Jeffreysbaai in die Oos-Kaap gaan die eerste dorp op die vasteland word, wat 'n pad gaan bou van nie-herwinbare plastiek. Die fondasiewerk van die pad bly dieselfde as tradisionele paaie, maar die boonste laag gaan nou hoofsaaklik uit verwerkte plastiek bestaan. Marlinee Fouche berig die paaie hou glo langer as gewone teerpaaie, en is glo baie meer bestand teen die elemente.