Intussen dreig die Wes-Kaapse Gemeenskapspolisiëringsforum om die komende naweek se misdaadberaad te boikot, indien daar nie gehoor gegee word aan hulle eise nie. Die forum eis 'n dringende vergadering môre met onder andere die Minister van Polisie, Bheki Cele en die Wes-Kaapse minister vir Gemeenskapsveiligheid Albert Fritz. Die waarnemende voorsitter van die forum, Fransina Lukas, sê hulle is ook ontevrede omdat die waarnemende polisiekommissaris die forum se voorsitter en sekretaris die trekpas gegee het. Lukas sê hulle eis die onmiddellike heraangestelling van die lede. Annelene Moses berig...