Die Minister van Vervoer, Fikile Mbalula, sê hy wil graag toesien dat geen motoris sy mond aan alkohol sit, voordat hy agter die stuurwiel inskuif nie. Mbalula wil wetgewing wysig om die alkoholbeperking na 0% te verlaag. Mbalula wil toesien dat wetgewing in die verband, reeds later vanjaar van krag sal wees. Die besturende direkteur van driving.co.za, Rob Handfield-Jones, twyfel egter of dit 'n wesenlike verskil in die aantal padongelukke- en sterftes sal maak. Handfield-Jones verduidelik wat die huidige wetgewing sê en hoe haalbaar 'n wysiging is ten opsigte van motoriste wat onder die invloed van alkohol bestuur.