Weens die geweldadige kultuur in Suid-Afrika begin al meer vroue hulself bewapen sê die privaat wapeneienaars organisasie van Suid-Afrika , Gosa .Dit kan later 'n probleem raak as die minister van Polisie Bheki Cele sy sin kry. Cele is besig om wetgewing te skryf wat die besit van 'n vuurwapen vir self-beskerming sal uitsluit. Gosa het intussen ook 'n hofbevel teen die minister gekry om hom te verhoed om wapens waarvan die lisensie verval het, te konfiskeer.