Die Universiteit van Kaapstad bied binnekort die inheemse Khoisan-taal, **Khoekhoegowab, as 'n kort kursus aan. Sowat 40 studente is reeds geregistreer vir die klasse wat op 10 Junie by die Sentrum vir Buitemuurse Studie begin. Die dosent en navorser aan die Universiteit se Departement van Afrika-studies, dr. June Bam-Hutchison, sê die VN het vanjaar verklaar as die "Jaar van die Wêreld se Inheemse Tale" en daarom het die universiteit dit goedgedink om die kursus aan te bied.