​ប្រមុខ​ដឹកនាំ​អាមេរិក ​ជួប​ជាមួយ​ថ្នាក់ដឹកនាំ​អឺរ៉ុប​ជាច្រើន ដើម្បី​ពិភាក្សា​ពី​សេណារីយ៉ូ​សង្គ្រាម​ឈានពានរបស់​រុស្ស៊ី​​។ ចំណែក ប្រធានាធិបតីចិន ស៊ី ជិនពីង ក៏នឹងថ្លែងការណ៍ដែរ ក្នុងសប្តាហ៍នេះ។ ក៏ប៉ុន្តែ នៅ​មុនសុន្ទរកថារបស់ប្រមុខដឹកនាំធំៗ​ពិភពលោក  ប្រមុខការទូតចិន បានអំពាវនាវពីក្រុង​ប៉េកាំង​​​ថា​ឲ្យភាគីទាំងអស់ដោះស្រាយជម្លោះអ៊ុយក្រែនតាមផ្លូវចរចា។