Söhbətgah

Bu dəfə #Söhbətgah-da linçləmə, insanların düşüncəsinə görə təkləməkdən danışırıq. #CancelCulture son 4 ilin kəşfidir. Bir şəxsin etdiklərinə görə (pis və ya yaxşı fərq etməz) insanların onu təkləməsi, linç etməsi, ləğv etməsi və ya imtina etməsidir. İnsanlar niyə belə amansızdırlar? Bir-birinin yazdığını lağlağıya qoymaq, ələ salmaq və ya digərlərinin hisslərilə oynamaq niyə yarandı?

Siz də öz fikirlərinizi bölüşə bilərsiniz. #Münasibət

Bu dəfə #Söhbətgah-da #kino-dan danışırıq. Gülşən Salamlı Los-Angeles Kino Akademiyasının məzunudur, həm də ingilis dilində şeirlər yazır. Onunla ABŞ-a getməsindən, kino sənayesindən və şeirlərdən danışdıq. Bu videonu biz studiyamızın təmirindən öncə yazmışıq. Səs və görüntünü üzrlü sayın

Bu gün #Münasibət -də #tənhalıq -dan danışdıq. Tənhalıq nədir? Tərk edilmişlik duyğusu, yoxsa zirvədə təklikdir? Tənha insan güclü ola bilərmi? Biz əslində təkikmi? Bütün bunlar haqqında #Söhbətgah -da söhbətləşdik.

Siz də tənhalıq haqqında fikirlərinizi yazın. Müəlliflərlə razılaşmadığınız və özünüzün başa düşdüyünüz tərzdə tənhalıqdan danışın. Bütün şərhləri oxuyuruq.

Bu dəfə #Söhbətgah-da idmandan danışdıq. #Crossfit məşqçisi Zeynal Zeynalova çoxlu sualımız oldu. Hansı idman qidaları qəbul edilməlidir? Niyə hoppanmalı və niyə qaçmalıyıq? Niyə idmançılar dindar olur? Arıqlamaq üçün nə etmək lazımdır?

Vicdan nədir? İçimizdəki səsi nə zaman eşidirik? Vicdan emosionaldır, yoxsa rasional? Fəlsəfədə bunun cavabı varmı? Bütün bu suallar ətrafındakı müzakirədə siz də iştirak edin. Düşüncələrinizi şərhlərdə bildirin, yazın. Sizin üçün vicdan nədir?

Bu dəfə #Söhbətgah-da qonağımız Toğrul Ələkbərlə #ixtisasseçimi, #CVnecəyazılmalıdır, bizdə işsizlikdir, yoxsa işçisizlik mövzusunda söhbət etdik. İş necə axtarılmalıdır, ixtisas seçimi edərkən nələrə diqqət etmək lazımdır və s. suallarının cavabını bu podkastda tapa bilərsiniz.

Videoya şərh yazmağı və bölüşməyi unutmayın. Sizcə, bizdə işsizlikdir, yoxsa işçisizlik?

#Söhbətgah kanalımızda daha bir kiçik rubrika - #NəvarNəyox rubrikası. Bu rubrikada biz ölkədə çıxan yeni kitablar, dərgilər, musiqi reliz və albomlar, podkastlar və kinolar haqqında danışırıq.

İlk qonağımız qrafik dizayner Rəsul Həsən-dir. Onun "Qrafik dizaynın əsasları" və "Bir brendin hekayəsi" kitabı çapdan çıxıb. Rəsulla bu kitab haqqında və ümumiyyətlə dizayn haqında bir balaca söhbət etdik.

Bu dəfə #Söhbətgah-da #pul-dan danışırıq. Pulun idarə edilməsi, varlılar necə varlanır, kredit nədir və dövlətlər niyə borclanır, foreks və qiymətli kağızlar birjası, #bitcoin niyə bahadır kimi suallara cavab axtardıq. Maliyyə məsləhətçisi Orxan Bağırov bizə pulun sirrini açdı. Şərhləriniz, paylaşmağınız və bəyənmələrinizlə bizə dəstək olsanız sevinərik.

#Söhbətgah-dakı söhbətləri artırmaq qərarına gəldik. Qonaqlı söhbətlərimizdən savayı ətrafda olanlara, həyata, baş verənlərə və fəlsəfəyə münasibətimizi bildirəcəyik.

İlk söhbətimiz inancla bağlı oldu. İnanc nədir? Niyə inanmaq lazımdır? İslam Fəlsəfəsi haqqında danışırıq. Bu sizi bizi daha yaxından tanımaq imkanı verəcək. Siz də danışdıqlarımızla bağlı fikirlərinizi şərhlərdə bölüşə bilərsiniz.

"Münasibət"-lə bağlı fikirləriniz çox maraqlı olardı. Bu cür formatda davam edəkmi?

Bu dəfə #söhbətgah-da sitogenetika bioloqu Vüsalə Əliyeva ilə genimizdən danışmışıq. Genetik testlər bizə nə verir? Genimizdə nələr gizlənib? Nə qədər yaşayacağımızı bilə bilərik? Vaksinlər bizim genimizi dəyişə bilərmi? DNT-də nələr gizlənib?