Talle predikante in die NG kerk is gay, in weerwil van hulle kerkrade se teenkanting. Dis die mening van 'n pastorale berader van Pretoria. Marietjie van Loggerenberg wat in die pastorale berading van gays spesialiseer, het gereageer op die jongste nuus dat die NG Kerk 'n radikale ommekeer kan maak oor sy besluit om gays ten volle in die kerk te aanvaar. Van Loggerenberg het aan Izak du Plessis gesê gay predikante wou ná die sinodale besluit by haar weet of hulle nou uit die kas kan klim.