Die verdedigingsadvokaat in die Senzo Meyiwa-moordsaak, Malesela Teffo, verskyn in die Hillbrow-landdroshof weens minagting van die hof ná sy opspraakwekkende rrestasie gister. Die vierde deel van die Zondo-kommissie se verslag oor staatskaping is vandag aan president Cyril Ramaphosa oorhandig. Die regering belowe dat Suid-Afrika se digitale migrasie teen einde Junie afgehandel sal wees. Wetenskaplikes verskil oor of die vyfde golf van die Covid-19-pandemie reeds aangebreek het. Moskou beskuldig Amerika en die Weste daarvan dat hulle Oekraïne as 'n pion teen Rusland gebruik - 'n aantyging wat Oekraïne verwerp.