President Cyril Ramaphosa herbevestig die regering se voorneme om Khoi-, Nama- en San-tale deel te maak van die skolekurrikulum. Landbou-organisasies reageer op die president se Versoeningsdag-toespraak. Nóg organisasies vra vir 'n verlenging van die registrasieproses vir informele handelaars. Rolprentmakers is hoopvol dat Suid-Afrika se inskrywing vir beste internasionale rolprent die gesogte Oscars-kortlys sal haal. Gevorderde tegnologie word ingespan om misdaad by grensposte soos Lebombo en Beitbrug te bekamp.